1 Tesalonica 5:6 - Lalang Hu Dios

⁶ Aman kinahanglan ha harì kuy magtiduga iling hu duma iman dini ta kalibutan ba magbantay daw magpugeng kuy gayed,

1 Tesalonica 5:6 ပူးပေါင်းရင်းမြစ်များ

Mateo 13:25

Ba su tagtiduga en haena su daleman nakauma daan sa kuntra din dayun migsawed hu mga lisu hu hilamunen duun taena ha uma daw awà.

Mateo 24:42

“Aman magbantay kaw gayed ta harì nuy agkatun-an sa panahun ku kan-u a makalikù siak sa Ginuu nuy.

Mateo 25:13

“Aman” kagi hi Jesus “pangandam kaw gayed ta harì nuy agkatun-an ku kan-u a aglikù.

Mateo 25:5

Tumenged ta nalugay nakauma su agpangasawa nakatiduga sidan.

Mateo 26:38

aman inikagiyan din sidan, “Miglabay gayed kasakit sa gahinawa ku ha bà su agkabugtù en. Dini kaw dà daw magbantay kaw duma kanak.”

Marcos 13:37

Sa inikagi ku inyu tag-ikagiyen ku daan duun hu alan, ‘Magbantay kaw gayed.’”

Lucas 12:37

Malipayen gayed su mga suluguen ha tagbantay ku makauma sa agalen dan. Laus gayed sa ag-ikagiyen ku inyu ha su agalen iyan magtangel ku mga suluguen din.

Lucas 12:39

Ba henhenaa nuy haini ha ku agkatun-an pa ngaay hu tagibalay ku kan-u makauma sa takaw harì gayed haena tumiduga ta daw harì maelegan hu takaw.

Lucas 21:36

Aman magbantay kaw gayed daw sigi kaw dà mag-ampù ta daw harì kaw luyahan ku makauma en sa mga hitabù daw harì kaw magayhaan duun hu atubangan ku siak sa Batà hu Etaw.”

Lucas 22:46

Inikagiyan din sidan, “Imbà kaw tagtidugahà? Bangun kaw daw mag-ampù ta daw harì kaw madaeg hu panulay.”

Mga Buhat 20:31

Aman magbantay kaw gayed daw timan-i nuy ha aldaw daw ku daleman duun hu tatulu ha tuig sinambagan ku inyu daw inagalaan ku gayed inyu.

1 Corinto 15:34

Magpanday kaw maghenà-henà daw endà kaw hu pagbuhat hu madaet ta laus gayed ha sa duma inyu hurà makakilala hu Dios. Ikagayhà nuy ngaay haini.

1 Corinto 16:13

Mag-andam kaw gayed daw lig-eni sa pagtuu nuy. Harì kaw agkahaldek ba ipaahà nuy ha mabis-ay kaw gayed duun hu pagtuu.

Efeso 2:3

Su anay iyan haena tagbuhaten taw tagtumanen taw sa makasasalà ha kinaiya taw daw sa sumalà en ha tungkay agkabayaan hu lawa daw hu henà-henà na iyan en daan pigtuman taw. Tumenged taena sa mapayanan-an taw iyan sa agsilutan kuy hu Dios iling hu alan ha mga kenà pa tumutuu.

Efeso 6:18

Duun hu bisan inu ha panahun mag-ampù kaw pinaagi hu Balaan ha Ispiritu daw hangyua nuy sa bulig hu Dios. Magpangandam kaw gayed daw harì kaw umendà hu pag-ampù mahitenged hu alan ha tumutuu.

Filipos 4:5

Ipaahà nuy sa pagkamaluluy-en duun hu bisan sin-u ta laus en aglikù sa Ginuu.

Colosas 4:2

Paniguru kaw gayed hu pag-ampù, magpangandam daw magpasalamat kaw daan duun hu Dios.

1 Tesalonica 4:13

Mga suled, kinahanglan ha matun-an nuy sa mahitenged hu mga duma taw ha namamatay en ta daw harì kaw maglugul iling hu duma ha hurà dan paghinam.

