1 Timoteo 6:11 - Lalang Hu Dios

¹¹ Sikaw sa suluguen hu Dios, harì nu agbuhata sa iling taena. Paniguruwi gayed sa pagkamatareng daw sa pagtuman hu agkabayaan hu Dios, sa pagsalig nu kandin daw sa pagpalanggà nu hu mga duma nu. Magmainantusen ka hu bisan inu daw magmaluluy-en ka.

1 Timoteo 6:11 ပူးပေါင်းရင်းမြစ်များ

Roma 14:19

Aman paniguruwan taw gayed sa malinawen ha pagdapità daw sa pagpalig-en hu pagtuu hu kada sabuwa.

1 Corinto 10:14

Iman pinalanggà ku ha mga suled, maglikay kaw hu pagsimba hu mga diyus-diyus.

1 Corinto 14:1

Paniguruwi nuy gayed sa laus ha pagpalanggà daw panayua daan sa katatau duun hu Dios pinaagi hu Balaan ha Ispiritu ilabi en sa pagsaysay hu igpaikagi hu Dios.

1 Corinto 6:18

Magpadiyù kaw gayed hu pagbuhat hu malaw-ay. Sa duma ha salà hu etaw harì pakadaet hu lawa din, ba sa tagbuhat hu malaw-ay nakasalà duun hu kaugalingen din.

1 Timoteo 1:14

Sa grasya ha in-ila kanak hu Ginuu taw adagi gayed tungkay aman nakatuu a daw iman agkahimu kud sa pagpalanggà tumenged kandin.

1 Timoteo 4:12

Bisan pa ku batan-en ka pa ba kinahanglan angayan ka gayed tahuran hu bisan sin-u. Mabuhat ka gayed ha sampitan hu mga tumutuu pinaagi hu pag-ikagi daw batasan ha maayad, duun hu pagpalanggà hu bisan sin-u, hu pagsalig ki Cristo Jesus daw hu pagkahimpit nu.

1 Timoteo 5:10

Nakilala en ha maayad sa mga buhat din ta inalimahan din gayed sa mga batà daw matanul daan hu mga langyaw, mapainubsanen pagbulig hu mga tumutuu daw agbuligan din daan sa taglised daw iyan din dà gayed tagbuhaten sa maayad.

1 Timoteo 6:20

Timoteo, bantayi gayed sa insalig ikaw. Likayi sa mga lalang-lalang ha pakasupak hu Dios daw sa pakasupak hu kamatuuran ta abi dan ha laus en haena ha katatau,

2 Timoteo 2:21

Ku amin etaw ha himpiten din sa kaugalingen din mailing hu mahinengdanen ha galamiten tumenged ta mapuslanen duun hu Ginuu ta nabuhat en ha himpit daw andam en daan hu pagbuhat hu bisan inu ha maayad.

2 Timoteo 2:22

Aman magpadiyù ka duun hu madaet ha babayaen hu mga batan-en daw paniguruwi nu sa pagkamatareng daw sa pagsalig ki Cristo Jesus, sa pagpalanggà nu daan hu mga duma nu daw sa malinawen ha pagdapità, ta iyan haini buhat hu tagpabulig hu Dios pinaagi hu himpit ha henà-henà.

2 Timoteo 3:10

Sikaw Timoteo, natun-an nud en sa mga katudluanan daw sa pamatasan ku, sa katuyuan daw sa pagsalig ku ki Cristo Jesus, sa pagpailub daw sa pagpalanggà ku hu bisan sin-u daw sa pagkamainantusen ku.

2 Timoteo 3:17

ta daw sa etaw hu Dios mahimpit daw maandam gayed pagbuhat hu maayad.

Hebreo 12:14

Buhata nuy sa mahimu nuy ta daw malinawen sa pagdapità nuy duun hu bisan sin-u daw mahimpit kaw, ta sa kenà mahimpit harì din gayed maahà sa Ginuu.

1 Pedro 3:11

Kinahanglan ha igsalikway din sa madaet daw buhaten din sa matareng daw siguruwan din daan gayed sa malinawen ha pakigdapità duun hu mga etaw.