2 Corinto 6:10 - Lalang Hu Dios

¹⁰ Bisan ku agkaguul kay ba malipayen kay gihapun. Makaluluuy kay gayed ba madakel sa napanalanginan pinaagi kanay. Hurà day mga butang ba bà su kanay en sa alan.

2 Corinto 6:10 ပူးပေါင်းရင်းမြစ်များ

Mateo 5:12

Ikalipay nuy gayed haena ta adagi tungkay sa igbales inyu hu Dios diyà ta langit, ta iyan daan haena binuhat dan duun hu mga prupita.

Mateo 5:4

“Malipayen gayed sa tagmagul-anen tumenged hu mga salà dan ta aglipayen sidan hu Dios.

Lucas 6:21

“Sinyu sa agkangauhul iman, malipayen kaw gayed ta mangabuhì kaw dà. “Sinyu sa taglugul iman, malipayen kaw dà asem.

Juan 16:22

Iling daan taena ha ku harì ad en inyu maahà maglugul kaw gayed, ba ku isab kuy makag-ahaay adagi gayed sa kalipay nuy daw saena harì gayed maagaw diyan ta inyu.

Mga Buhat 16:25

Ba su maliwarà en sa daleman si Pablo daw si Silas mig-ampù daw migkanta hu pagdayè hu Dios, daw migpaliliman kandan sa duma dan ha mga prisu.

Mga Buhat 3:6

Ba inikagiyan haena hi Pedro, “Hurà day salapì ba ku inu sa dini ta kanay iila day ikaw. Aman pinaagi hu ngaran hi Cristo Jesus ha taga-Nazareth hipanaw ka.”

Mga Buhat 5:41

Inawaan su mga labaw ha agalen ku mga apustulis ha malipayen ta naisip sidan ha angayan ha pagagayhaan tumenged ki Jesus.

Roma 11:12

Aman ku pigpanalanginan hu Dios sa kenà mga Judio tumenged hu pagsupak hu mga Judio, labaw pa gayed sa panalangin din ku iyan en sa mga Judio tumuu.

Roma 12:15

Magmalipayen kaw duma hu agkangalipay daw maglugul kaw duma hu taglugul.

Roma 15:13

Sa Dios ha iyan puunaan hu taghinamen taw mailahan kaw kandin hu adagi ha kalipay daw kalinaw tumenged hu pagsalig nuy kandin ta daw mag-iseg gayed sa paghinam nuy pinaagi hu gahem hu Balaan ha Ispiritu.

Roma 8:32

Tumenged ta hurà din kanuguni sa Batà din ba inhalad din haena para kanuy natun-an taw ha iila din gayed kanuy sa alan ha insaad din.

Roma 9:2

ha adagi sa kaguul ku daw harì agkaendà sa kasakit hu gahinawa ku

1 Corinto 1:5

ta tumenged hu pakigsabuwa nuy ki Cristo Jesus pigpanalanginan kaw gayed labi en hu kaalam daw katatau hu pagtudlù.

2 Corinto 2:4

Su isulat ku haena agkasamuk a gayed daw masakit sa gahinawa ku daw tag-agalà a gayed ta kenà ku iyan tuyù sa magpaguul inyu ba agkabayaan ku ngaay ha matun-an nuy ku inu kaadagi sa pagpalanggà ku inyu.

2 Corinto 4:15

Sa alan ha mga alantusen day makapaayad inyu ta pinaagi taena madakel gayed sa makatuu mahitenged hu grasya hu Dios daw madakel daan sa makagpasalamat daw magdayè hu Dios.

2 Corinto 4:7

Iling kay hu bangà ha tinaguan hu mahalen tungkay ta bisan ku maluya kay ba saini ha katengdanan insalig kanay hu Dios ta daw matun-an hu mga etaw ha sa adagi ha gahem day kenà dini ta kanay napuun ba duun hu Dios.

