1 Tesalonica 5:23 - Lalang Hu Dios

²³ Sa Dios ha tag-ila hu kalinaw maghimpit inyu ta daw harì kaw gayed asem masaway ku lumikù si Cristo Jesus ha Ginuu taw.

1 Tesalonica 5:23 ပူးပေါင်းရင်းမြစ်များ

Lucas 1:46

Minikagi si Maria ha tagyanaen, “Dayeen ku gayed sa Dios

Juan 17:19

Tumenged kandan ighalad ku ikaw sa kaugalingen ku ta daw sa kaugalingen dan ihalad dan daan ikaw.

Mga Buhat 20:32

“Iman igsalig ku inyu duun hu Dios ta iyan gayed haena magbulig inyu pinaagi hu grasya din ha intudlù ku daw iyan daan magpalig-en hu pagtuu nuy, daw panalanginan kaw daan kandin iling hu duma ha mga etaw din.

Mga Buhat 26:18

ta daw makaindan sidan dayun umawà sidan duun hu kasukileman daw dumuun sidan hu kapawaan. Ta ku umawà sidan duun hu pagbayà hi Satanas daw magpasakup sidan duun hu Dios pinaagi hu pagtuu dan kanak mapasaylu gayed sa mga salà dan daw mabuhat sidan ha mga etaw hu Dios.’

Roma 15:13

Sa Dios ha iyan puunaan hu taghinamen taw mailahan kaw kandin hu adagi ha kalipay daw kalinaw tumenged hu pagsalig nuy kandin ta daw mag-iseg gayed sa paghinam nuy pinaagi hu gahem hu Balaan ha Ispiritu.

Roma 15:33

Sa Dios ha iyan puunaan hu kalinaw magduma inyu.

Roma 15:5

Sa Dios ha iyan puunaan hu pagpailub daw pagpadasig buhaten din ha masabuwa kaw sumalà hu kinaiya hi Cristo Jesus

Roma 16:20

Sa Dios ha iyan puunaan hu kalinaw buhaten din sa paagi ha laus nuy en madaeg si Satanas. Panalanginan kaw hi Cristo Jesus ha Ginuu taw.

1 Corinto 1:2

Sinulatan day inyu sa tagkaamul-amul ha mga tumutuu diyan ta Corinto ha mga etaw hu Dios pinaagi hu pakigsabuwa nuy ki Cristo Jesus daw duma hu alan ha mga etaw bisan hindu ha tagsimba daan hu Ginuu taw.

1 Corinto 1:30

Iman pinaagi hu Dios nasabuwa kuy ki Cristo Jesus, aman tumenged kandin amin taw kaalam daw inisip kuy hu Dios ha matareng daw mahimpit ha mga etaw din ha nalibri duun hu mga salà taw.

1 Corinto 14:33

ta sa agkabayaan hu Dios iyan sa harì kuy malibeg ba malinawen gayed. Ku mag-amul-amul sa mga tumutuu duun hu bisan hindu

2 Corinto 5:19

Pinaagi ki Cristo impalikù hu Dios sa maayad ha pagdapità din duun hu kaet-etawan daw linipatan din en sa mga salà dan. Iyan haini insalig din ha igtultul day inyu.

Filipos 1:10

ta daw matun-an nuy ku inu sa maayad ha agbuhaten dayun mahimpit kaw daw hurà makasaway inyu ku lumikù si Cristo

Filipos 1:6

Nasiguru ku gayed ha sa Dios ha iyan migsugud hu maayad duun hu mga henà-henà nuy su makatuu kaw dayunen din haena taman ha mapengahan duun hu aldaw ha lumikù si Cristo Jesus.

Filipos 4:9

Buhata sa alan ha natun-an nuy duun hu napaliman daw naahà nuy dini ta kanak, daw sa Dios ha tag-ila hu kalinaw magduma inyu.

Colosas 1:22

Ba iman pinaagi hu kamatayen hi Cristo nakalikù sa maayad ha pagdapità nuy ta daw mahimpit kaw daw hurà din makasaway inyu duun hu atubangan din asem ku malugay.

