2 Corinto 11:12 - Lalang Hu Dios

¹² Dayunen ku gayed sa harì pagpanayuay diyan ta inyu ta daw saena ha bà dà tagpasibù-sibù ha mga apustulis harì makaikagi ha ipagbayad day sa mga etaw iling hu kandan ha tagbuhaten.

2 Corinto 11:12 ပူးပေါင်းရင်းမြစ်များ

Mateo 26:16

Sugud taena nan-ahà si Judas hu paagi ha makatugyan din si Jesus diyà ta kandan.

1 Corinto 5:6

Imbà kaw man galbuwen? Hurà nuy ba diay katun-i ha sa atiyuay dà ha igpatulin pakalekep en duun hu madakel ha harina?

1 Corinto 9:12

Ku amin katenged hu duma hu paghinam taini dì ba labaw pa man sa kanay ha katenged? Ba saini ha katenged hurà day buhata ta impalabi day ha mag-antus kay hu mga malegen ta daw hurà makaelang hu pagsangyaw day hu Maayad ha Tultulanen mahitenged ki Cristo.

2 Corinto 1:17

Ba tumenged ta hurà katuman sa pagdiyan ku nakahenà-henà kaw ha sa lalang ku tagkahalin-halin iling hu kalibutanen ha bà dà tagbiduay.

2 Corinto 10:17

Sa lalang hu Dios tagyanaen, “Ku amin magpasigalbu kinahanglan ha iyan din ipasigalbu sa binuhat hu Ginuu.”

2 Corinto 11:18

Ba tumenged ta madakel sa tagpasigalbu hu agkabuhat dan dini ta kalibutan tagpasigalbu a daan iling kandan.

2 Corinto 11:9

Su diyan a ta inyu ku amin ku kinahanglanen hurà a panayù ta daw harì kaw masamuk, ta iyan sa mga suled taw diyà ta Macedonia mig-ila kanak hu mga kinahanglanen ku. Aman hurà a gayed panayù daw harì a gayed magpanayuay diyan ta inyu ta daw harì kaw masamukan kanak.

2 Corinto 5:12

Harì nuy aghenhenaa ha dayeen day en paman sa kaugalingen day. Iyan day dà agkabayaan ha malipay kaw tumenged kanay. Dayun makatubag kaw taena ha mga etaw ha tagpagalbu hu agkaahà ha mga buhat dan ha bà su maayad ba kenà iyan sa laus ha henà-henà dan.

Galacia 1:7

Ba harì gayed mahimu ha amin pa lain ha Maayad ha Tultulanen. Amin mga etaw ha tagpalibeg inyu ta agkabayaan dan ag-ilisi sa Maayad ha Tultulanen mahitenged ki Cristo.

1 Timoteo 5:14

Aman sa salambagan ku iyan haini, maayad gayed ku sa mga batan-en pa ha balu magpaasawa dà daw alimahan sa pamilya dan ta daw harì sidan masaway taena ha agsupak kanuy,