1 Timoteo 5:6 - Lalang Hu Dios

⁶ Ba saena ha tagpateyeng hu kalibutanen ha kalipayan minatay en bisan ku bubuhay pa ngaay.

1 Timoteo 5:6 ပူးပေါင်းရင်းမြစ်များ

Mateo 8:22

Ba inikagiyan haena hi Jesus, “Dumuma kad kanak ta su mga etaw ha hurà dan pa kinabuhì iyan en maglebeng hu mga minatay.”

Lucas 12:19

Iman malipayen ad gayed ta saini ha mga butang ku tumanan en hu pila ha tuig aman humimlay ad iman pagtrabahu daw bà a dà paman magkaenà daw mag-inumà dayun buhaten ku sa alan ha ikalipay ku.’

Lucas 15:13

Su pila en ha aldaw tinimù ku manghud sa alan ha bahin din daw pahiphipanaw duun hu madiyù ha banuwa dayun gastuwa sa salapì din duun hu maal en ha mga buhat.

Lucas 15:24

ta saini ha batà ku iling hu minatay en ba iman nabanhaw dà daw nalaag en ba iman nakaulì dà.’ Aman migsaulug sidan.

Lucas 15:32

Angayan ha malipay kuy ta saini ha manghud nu iling hu minatay en ba iman nabanhaw dà daw nalaag en ba iman nakaulì dà.’”

Lucas 16:19

“Amin etaw ha sapian tungkay ha migpinaksuy hu tungkay mahalen daw aldaw-aldaw hayahay gayed sa pagtimà din.

Lucas 7:25

Duminiyà kaw ba daan ta daw maahà nuy sa tungkay madagway ha pinaksuy din? Hurà gayed ta sa etaw ha tagpinaksuy hu madagway daw mahayahay sa pagtimà din duun taw dà agkaahà hu mga balay hu harì.

Efeso 2:1

Su anay bà su minatay kaw en tumenged ta sinupak nuy sa Dios daw nakasalà kaw.

Efeso 2:5

bisan pa ku minatay kuy en ta sinupak taw sa Dios ba pig-ilahan kuy kandin hu kinabuhì duma ki Cristo ta linuwas kuy kandin tumenged hu grasya din.

Colosas 2:13

Su anay bà su minatay kaw tumenged hu salà daw pagtuman hu makasasalà ha kinaiya nuy, ba iman pig-ilahan kaw hu Dios hu kinabuhì duma ki Cristo. Pinasaylu din daan sa mga salà taw

2 Timoteo 3:6

Sa duma kandan taglatun-latun duun hu mga balay daw panlimbung hu mga bahi ha agkasamuk tumenged ta madakel sa mga salà dan daw madalì dà sidan agkauwit duun hu mga madaet.

Santiago 5:5

Iman sa pagtimà nuy duun taini ha kalibutan hayahay gayed daw ben tagpateyeng kaw en hu kalipayan, iling dà hu babuy ha impalambù ha intagana hu aldaw ha ag-iyawen haena.

Impadayag 18:7

Su anay migpagalbu ha sa pagtimà din tungkay gayed hayahay iling hu sapian daw kagi din, ‘Iyan a rayna daw kenà a balu aman harì ad gayed maglugul.’ Ba saena balesan nuy hu tungkay adagi ha mga kalugul daw mga malegen ha alantusen.

Impadayag 3:1

“Isulat haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Sardis, ‘Iyan a su tagbayà hu Balaan ha Ispiritu ha tagpadayag hu pagkagamhanan din duun hu pitu ha paagi daw iyan a daan tagbalabad hu pitu ha bituen. Taini sa mga lalang ku inyu. Natun-an ku sa tagbuhaten nuy. Abi hu mga etaw ha amin nuy en kinabuhì ba sa mga buhat nuy iyan timaan ha mga patay kaw pa.