1 Timoteo 1:2 - Lalang Hu Dios

² Sinulatan ku ikaw, Timoteo sa batà ku duun hu pagtuu. Sa Dios ha Amay taw daw si Cristo Jesus ha Ginuu mahid-u daw mag-ila ikaw hu grasya daw kalinaw.

1 Timoteo 1:2 ပူးပေါင်းရင်းမြစ်များ

Roma 1:7

Sinulatan ku inyu sa diyan ta Roma ha mga pinalanggà hu Dios daw hinimu din ha mga etaw din. Sa Dios ha Amay taw daw si Cristo Jesus ha Ginuu mag-ila inyu hu grasya daw kalinaw.

Galacia 1:3

Sa Dios ha Amay taw daw si Cristo Jesus ha Ginuu taw mag-ila inyu hu grasya daw hu kalinaw.

1 Tesalonica 3:2

Ba si Timoteo sa suled taw duun hu pagtuu daw suluguen hu Dios ha tagsangyaw daan hu Maayad ha Tultulanen mahitenged ki Cristo igpadiyan day gayed ta inyu ta daw malig-enan din sa pagtuu nuy en daw magdasig daan inyu

1 Timoteo 1:12

Tagpasalamatan ku si Cristo Jesus ha Ginuu taw ha mig-ila kanak hu bis-ay daw mig-isip kanak ha matinumanen aman sinaligan a kandin pagsangyaw hu Maayad ha Tultulanen.

1 Timoteo 1:18

Sikaw Timoteo sa batà ku, ag-ikagiyen ku dà ikaw su impanugun hu migsaysay hu impaikagi kandan hu Dios ta daw pinaagi hu pagtuman nu taini makapaniguru ka duun hu pagtuu isip buutan ha sundalu hi Cristo Jesus.

1 Timoteo 6:20

Timoteo, bantayi gayed sa insalig ikaw. Likayi sa mga lalang-lalang ha pakasupak hu Dios daw sa pakasupak hu kamatuuran ta abi dan ha laus en haena ha katatau,

2 Timoteo 1:2

Sinulatan ku ikaw, Timoteo sa pinalanggà ku ha batà duun hu pagtuu. Sa Dios ha Amay daw si Cristo Jesus ha Ginuu taw mahid-u daw mag-ila ikaw hu grasya daw kalinaw.

2 Timoteo 2:1

Sikaw sa batà ku duun hu pagtuu, paniguru ka pinaagi hu grasya ha in-ila ikaw hi Cristo Jesus.

Tito 1:4

Sinulatan ku ikaw, Tito sa batà ku duun hu pagtuu. Sa Dios ha Amay taw daw si Cristo Jesus ha Manluluwas taw mag-ila ikaw hu grasya daw kalinaw.

Tito 2:2

Tudlui sa mga laas ha maama ha magtigel sidan pag-inum daw iyan dan buhaten sa ikatahuri kandan hu mga etaw, magpugung daan sidan hu kaugalingen daw sa pagtuu dan matul-id gayed, amin dan laus ha pagpalanggà hu mga duma dan daw magmainantusen gayed sidan.

Tito 3:15

Agpangamusta ikaw sa alan ha mga duma ku dini. Ipangamusta kay daan duun hu tagpalanggà kanay duun hu pagtuu. Panalanginan kaw alan hu Dios.

1 Pedro 1:2

Daan kaw en pinilì hu Dios ha Amay taw ta daw mabuhat kaw ha mga etaw din pinaagi hu Balaan ha Ispiritu daw magmatinumanen kaw ki Cristo Jesus daw mahimpit kaw daan pinaagi hu langesa din. Sa Dios mag-ila gayed inyu hu grasya daw kalinaw.

2 Juan 1:3

Sa Dios ha Amay taw daw si Cristo Jesus sa Batà din mahid-u inyu daw mag-ila hu grasya daw kalinaw tumenged ta didini daan ta kanuy sa kamatuuran daw sa pagpalanggà.

3 Juan 1:4

Iyan ku gayed adagi ha kalipay ku mapaliman ku ha duun tagsunud hu kamatuuran.

Judas 1:2

Sa Dios mahid-u daw magpalanggà gayed inyu daw mag-ila daan inyu hu kalinaw.