2 Corinto 8:9

Natun-an nuy ku inu gayed sa grasya hi Cristo Jesus ha Ginuu taw. Bisan ku sapian diyà ta langit ba nabuhat ha makaluluuy para inyu ta daw pinaagi taena mabuhat kaw daan ha sapian.

Efeso 3:16

Aghangyuen ku gayed ha sumalà hu pagkagamhanan din maglig-en kaw duun hu pagtuu nuy pinaagi hu Balaan ha Ispiritu

Efeso 3:8

Bisan pa ku pinakaminus ad en duun hu mga etaw hu Dios ba pinilì a kandin hu pagsangyaw duun hu kenà mga Judio hu Maayad ha Tultulanen mahitenged hu harì mategkad ha panalangin ha ig-ila hi Cristo.

Filipos 2:17

Sa pagtuu nuy iling hu halad ha mabayà-bayaan hu Dios. Ku mabayaan din ha sa kinabuhì ku ihalad daan saini igkabayà-bayà ku gayed. Sa pagtuu nuy pakapalipay kanak iling ha pakapalipay daan inyu.

Filipos 4:4

Sigi kaw gayed magmalipayen tumenged hu pagpakigsabuwa nuy hu Ginuu.

Colosas 1:24

Iman igkalipay ku sa pag-antus tumenged inyu ta mapengahan ku sa kanak ha alantusen iling hu inantus hi Cristo, daw saini makapaayad hu alan ha mga tumutuu ha iyan lawa din.

Colosas 3:16

Iduun hu mga henà-henà nuy sa mga katudluanan hi Cristo. Magpatudluay daw magdinasigà kaw sumalà hu natun-an hu kada sabuwa inyu. Magkanta kaw daan hu mga Salmo daw hu duma ha mga kanta ha pakadayè hu Dios duma hu pagpasalamat nuy diyà ta kandin.

1 Tesalonica 1:6

Aman inilingan kay inyu daw sa Ginuu ta bisan pa ku malegen sa mga alantusen ba dinawat nuy gayed ha malipayen sa Maayad ha Tultulanen pinaagi hu Balaan ha Ispiritu.

1 Tesalonica 5:16

Sigi kaw dà gayed magmalipayen

1 Timoteo 4:8

Ku mag-anad-anad ki pagbansay hu lawa ta, makapabis-ay haini kanit. Ba ayuwà gayed adagi sa pulus din ku maanad ki hu pagtuman hu agkabayaan hu Dios ta saini makapaayad hu pagtimà ta iman daw labaw pa gayed asem diyà ta langit.

1 Timoteo 6:18

Ikagiyi sidan ha iyan dan buhaten sa maayad ta iyan haena laus ha katigayunan daw magkalalagan daan sidan

Hebreo 10:34

Nahid-uwan nuy daan haena sa mga naprisu, daw su agawen dan sa mga butang nuy bà kaw dà nabayà-bayà ta natun-an nuy ha tungkay gayed maayad sa kahimtang nuy asem diyà ta langit duun hu hurà din katapusan.

Santiago 2:5

Pinalanggà ku ha mga suled, palilimani nuy haini. Kenà ba iyan pinilì hu Dios sa mga makaluluuy ha etaw dini ta kalibutan ta daw mabuhat sidan ha sapian duun hu pagtuu dan? Daw iyan daan sidan tagharian hu Dios sumalà hu mga saad din duun hu tagpalanggà kandin.

1 Pedro 4:13

Ba magmalipayen kaw gayed ha makaambit kaw hu mga alantusen hi Cristo ta daw adagi gayed sa kalipay nuy asem ku ipadayag en sa pagkagamhanan din.

Impadayag 2:9

Natun-an ku sa malegen ha alantusen nuy iman daw sa pagkaamani nuy, ba sapian kaw gayed asem diyà ta langit. Natun-an ku daan ha tagtameyesen kaw hu mga tagpasibù-sibù ha mga Judio ba mga sakup diay sidan hi Satanas.

Impadayag 21:7

Bisan sin-u sa makapildi hu madaet makaangken taena ha kinabuhì daw iyan a kandin Dios daw iyan en daan batà ku.