1 Timoteo 2:10 - Lalang Hu Dios

¹⁰ ta sa maayad ha dayan-dayan iyan gayed sa maayad ha mga buhat. Iyan haini hustu ha buhat hu bahi ha tag-ikagi ha tagsimba hu Dios.

1 Timoteo 2:10 ပူးပေါင်းရင်းမြစ်များ

Mga Buhat 9:36

Diyà ta Jope amin bahi ha tumutuu ha tagngaranan ki Tabita, Dorcas haini duun hu Griego ha inikagiyan ha tagkahulugan hu Madagway. Sigi dà gayed maayad sa mga buhat din daw agbuligan din daan sa taglised.

Mga Buhat 9:39

Aman si Pedro duminuma kandan. Su makauma en sidan diyà dinuma dan haena diyà ta latun. Dayun piglilibutan si Pedro hu mga bahi ha balu ha tag-aagalà daw impaahà dan kandin sa mga pinaksuy ha binuhat kandan hi Dorcas su bubuhay pa.

Efeso 2:10

Pinaagi hu pagpakigsabuwa taw ki Cristo Jesus binag-u kuy kandin ta daw mabuhat taw sa mga maayad sumalà hu daan en ha katuyuan hu Dios para kanuy.

1 Timoteo 2:11

Kinahanglan daan sa mga bahi magpaliliman gayed daw magmatinumanen hu agalen dan.

1 Timoteo 2:9

Agkabayaan ku daan ha sa mga bahi tumtumanan dà sa pagpinaksuy dan daw kenà malaw-ay harì ipaglabay sa dayan-dayan ta buhuk daw ta lawa dan pinaagi hu mga bulawan daw mga pirlas daw mahalen tungkay ha pinaksuy,

Tito 2:14

ha migpakamatay para kanuy ta daw malibri kuy duun hu pagkaulipen taw hu salà, daw aghimpiten kuy kandin ta daw mabuhat kuy ha mga etaw din ha madasigen pagbuhat hu maayad.

Tito 3:8

Saini ha mga lalang kasaligan gayed. Agkabayaan ku ha ipanday nu gayed haini itudlù ta daw sa mga tumutuu hu Dios maniguru pagbuhat hu maayad ta saini hurà duun sayep daw mapuslanen hu bisan sin-u.

1 Pedro 2:12

Kinahanglan ha sa pamatasan nuy maayad gayed ta daw bisan ku butang-butangan kaw hu kenà mga tumutuu ba maahà dan sa maayad ha buhat nuy dayun madayè dan sa Dios asem ku aldaw hu pagbulus din duun hu kaet-etawan.

2 Pedro 3:11

Tumenged ta iyan haena paagi ha mangadaet sa alan kinahanglan gayed ha paniguruwan nuy sa pagsunud hu Dios daw himpiten nuy sa batasan nuy

Impadayag 2:19

Natun-an ku sa tagbuhaten, sa pagpalanggà, pagsalig, sa pag-alagad nuy kanak daw sa pagpailub nuy duun hu mga alantusen. Natun-an ku daan ha ayuwà pa maayad sa buhat nuy iman dì su anay kaw makatuu.