2 Corinto 11:27 - Lalang Hu Dios

²⁷ Napedà-pedaan a daan hu pagtrabahu daw tagkapulangà a, nauhul daw nalauwan a. Mahies ad en harì pakakaen daw agkatinuan a daan ta hurà ku bisti.

2 Corinto 11:27 ပူးပေါင်းရင်းမြစ်များ

Mateo 17:21

Ba saena ha klasi hu busaw mabugaw pinaagi dà gayed hu harì agkaelangan ha pag-ampù.”

Mga Buhat 14:23

Su mapilì dan en sa mga agalen duun hu mga punduk hu tagkaamul-amul ha mga tumutuu diyà suminalang sidan hu pagkaen ta daw harì maelangan sa pag-ampù dan. Dayun insalig dan sidan duun hu Dios ha iyan pigtuuwan dan.

Mga Buhat 20:31

Aman magbantay kaw gayed daw timan-i nuy ha aldaw daw ku daleman duun hu tatulu ha tuig sinambagan ku inyu daw inagalaan ku gayed inyu.

1 Corinto 7:5

Sinyu sa mig-asawa, kinahanglan ha harì kaw magpabalibarà ku hurà nuy daan nasabutan ha panahun hu pag-ampù. Ba ku mapenga haena buhaten nuy gihapun sa pag-asawa nuy ta daw harì kaw masulayan hi Satanas tumenged ta harì kaw pakapugung hu kaugalingen nuy.

2 Corinto 11:23

Ku ipasigalbu dan ha suluguen sidan hi Cristo labaw a pa dì kandan. Agkailing a iman hu buang-buang ha tag-ikagi taini. Adagi pa sa kanak ha trabahu dì kandan daw kapila a pa gayed kaprisu. Harì en maiyap ha piglagkutà a daan daw kapila ad en daan hapit en patay.

2 Corinto 6:5

Binunalan daw pig-prisu kay, pinasipalahan kay daan hu tagsinamuk ha mga etaw. Amin panahun ha malegen gayed sa trabahu day, usahay agkapulang kay daw hurà day pagkaen.

Filipos 4:12

Naanad ad en hu makaluluuy ha kagtima daw agkatun-an ku daan sa sapian kahimtang. Duun hu bisan inu ha kaula-ula natun-an kud sa pagkalipay duun, ku madakel sa pagkaen daw ku tigkauhul daan, sa pagkasapian daw sa pagkamakaluluuy.

1 Tesalonica 2:9

Mga suled, henhenaa nuy ha su magsangyaw kay hu Maayad ha Tultulanen mahitenged ki Cristo diyan ta inyu naniguru kay gayed hu pagtrabahu ta daw harì kaw masamukan hu mga kinahanglanen day.

2 Tesalonica 3:8

daw hurà kay magsalig inyu hu mga kinahanglanen day ba naniguru kay hu pagtrabahu ta daw harì kaw masamukan kanay.

Hebreo 11:37

Sa duma kandan binatu taman ha matay daw sa duma tinamped pinaagi hu gabas daw sa duma hinimatayan pinaagi hu ispada. Sa duma kandan migpinaksuy hu langgit hu mga karniru daw hu mga kambing daw mig-antus sidan hu kauhul, pigpasipalahan sidan daw pigdaeg-daeg.