1 Tesalonica 5:10

ha iyan migpakamatay para kanuy ta daw bisan ku matay kuy en daw ku bubuhay pa ku lumikù asem haena makaamul kuy gayed kandin hu hinangturan.

1 Tesalonica 5:8

Ba tumenged ta duun kuy hu kapawaan magpugeng kuy gayed. Isu-up taw sa limbutung ha iyan sa pagtuu daw sa pagpalanggà hu mga duma taw, daw isuup ta ulu sa kalù ha puthaw ha iyan sa adagi ha hinam hu katumanan hu kaluwasan taw.

1 Timoteo 2:15

Aman sa insilut hu bahi iyan sa masakit-sakitan gayed ku magbatà. Ba luwasen gihapun sidan hu Dios ku harì sidan umendà hu pagtuu, palanggaen sa mga duma dan daw himpit sa panghenà-henà dan pinaagi hu pagpugung hu kaugalingen dan.

1 Timoteo 2:9

Agkabayaan ku daan ha sa mga bahi tumtumanan dà sa pagpinaksuy dan daw kenà malaw-ay harì ipaglabay sa dayan-dayan ta buhuk daw ta lawa dan pinaagi hu mga bulawan daw mga pirlas daw mahalen tungkay ha pinaksuy,

1 Timoteo 3:11

Iling daan sa mga igbahi hu mga diyakunu kinahanglan ha angayan sidan tahuran daw harì tagpandaet hu dengeg, ba magpugung sidan hu kaugalingen dan daw agkasaligan gayed hu bisan inu.

1 Timoteo 3:2

Ba kinahanglan ha hurà ikasaway kandin daw sabuwa dà sa igbahi din, tagpugung gayed hu kaugalingen daw matinahuren, maalima hu mga langyaw daw matatau gayed hu pagtudlù,

2 Timoteo 4:5

Ba sikaw magpugung ka gayed hu kaugalingen nu daw dawata sa mga alantusen, dayuna daan sa pagsangyaw hu Maayad ha Tultulanen daw tumana sa katengdanan nu ha in-ila ikaw hu Dios.

Tito 2:12

Pinaagi hu grasya tagtudluan kuy kandin ha endaan taw sa pakasupak hu Dios, sa kalibutanen ha kabayà, daw kinahanglan ha magpugung kuy hu kaugalingen taw daw magmatareng kuy ta iyan haena pamatasan ha agkabayà-bayaan hu Dios.

Tito 2:6

Tudlui daan sa mga batan-en pa ha maama ha magpugung sidan hu kaugalingen dan.

1 Pedro 1:13

Iman andamen nuy sa henà-henà nuy duun hu bisan inu ha buluhaten, managentagen kaw daw hinamen nuy gayed sa mga panalangin ha ig-ila inyu hu Dios ku lumikù si Cristo Jesus.

1 Pedro 4:7

Sa katapusan hu alan ubay en. Aman pandayai sa henà-henà nuy daw magpugung kaw hu kaugalingen nuy ta daw makaampù kaw.

1 Pedro 5:8

Magpugung kaw hu kaugalingen nuy daw magpangandam kaw ta sa kuntra nuy ha si Satanas taglibut-libut diyan ta inyu iling hu taghinigel ha liyun ta tagpan-ahà hu makagat din.

Impadayag 16:15

Aman inamul-amul dan en haena duun hu lugar ha tagngaranan duun hu inikagiyan ha Hebreo hu Armagedon. Kagi hi Jesus, “Sa paglikù ku harì agkatun-an iling hu takaw. Malipayen gayed sa etaw ha sigi dà pupukaw daw nabistiyan ta daw harì mayag-awan daw magayhaan.”

Impadayag 3:2

Aman bangun kaw en daw lig-eni sa nasamà ha pagtuu nuy ta daw harì maadaw ta sa nabuhat nuy en kenà pa gayed himpit duun hu Dios.