2 Corinto 3:3 - Lalang Hu Dios

³ Iyan kaw en sulat ha napuun diyà ki Cristo tumenged ta sinugù kay kandin diyan ta daw makatuu kaw. Saini ha sulat kenà pinaagi hu tintà daw ku duun ba hu batu iling taena ha sinulatan hu Kasuguan, ta saini insulat hu Dios ha bubuhay duun hu gahinawa nuy pinaagi hu Balaan ha Ispiritu.

2 Corinto 3:3 ပူးပေါင်းရင်းမြစ်များ

Mateo 16:16

Tuminubag si Simon Pedro, “Iyan ka su Misiyas sa Batà hu bubuhay ha Dios.”

1 Corinto 3:5

Henhenaa nuy ha siak daw si Apollo bà kay dà mga suluguen hu Dios ha sinaligan din hu mga buluhaten daw pinaagi kanay nakatuu kaw daan.

2 Corinto 3:6

ta iyan mig-ila kanay hu katatau ha makagsangyaw kay hu bag-u ha kasabutan hu Dios daw hu kaet-etawan ha kenà pinaagi hu Kasuguan ba pinaagi hu Balaan ha Ispiritu. Ta sa Kasuguan taghukum hu silut duun hu etaw ta harì din agkatuman haena, ba sa Balaan ha Ispiritu tag-ila hu kinabuhì ha hurà din katapusan.

2 Corinto 3:7

Su timuen hi Moises sa Kasuguan ha insulat duun hu batu migpangaluanlag sa weleng din ha bisan su agkaawà en sa siga taena agsinlangen pa sa mga etaw duun. Ku impadayag hu Dios sa gahem din pinaagi hu Kasuguan ha kamatayen dà sa agkapayanan-an taena,

2 Corinto 6:16

Harì gayed daan mabaluy ha ipag-amulà sa timplu hu Dios daw sa mga diyus-diyus. Sikuy sa mga tumutuu iyan kuy timplu ha tagtimaan hu Dios ha bubuhay ta sa lalang hu Dios tagyanaen, “Magtimà a diyà ta kandan daw iyan a mabuhat ha Dios dan daw mabuhat daan sidan ha mga etaw ku.”

1 Tesalonica 1:9

ta saena ha mga etaw iyan en nakatultul ha dinawat kay gayed inyu. Intultul dan daan ha inendaan nuy en sa mga diyus-diyus na sa tagsimbahen nuy iman iyan en sa laus daw bubuhay ha Dios

Hebreo 10:16

“Iyan haini bag-u ha kasabutan ku duun hu kaet-etawan. Iugsak ku sa mga sugù ku duun hu henà-henà dan daw magtuman sidan taena.”

Hebreo 8:10

Iyan haini bag-u ha kasabutan ha agbuhaten ku duun hu mga kaliwatan hi Israel. Iugsak ku sa mga sugù ku duun hu henà-henà dan daw tumanen dan haena dayun mabuhat a kandan ha Dios daw mga sakup ku daan sidan.

Hebreo 9:14

labaw pa gayed sa mahimu hu langesa hi Cristo. Ta pinaagi hu bulig hu Balaan ha Ispiritu ha hurà din katapusan inhalad din sa himpit ha kaugalingen din duun hu Dios ha bubuhay ta daw angayan kuy hu pagsimba kandin ta inawà din sa kasamuk taw mahitenged hu pagpakasalà taw ha iyan ngaay tag-uwit kanuy duun hu kamatayen.

Impadayag 2:1

“Isulat nu haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Efeso, ‘Iyan a su tagbalabad dini ta kawanan ku hu pitu ha bituen daw iyan a daan duun ku pitu ha sulù ha pulus bulawan. Taini sa mga lalang ku inyu.

Impadayag 2:12

“Isulat nu haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Pergamo, ‘Iyan a sa amin din magalang ha ispada. Taini sa mga lalang ku inyu.

Impadayag 2:18

“Isulat nu daan haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Tiatira, ‘Iyan a su Batà hu Dios ha sa mata ku bà su hapuy ha tagkalegdeg daw sa paa ku iling hu galang ha tagsinlang. Taini sa mga lalang ku inyu.

Impadayag 2:8

“Isulat nu haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Esmirna, ‘Iyan a su puunaan daw sa katapusan hu alan. Minatay ad en ba nabanhaw a dà. Taini sa mga lalang ku inyu.

Impadayag 3:1

“Isulat haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Sardis, ‘Iyan a su tagbayà hu Balaan ha Ispiritu ha tagpadayag hu pagkagamhanan din duun hu pitu ha paagi daw iyan a daan tagbalabad hu pitu ha bituen. Taini sa mga lalang ku inyu. Natun-an ku sa tagbuhaten nuy. Abi hu mga etaw ha amin nuy en kinabuhì ba sa mga buhat nuy iyan timaan ha mga patay kaw pa.

Impadayag 3:14

“Isulat nu haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Laodicea, ‘Iyan a su matinumanen daw agkasaligan gayed ta kamatuuran sa mga lalang ku daw pinaagi kanak tinanghagà hu Dios sa alan. Taini sa mga lalang ku inyu.

Impadayag 3:22

Henhenaa gayed sa napaliman nuy ha inikagi hu Balaan ha Ispiritu duun hu alan ha mga tumutuu.’”

Impadayag 3:7

“Isulat haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Filadelfia, ‘Iyan a sa kasaligan ha pinilì hu Dios. In-ila kanak sa kagahem hu pagharì iling hu kagahem hi David su anay. Ku amin etaw ha ipaseled ku duun hu tagharian ku hurà bisan sin-u ha makabaldeng taena, daw sa sirahan ku harì daan mapuwaan hu bisan sin-u. Taini sa mga lalang ku inyu.