1 Timoteo 4:14 - Lalang Hu Dios

¹⁴ Harì nu agbaybayani sa katengdanan ha in-ila ikaw hu Dios su dampaen ka hu mga agalen hu mga tumutuu ha tag-ikagi iyan ka pinilì hu Dios ha suluguen din.

1 Timoteo 4:14 ပူးပေါင်းရင်းမြစ်များ

Mga Buhat 11:30

Binuhat dan haena daw sugua si Bernabe daw si Saulo hu pag-uwit taena duun hu mga agalen hu mga tumutuu.

Mga Buhat 13:3

Su maiwas en sa pag-ampù dan daw sa pagsalang dan hu pagkaen pinagaheman si Bernabe daw si Saulo pinaagi hu pagdampà dan kandan dayun impahipanaw sidan.

Mga Buhat 19:6

Dinampà hi Pablo sa ulu dan dayun inulinan sidan hu Balaan ha Ispiritu. Nakaikagi sidan hu harì dan agkasabut ha mga inikagiyan daw insaysay dan daan sa igpaikagi hu Dios.

Mga Buhat 22:5

Sa tungkay labaw ha sinaligan hu paghalad daw sa alan ha mga labaw ha agalen makapanistigus gayed ha laus haini sa tag-ikagiyen ku. Iyan man ganì sidan mig-ila kanak hu mga sulat duun hu mga duma dan diyà ta Damasco. Aman duminiyà a ta Damasco hu pagpandakep hu mga tumutuu diyà ta igpauwit ku sidan dini ta Jerusalem ta daw masilutan sidan.

Mga Buhat 6:6

Impaatubang su nangapilì duun hu mga apustulis daw pinagaheman sidan pinaagi hu pagdampà hu ulu dan taena ha mga apustulis dayun inampuan dan sidan.

Mga Buhat 8:17

Aman dinampà hu mga apustulis su mga tumutuu dayun inulinan sidan hu Balaan ha Ispiritu.

1 Tesalonica 5:19

Harì nuy agsupaka sa Balaan ha Ispiritu

1 Timoteo 1:18

Sikaw Timoteo sa batà ku, ag-ikagiyen ku dà ikaw su impanugun hu migsaysay hu impaikagi kandan hu Dios ta daw pinaagi hu pagtuman nu taini makapaniguru ka duun hu pagtuu isip buutan ha sundalu hi Cristo Jesus.

1 Timoteo 4:15

Paniguruwi gayed sa buluhaten ha insalig ikaw ta daw maahà hu mga etaw sa pag-uswag nu duun.

1 Timoteo 5:17

Sa mga agalen hu mga tumutuu ha maayad mangalima hu mga sakup dan angayan gayed ha tahuran daw ilahan daan hu tumanan ha suhul din labi en gayed sa agpaniguru tagwali daw tagtudlù.

1 Timoteo 5:19

Harì nuy palilimanan sa madaet ha sumbung mahitenged hu agalen hu mga tumutuu ku hurà daruwa daw ku tatulu ba ha makapanistigus mahitenged kandin.

1 Timoteo 5:22

Harì ka gayed agkaana-ana hu pagpilì hu agsaligan duun hu tagkaamul-amul ha mga tumutuu ta kan ku amin din salà daw makalagkes ka. Kinahanglan ha harì ka gayed taglabet-labet duun hu bisan inu ha madaet.

1 Timoteo 6:12

Maniguru ka gayed duun hu pagtuu isip ha buutan ha sundalu daw siguruwan nu sa kinabuhì ha hurà din katapusan ta hinimu ka hu Dios ha tumutuu ta daw mailahan ka taena daw madakel daan sa mga tistigus su ikagiyen sa pagtuu nu diyà ki Cristo Jesus.

2 Timoteo 1:6

Tumenged taini ag-ikagiyen ku dà ikaw ha harì nu gayed agbaybayani sa katengdanan ha in-ila ikaw hu Dios su dampaen ku ikaw.