2 Corinto 5:17 - Lalang Hu Dios

¹⁷ Aman sa etaw ha nakigsabuwa ki Cristo bag-u en ha etaw ta sa daan ha pamatasan din nailisan en hu bag-u.

2 Corinto 5:17 ပူးပေါင်းရင်းမြစ်များ

Mateo 12:33

“Sa maayad ha kayu pulus dà gayed maayad sa bunga din, ba sa madaet ha kayu madaet en daan sa bunga din. Agkakilala taw sa kayu pinaagi hu bunga din.

Mateo 24:35

Mahanaw pa sa langit daw sa kalibutan ba sa mga lalang ku harì gayed mahanaw.

Lucas 5:38

Kinahanglan gayed ha sa bag-u pa ha binu duun dà daan itagù hu bag-u pa ha talaguay.

Juan 14:20

Duun asem taena ha aldaw matun-an nuy ha siak daw sa Dios ha Amay ku sabuwa kay dà, daw siak daw sinyu sabuwa kuy dà daan.

Juan 15:2

Sa mga panga ha harì mamunga awaen din, ba sa mga panga ha agpamunga limpyuwan din ta daw mamunga hu madakel.

Juan 15:5

“Iyan a puun hu pamulahen daw iyan kaw daan mga panga. Saena ha harì umawà dini ta kanak daw harì ku daan awaan mamunga hu madakel, ba sa sumuway kanak hurà din en gayed mahimu.

Juan 17:23

Sidan daw siak sabuwa kay dà ta siak daw sikaw sabuwa ki dà daan. Magsabuwa sidan ta daw matun-an hu kaet-etawan ha sinugù a gayed ikaw daw palanggà nu daan sidan iling hu pagpalanggà nu kanak.

Juan 3:3

Tuminubag si Jesus, “Laus gayed sa ag-ikagiyen ku ikaw ha sa etaw ku harì iisab ibatà harì gayed maharian hu Dios.”

Juan 3:5

Tuminubag si Jesus, “Laus gayed sa tag-ikagiyen ku ikaw ha iyan dà maharian hu Dios sa etaw ha ibatà pinaagi hu wahig daw pinaagi hu Balaan ha Ispiritu.

Roma 16:10

Ipangamusta a ki Apeles sa nakilala ha matinumanen ki Cristo. Ipangamusta a daan hu pamilya hi Aristobulo.

Roma 16:11

Ipangamusta a ki Herodion sa kadumahan ku ha Judio. Ipangamusta a daan hu mga tumutuu duun hu pamilya hi Narciso.

Roma 16:3

Ipangamusta a ki Priscila daw ki Aquila sa bulig ku duun hu buluhaten hi Cristo Jesus

Roma 16:7

Ipangamusta a ki Andronico daw ki Junias sa kadumahan ku ha mga Judio ha naprisu daan su anay duma kanak. Tinahud sidan hu mga apustulis daw iyan daan sidan nauna dì kanak ha nakatuu ki Cristo.

Roma 16:9

Ipangamusta a ki Urbano sa bulig taw ha suluguen hi Cristo daw ki Estaquis sa pinalanggà ku ha suled.

Roma 7:6

Ba iman ta iling kuy ha minatay en duun taena ha tagbayà kanuy su anay nalibri kuy en hu Kasuguan ta daw mabuhat taw sa agkabayaan hu Dios kenà en pinaagi hu pagtuman hu Kasuguan ba pinaagi en hu pagbulig kanuy hu Balaan ha Ispiritu.

Roma 8:1

Sikuy sa nakigsabuwa ki Cristo Jesus, harì kuy en mahukuman hu silut.

1 Corinto 1:30

Iman pinaagi hu Dios nasabuwa kuy ki Cristo Jesus, aman tumenged kandin amin taw kaalam daw inisip kuy hu Dios ha matareng daw mahimpit ha mga etaw din ha nalibri duun hu mga salà taw.

1 Corinto 13:11

Su anay ha batà a pa sa henà-henà daw sa pag-ikagi ku kulang gayed, ba su makagulang ad en inendaan kud su binatà ha mga buhat.

2 Corinto 12:2

Amin ku natun-an ha tumutuu ki Cristo saena sampulù en daw haepat ha tuig ha inuwit duun hu banuwa hu Dios diyà ta langit. Hurà ku katun-i ku iyan en ba sa lawa din daw ku bà din dà ba haena damugu ta iyan dà sa Dios nakatuen taena. Iyan dà natun-an ku ha saini ha etaw nakaduun hu madagway ha banuwa hu Dios.

2 Corinto 5:16

Aman iman harì day aghukuman sa etaw pinaagi hu kalibutanen dà ha paghukum. Su anay sa paghenà-henà day ki Cristo agkailing dà hu etaw, ba iman kenà en hayan iyan henà-henà day kandin.

2 Corinto 5:19

Pinaagi ki Cristo impalikù hu Dios sa maayad ha pagdapità din duun hu kaet-etawan daw linipatan din en sa mga salà dan. Iyan haini insalig din ha igtultul day inyu.

2 Corinto 5:21

Si Cristo sa hurà din salà iyan sinilutan hu Dios tumenged hu mga salà taw ta daw pinaagi hu pagpakigsabuwa taw kandin mabuhat kuy iman hu Dios ha matareng iling kandin.

Galacia 3:28

Iman hurà en kalainan hu mga Judio daw hu kenà mga Judio, sa mga ulipen daw sa kenà, sa mga maama daw sa mga bahi, tumenged ta sabuwa kaw dà pinaagi hu pagpakigsabuwa nuy ki Cristo Jesus.

Galacia 5:6

Ta ku makigsabuwa kuy en ki Cristo Jesus sa pigsirkunsidahan daw sa hurà, mig-iling dà duun hu Dios. Iyan dà mahinengdanen sa pagtuu taw ki Cristo daw sa pagpinalanggaay taw ha iyan timaan taena.

Galacia 6:15

Sa pagpasirkunsida daw ku harì hurà din pulus ta sa mahinengdanen gayed iyan sa nabag-u kuy en ha etaw.

Efeso 2:10

Pinaagi hu pagpakigsabuwa taw ki Cristo Jesus binag-u kuy kandin ta daw mabuhat taw sa mga maayad sumalà hu daan en ha katuyuan hu Dios para kanuy.

Efeso 2:15

Pinaagi hu kamatayen din naawà sa kagahem hu mga tulumanen hu Kasuguan ta daw makagsabuwa sa alan ha mga etaw tumenged hu pagpakigsabuwa dan kandin. Pinaagi taena malinawen en sa pagdapità taw alan.

Filipos 4:21

Agpangamusta a inyu sinyu sa alan ha mga tumutuu ki Cristo Jesus diyan. Agpangamusta daan inyu sa mga suled taw ha duma ku dini.