1 Tesalonica 3:4 - Lalang Hu Dios

⁴ ta su diyan kay pa ta inyu inikagi day en ha pasipalahan kay daw natun-an nuy ha nahitabù gayed haena kanay.

1 Tesalonica 3:4 ပူးပေါင်းရင်းမြစ်များ

Mateo 24:25

Timan-an nuy ta daan kud en haini ag-ikagiyen inyu.

Mga Buhat 17:1

Su makaagi si Pablo daw si Silas ta Amfipolis daw ta Apolonia nakauma sidan diyà ta Tesalonica ha amin duun simbahan hu mga Judio.

Mga Buhat 17:13

Su matun-an hu mga Judio diyà ta Tesalonica ha si Pablo tagsangyaw hu lalang hu Dios diyà ta Berea namandiyà daan sidan daw hinulhugan sa mga etaw ha paukan dan si Pablo.

Mga Buhat 20:24

Ba hurà ku isipa ha palanggà sa kinabuhì ku iman ta sa mahinengdanen kanak iyan sa mapengahan ku gayed sa insalig kanak hi Jesus ha Ginuu ha iyan sa pagsangyaw hu Maayad ha Tultulanen mahitenged hu grasya hu Dios.

1 Tesalonica 2:14

Mga suled, su naul-ulahan hu mga tumutuu ki Cristo Jesus diyà ta Judea iyan daan naula-ula nuy ta inantus nuy gayed sa pasipala hu mga kadumahan nuy iling hu mga tumutuu daan diyà ta prubinsya ta Judea ha pigpasipalahan hu duma dan ha mga Judio.

1 Tesalonica 2:2

Natun-an nuy en ku inu sa pag-antus day hu mga pasipala daw sa pagpagagayhai kanay diyà ta Filipos. Ba sa Dios iyan migbulig kanay aman hurà kay kahaldek pagsangyaw diyan ta inyu hu Maayad ha Tultulanen ha diyà ta kandin napuun bisan ku madakel sa migsupak kanay.

2 Tesalonica 2:5

Nalipatan nuy en ba diay ha naikagi kud en man haini su diyan a pa ta inyu?

2 Tesalonica 3:10

Nalipatan nuy en ba diay sa inikagi day su diyan kay pa ta inyu ha sa pugulen harì gayed igpakaen?