2 Corinto 6:16 - Lalang Hu Dios

¹⁶ Harì gayed daan mabaluy ha ipag-amulà sa timplu hu Dios daw sa mga diyus-diyus. Sikuy sa mga tumutuu iyan kuy timplu ha tagtimaan hu Dios ha bubuhay ta sa lalang hu Dios tagyanaen, “Magtimà a diyà ta kandan daw iyan a mabuhat ha Dios dan daw mabuhat daan sidan ha mga etaw ku.”

2 Corinto 6:16 ပူးပေါင်းရင်းမြစ်များ

Mateo 16:16

Tuminubag si Simon Pedro, “Iyan ka su Misiyas sa Batà hu bubuhay ha Dios.”

Mateo 6:24

“Harì gayed mabaluy ha sa etaw daruwa sa agalen din ta palanggaen din sa sabuwa ba sa sabuwa kuntrahen din, alimahan din sa sabuwa ba sa sabuwa ipatayà din. Sa etaw ha iyan din dà pinalanggà sa katigayunan din harì gayed mahimu ha palanggaen din daan sa Dios.

Lucas 5:36

Amin pa pananglitan ha inikagi hi Jesus kandan ha tagyanaen, “Hurà etaw ha agtapikan din hu bag-u ha manggad sa daan en ha pinaksuy, ta ku buhaten din haena mahigbit sa bag-u ha manggad daw nangkalain ha pag-ahaen ku makaamul duun hu daan en.

Juan 14:23

Tuminubag si Jesus, “Bisan sin-u sa tagpalanggà kanak tagtuman hu tigtudlù ku. Palanggaen haena hu Amay ku ta siak daw sa Amay ku diyà kay en tagtimà ta kandin.

Juan 6:56

Bisan sin-u sa kumaen hu lawa ku daw uminum hu langesa ku harì en makasuway kanak daw siak harì ad en sumuway kandin.

Roma 8:11

Ku didiyan en ta inyu sa Balaan ha Ispiritu ha sinugù hu Dios ha migbanhaw ki Cristo Jesus, bisan pa ku matay kaw ba pinaagi kandin mabanhaw kaw gihapun.

Roma 8:9

Ba kenà kaw en iman ulipen hu makasasalà ha kinaiya nuy ta sa tagbayà inyu iyan en sa Balaan ha Ispiritu ha didiyan en ta inyu. Sa etaw ha hurà ulini hu Balaan ha Ispiritu ha sinugù hi Cristo kenà din sakup.

Roma 9:26

Daw inikagi daan, “Duun taena ha lugar su anay ha inikagiyan ku sa mga etaw duun ha kenà ku etaw na iman ngaranan en sidan ha mga batà hu Dios ha bubuhay.”

1 Corinto 10:21

Sinyu sa mga tumutuu, harì mabaluy ha kumaen kaw daw uminum kaw hu paghenà-henà hu kamatayen hu Ginuu dayun umamul kaw daan hu pagkaen taena ha inhalad dan duun hu mga busaw.

1 Corinto 6:19

Hurà nuy ba diay katun-i ha sa lawa nuy iyan man timplu hu Balaan ha Ispiritu ha didiyan ta inyu ta in-ila en haini hu Dios? Sa lawa nuy kenà en inyu

Efeso 2:20

Iling kaw hu balay ha tinukud duun hu batu ha iyan si Cristo Jesus, sa insangyaw hu mga apustulis daw hu mga prupita.

Efeso 2:22

Aman sinyu sa kenà mga Judio, tumenged hu pagpakigsabuwa nuy ki Cristo bahin kaw en daan taini ha balay ha duun tagtimà sa Dios pinaagi hu Balaan ha Ispiritu.

Efeso 3:17

daw pinaagi hu pagtuu nuy si Cristo magtimà gayed diyan ta inyu. Tig-ampù ku ha manggamut daan sa pagpalanggà nuy

1 Timoteo 3:15

ku mayawat a hu pagdiyan matun-an nud en ku inu sa maayad ku mag-amul-amul kaw pagsimba hu Dios. Ta sikuy sa mga tumutuu pamilya hu Dios ha bubuhay daw mga tukud kuy daan ha duun sa kamatuuran.

2 Timoteo 1:14

Bantayi gayed sa kamatuuran ha insalig ikaw pinaagi hu pagbulig ikaw hu Balaan ha Ispiritu ha tagtimà dini ta kanit.

Hebreo 3:6

Ba si Cristo kenà bà dà suluguen ta Batà gayed hu Dios daw matinumanen hu pag-alima iman hu pamilya hu Dios. Iyan kuy en iman pamilya din ku pangesegan taw sa pagsalig taw kandin daw sa taghinamen taw ha iyan igkalipay taw.

Hebreo 8:10

Iyan haini bag-u ha kasabutan ha agbuhaten ku duun hu mga kaliwatan hi Israel. Iugsak ku sa mga sugù ku duun hu henà-henà dan daw tumanen dan haena dayun mabuhat a kandan ha Dios daw mga sakup ku daan sidan.

Santiago 4:5

Henà-henà nuy ba ha hurà pulus hu insulat ha lalang hu Dios ha tagyanaen, “Sa Balaan ha Ispiritu ha impatimà hu Dios dini ta kanuy agkabayà ha iyan taw dà gayed palanggaen sa Dios.”

1 Pedro 2:5

Iling kaw daan hu mga batu ha inilahan hu kinabuhì ha aggamiten hu Dios hu pagbuhat hu balay din ta daw iyan kaw himpit ha sinaligan din daw pinaagi ki Cristo Jesus taghalad kaw hu kaugalingen nuy duun hu Dios ha iyan agkabayà-bayaan din.

1 Juan 4:12

Hurà pa nakaahà hu Dios, ba ku magpinalanggaay kuy didini gayed sa Dios ta kanuy aman mahimpit daan sa pagpalanggà hu Dios dini ta kanuy.

1 Juan 4:15

Bisan sin-u sa tag-ikagi ha si Jesus iyan gayed Batà hu Dios saena nakigsabuwa gayed hu Dios.

Impadayag 2:1

“Isulat nu haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Efeso, ‘Iyan a su tagbalabad dini ta kawanan ku hu pitu ha bituen daw iyan a daan duun ku pitu ha sulù ha pulus bulawan. Taini sa mga lalang ku inyu.

Impadayag 21:3

Daw napaliman ku sa madaging ha lageng ha napuun duun hu trunu ha tagyanaen, “Iman sa Dios umamul hu kaet-etawan. Mabuhat en sidan ha mga etaw din daw iyan en daan Dios dan.

Impadayag 21:7

Bisan sin-u sa makapildi hu madaet makaangken taena ha kinabuhì daw iyan a kandin Dios daw iyan en daan batà ku.