1 Timoteo 1:20 - Lalang Hu Dios

²⁰ Sa daruwa kandan ha iyan si Himeneo daw si Alejandro intugyan kud diyà ki Satanas ta daw matudluan sidan ha harì gayed agkabaluy ha pagtameyesen sa Dios.

1 Timoteo 1:20 ပူးပေါင်းရင်းမြစ်များ

Mateo 18:17

Ku harì pa gayed magpaliliman isumbung haena duun hu tagkaamul-amul ha mga tumutuu ha duma nu. Ku harì pa gayed magpaliliman isipen nuy en haena ha hurà makakilala hu Dios daw iling hu limbungan.

Mga Buhat 13:45

Ba su maahà haena hu mga Judio nasina sidan aman sinupak dan sa inikagi hi Pablo daw pigtameyes dan daan.

Mga Buhat 19:33

Amin mga Judio ha migsugù ki Alejandro ha iyan mangatubang hu kaet-etawan hu pagpangatarengan mahitenged kandan. Dayun migsingyas haena ta daw humagteng sidan.

1 Corinto 11:32

Saini ha paghukum kanuy hu Ginuu iyan kabaldenga din kanuy ta daw harì kuy makalagkes hu silut hu kenà pa mga tumutuu.

2 Corinto 10:6

Magmatinumanen kaw ta ku makadiyan kay asem andam kay hu pagsilut taena ha hurà pa gayed magtuman.

2 Corinto 13:10

Iyan haini insulat ku diyan ta inyu ta daw ku makauma a asem diyan harì ku magamit sa katenged ku hu pagsilut inyu, ta sa katenged ha in-ila kanak hu Dios kenà hu pagdaet inyu, ba iyan gayed sa pagpalig-en hu pagtuu nuy.

2 Tesalonica 3:15

Ba harì nuy haena ag-isipa ha kuntra ba baldenga isip ha suled nuy.

1 Timoteo 5:15

ta amin mga balu ha nakasuway en diyà ki Cristo daw nakasunud en ki Satanas.

2 Timoteo 2:14

Saini ha inikagi ku ikaw sigi nu gayed ikagiyen duun hu mga etaw. Ikagiyi daan sidan ha harì makigsawalà mahitenged hu mga lalang ta saena hurà din pulus daw pakadaet hu tagpaliliman. Iyan gayed sa Dios tistigus ku ikagiyen nu haena.

2 Timoteo 2:17

Sa katudluanan taena ha maal en tag-ikagi agkailing hu dalu ha pakadaet hu lawa. Sa daruwa kandan si Himeneo daw si Fileto

2 Timoteo 3:2

Ta sa mga etaw iyan dan dà mahenà-henà sa kandan ha kaugalingen daw balimbayaen sidan hu salapì, tagpaad-adagi daan daw mapasipalahen, masinukulen hu mga laas dan daw harì tagpasalamat, harì daan agtuu hu Dios,

Hebreo 12:5

Nalipatan nuy en ba isip mga batà hu Dios sa inikagi inyu ha tagyanaen, “Sikaw sa batà ku, harì nu agtameyesa sa pagbaldeng ku daw ku paukan ku ikaw harì ka bà dà agluyahi.

Impadayag 13:1

Naahà ku sa pinakahaluhaldek ha mananap ha taghiwal diyà ta dagat. Saena pitu sa ulu din na kada sabuwa ha ulu sinulatan hu ngaran ha tagpasipala hu Dios. Sampulù daan sa sungay din ha natukid hu kuruna.

Impadayag 3:19

Sa alan ha pinalanggà ku agbaldengen ku. Aman paniguru kaw gayed daw hinulsuli sa mga madaet ha buhat nuy.