1 Timoteo 2:1 - Lalang Hu Dios

¹ Iman una hu alan aghangyuen ku inyu ha mag-ampù ha buligan kaw hu Dios daw magpasalamat daan kandin mahitenged hu alan ha mga etaw daw i-ampu nuy ha buligan din daan sidan.

1 Timoteo 2:1 ပူးပေါင်းရင်းမြစ်များ

Mga Buhat 17:30

Su anay inantus hu Dios sa mga madaet ha buhat hu etaw tumenged ta hurà dan pa haena kakilala. Ba iman sinugù din sa alan ha maghinulsul gayed

Roma 1:8

Una hu alan pinaagi ki Cristo Jesus tagpasalamatan ku sa Dios mahitenged inyu ta sa pagtuu nuy napaliman duun hu bisan hindu.

Roma 6:17

Iman tagpasalamat a gayed hu Dios ta sinyu sa mga ulipen hu salà su anay migmatinumanen kaw en hu kamatuuran ha intudlù day inyu

1 Corinto 15:3

Sa intudlù ku inyu ha mahinengdanen gayed iyan sa intudlù daan kanak hu Dios ha si Cristo migpakamatay tumenged hu mga salà taw sumalà hu insulat ha lalang hu Dios

2 Corinto 8:6

Tumenged ta pigpuunaan hi Tito haini sa pag-amutà nuy hinangyù day ha lumikù diyan hu pagbulig inyu ta daw mapengahan haini.

Efeso 3:13

Aman aghangyuen ku inyu ha harì kaw magluya hu pagtuu nuy tumenged hu mga malegen ha tag-antusen ku iman ta saini makapaayad inyu.

Efeso 5:20

Sigi kaw magpasalamat duun hu Dios ha Amay taw mahitenged hu alan ha mga agkaul-ulahan nuy tumenged ta mga sumusunud kaw ki Cristo Jesus ha Ginuu taw.

Efeso 6:18

Duun hu bisan inu ha panahun mag-ampù kaw pinaagi hu Balaan ha Ispiritu daw hangyua nuy sa bulig hu Dios. Magpangandam kaw gayed daw harì kaw umendà hu pag-ampù mahitenged hu alan ha tumutuu.

Filipos 1:3

Tagpasalamat a duun hu Dios kada mahenà-henà ku inyu daw igkalipay ku gayed sa pag-ampù inyu tumenged hu pagbulig nuy kanak pagsangyaw hu Maayad ha Tultulanen sugud dà su makatuu kaw hangtud en iman.

Filipos 4:6

Harì kaw agkabuges hu bisan inu ba mag-ampù kaw duun hu Dios mahitenged hu alan ha kinahanglanen nuy duma hu pagpasalamat.

1 Tesalonica 3:12

Ipaiseg hu Ginuu sa pagpalanggà hu mga duma nuy daw duun hu alan iling hu pagpalanggà day inyu

2 Tesalonica 1:3

Mga suled, kinahanglan gayed ha sigi kuy magpasalamat duun hu Dios mahitenged inyu tumenged ta tag-iseg pa gayed sa pagtuu daw sa pagpinalanggaay nuy.

1 Timoteo 2:4

ta iyan gayed agkabayaan din ha sa alan ha mga etaw makatuen hu kamatuuran daw maluwas daan.

1 Timoteo 5:5

Ba ku amin balu ha hurà en gayed bul-ug pakatanul kandin iyan dà tagsaligan din sa Dios daw sigi daan tag-ampù ha mabuligan.

2 Timoteo 2:24

Sa suluguen hu Dios kinahanglan kenà gayed palasabà ba magmaluluy-en hu bisan sin-u, mapailuben daw matatau daan hu pagtudlù.

Tito 2:11

Impahà hu Dios kanuy sa grasya din ta daw mahimu ha maluwas sa alan ha kaet-etawan.

Tito 3:2

Kinahanglan ha harì sidan mandaet hu dengeg daw harì makigsawalà, ba magmahid-uwen sidan daw magmatinahuren gayed hu bisan sin-u.

Hebreo 6:11

Sa agkabayaan day iyan sa kada sabuwa inyu maniguru gayed hu pagtrabahu taman ha matuman sa taghinamen nuy.

Santiago 5:16

Aman magpasinugidà kaw hu mga salà nuy daw mag-inampuay kaw daan ta daw maulian kaw, ta sa pag-ampù hu etaw ha matareng amin gayed duun gahem.