1 Tesalonica 2:19

Sa hinengdan ha agkabayà kay pakig-ahà inyu tumenged ta iyan kaw gayed taghinamen daw igkabayà-bayà day daw bales ta makapagalbu day sa pagtuu nuy ku lumikù asem si Jesus ha Ginuu taw.

1 Tesalonica 3:11

Sa Dios ha Amay daw si Jesus ha Ginuu taw makaawà hu pakaelang kanay ta daw makag-ahaay kuy dà.

1 Tesalonica 3:13

daw ipalig-en din daan sa pagtuu nuy ta daw mahimpit kaw daw hurà ikasaway inyu duun hu atubangan hu Dios ha Amay ku lumikù asem si Jesus ha Ginuu taw duma hu alan ha mga etaw din.

1 Tesalonica 4:3

Iyan haini agkabayaan hu Dios ha magmahimpit kaw. Harì kaw gayed magbuhat hu malaw-ay

1 Tesalonica 5:22

daw magpakadiyù kaw gayed duun hu alan ha madaet.

2 Tesalonica 3:16

Sa Ginuu mag-ila inyu hu kalinaw duun hu bisan inu ha maul-ulahan nuy ta diyà ta kandin agkapuun sa kalinaw. Sa Ginuu magduma inyu alan.

Hebreo 13:20

Sa Dios ha iyan puunaan hu kalinaw mag-ila inyu hu bisan inu ha kinahanglanen pagtuman hu agkabayaan din, daw buhaten din diyan ta inyu sa makapabayà-bayà kandin pinaagi ki Cristo Jesus ha Ginuu taw sa binanhaw din daw nahimu ha bantugan ha magbalantay taw isip ha karniru kuy kandin, ta sa langesa hi Cristo Jesus iyan timaan hu hurà din katapusan ha kasabutan hu Dios daw kaet-etawan. Aman dayeen gayed hu hurà din katapusan.

Hebreo 2:11

Sikuy sa nakasalà ha pinamalas en daw si Jesus sa impamalas, sabuwa dà sa Amay taw. Aman harì agkagayhà si Jesus ha ngaranan kuy kandin ha mga suled din

Hebreo 4:12

Sa lalang hu Dios gamhanan gayed. Saini magalang pa dì hu ispada ta aglagbas haini duun hu henà-henà daw gahinawa hu etaw daw tagpadayag hu agkabayaan daw hu katuyuan din.

Santiago 1:4

Ku maantus nuy iyan haena makapahamtung inyu ta daw mahimpit kaw gayed.

1 Pedro 1:2

Daan kaw en pinilì hu Dios ha Amay taw ta daw mabuhat kaw ha mga etaw din pinaagi hu Balaan ha Ispiritu daw magmatinumanen kaw ki Cristo Jesus daw mahimpit kaw daan pinaagi hu langesa din. Sa Dios mag-ila gayed inyu hu grasya daw kalinaw.

1 Pedro 5:10

Ku mapengahan sa mababà ha mga alantusen sa Dios maghimpit inyu daw makapalig-en hu pagtuu nuy ta daw harì kaw madaeg hu bisan inu, ta sa Dios tag-ila hu grasya daw iyan mighimu inyu ha tumutuu ta daw makaambit kaw duun hu hurà din katapusan ha pagkagamhanan hi Cristo.

2 Pedro 3:14

Aman pinalanggà ku ha mga suled, tumenged ta taghinamen nuy pa haena sa panahun buhaten nuy gayed sa taman ha mahimu nuy ta daw hurà gayed madaet diyan ta inyu daw hurà daan ikasaway inyu duun hu atubangan hu Dios daw malinawen daan sa pakigdapità nuy kandin.

Judas 1:1

Iyan a si Judas ha suled hi Santiago daw suluguen daan hi Cristo Jesus, sa migsulat taini. Sinulatan ku inyu sinyu sa hinimu ha tumutuu hu Dios sa Amay taw. Pinalanggà kaw kandin daw binantayan kaw daan hi Cristo Jesus.

Judas 1:24

Sa Dios magbantay inyu ta daw harì kaw mahulug duun hu salà daw ku ipaatubang kaw kandin asem malipayen kaw gayed ta hurà ikasaway inyu.