1 Timoteo 5:2 - Lalang Hu Dios

² Iling daan sa mga laas ha bahi sambagi sidan isip ha inay nu. Daw sa mga batan-en pa dì sikaw ha bahi sambagi nu iling ha mga suled daw kinahanglan ha malimpyu sa henà-henà nu kandan.

1 Timoteo 5:2 ပူးပေါင်းရင်းမြစ်များ

Mateo 12:50

ta bisan sin-u sa tagtuman hu agkabayaan hu Amay ku diyà ta langit iyan en haena inay ku daw mga suled ku.”

Filipos 4:8

Iman mga suled, ag-ikagiyen ku pa haini inyu ha kinahanglan ha henhenaen nuy sa alan ha mga maayad gayed daw sa angayan hu pagdayè iling hu alan ha mga laus daw saena ha agkatahuran, sa bisan inu ha matareng daw sa alan ha mahimpit, sa igkabayà-bayà daw sa tagdayeen hu etaw.

1 Tesalonica 5:22

daw magpakadiyù kaw gayed duun hu alan ha madaet.

1 Timoteo 4:12

Bisan pa ku batan-en ka pa ba kinahanglan angayan ka gayed tahuran hu bisan sin-u. Mabuhat ka gayed ha sampitan hu mga tumutuu pinaagi hu pag-ikagi daw batasan ha maayad, duun hu pagpalanggà hu bisan sin-u, hu pagsalig ki Cristo Jesus daw hu pagkahimpit nu.

1 Timoteo 5:1

Harì nu tagdasang-dasangi sa mga maama ha magulang en ba sambagi sidan duun hu manayù-nayù ha paagi isip amay nu. Sambagi nu daan sa mga batan-en pa ha maama di sikaw isip ha mga suled nu.

1 Timoteo 5:3

Pandayai nuy sa mga balu ha tagkalised-lised.

2 Timoteo 2:22

Aman magpadiyù ka duun hu madaet ha babayaen hu mga batan-en daw paniguruwi nu sa pagkamatareng daw sa pagsalig ki Cristo Jesus, sa pagpalanggà nu daan hu mga duma nu daw sa malinawen ha pagdapità, ta iyan haini buhat hu tagpabulig hu Dios pinaagi hu himpit ha henà-henà.