2 Corinto 5:1 - Lalang Hu Dios

¹ Natun-an taw ha ku matay en haini sa lawa taw amin taw bag-u ha lawa diyà ta langit ha ig-ila kanuy hu Dios ha harì en agkaledak.

2 Corinto 5:1 ပူးပေါင်းရင်းမြစ်များ

Marcos 14:58

“Napaliman day haini ha tagyanaen, ‘Agkagasen ku haini sa Timplu ha binalay hu etaw, ba duun hu tatulu ha aldaw agbalayen ku dà sa lain ha timplu ha kenà en binuhat hu etaw.’”

Mga Buhat 7:48

“Ba bisan pa taena sa Dios ha Magbabayà hu alan harì tagtimà duun hu balay ha binuhat hu etaw dà ta inikagi en hu prupita,

1 Corinto 3:9

Siak daw si Apollo bà dà migbuligà duun hu buluhaten hu Dios daw sinyu agkailing kaw hu uma hu Dios ha pigtrabahuwan day. Agkailing kaw daan taena ha agbalayen hu Dios.

2 Corinto 4:7

Iling kay hu bangà ha tinaguan hu mahalen tungkay ta bisan ku maluya kay ba saini ha katengdanan insalig kanay hu Dios ta daw matun-an hu mga etaw ha sa adagi ha gahem day kenà dini ta kanay napuun ba duun hu Dios.

2 Corinto 5:4

Iman ha dini kuy pa ta kalibutan malegen gayed sa pagtimà taw. Ba harì kuy daan agkabayà ha matay kuy en ta sa agkabayaan taw iyan sa lawa ha diyà ta langit ha harì en agpatay.

Colosas 2:11

Tumenged hu pagpakigsabuwa nuy ki Cristo iling ha pigsirkunsidahan kaw, ba kenà pinaagi hu etaw dà ta pinaagi gayed ki Cristo ta inawà din sa kinaiya nuy ha makasasalà.

2 Timoteo 1:12

daw iyan haini hinengdan ha tag-antus a iman. Ba harì kud haini igkagayhà ta natun-an kud ku sin-u sa pigtuuwan ku daw siguru a gayed ha mabantayan din sa insalig ku kandin hangtud ha makalikù si Cristo Jesus.

Hebreo 11:10

ta sa taghinamen dan iyan gayed sa banuwa ha tinukud hu Dios diyà ta langit.

Hebreo 9:11

Iman nakauma en si Cristo ha iyan tungkay labaw ha sinaligan hu paghalad pinaagi hu bag-u ha paagi, daw sa Tabirnakulu ha sineledan din, kenà binuhat hu etaw ta kenà haena dini dà ta kalibutan.

Hebreo 9:24

Aman sa inhalad hi Cristo iyan gayed sa lawa din daw saena ha Tabirnakulu ha sineledan din kenà dini dà ta kalibutan ha binuhat hu etaw ba iyan gayed sa laus ha Tabirnakulu diyà ta langit. Iman iyan haena agpangatubang duun hu Dios para kanuy.

1 Pedro 1:4

ta sa tagsalapen taw iyan sa intagana hu Dios kanuy diyà ta langit ha harì en gayed agkadaet daw harì en daan agkaledak daw harì en gayed daan agkahanaw.

2 Pedro 3:11

Tumenged ta iyan haena paagi ha mangadaet sa alan kinahanglan gayed ha paniguruwan nuy sa pagsunud hu Dios daw himpiten nuy sa batasan nuy

1 Juan 3:14

Su anay iling kuy hu minatay ba iman amin taw en kinabuhì ha hurà din katapusan na sa timaan taena iyan sa amin taw pagpalanggà hu mga duma taw. Saena ha harì tagpalanggà hu mga duma din iling da hu minatay en.

1 Juan 3:19

Ku buhaten taw haena iyan timaan ha duun kuy hu kamatuuran daw harì kuy magayhaan duun hu atubangan hu Dios

1 Juan 3:2

Minahal ku ha mga suled, iyan kuy gayed iman mga batà hu Dios. Inlilung pa iman kanuy ku inu gayed sa kadagway taw asem, ba natun-an taw en ha ku lumikù si Jesus mailing kuy kandin ta maahà taw en haena.