1 Tesalonica 3:3 - Lalang Hu Dios

³ ta daw harì kaw magluya tumenged hu mga pasipala. Natun-an nuy en ha iyan haini agkapayanan-an hu mga tumutuu

1 Tesalonica 3:3 ပူးပေါင်းရင်းမြစ်များ

Lucas 21:12

“Ba sa harì pa haena mahitabù dakepen daw pasipalahan kaw. Itugyan kaw daan kandan duun hu maghukum inyu duun hu mga simbahan daw maprisu kaw. Ipaatubang kaw daan duun hu mga harì daw hu mga gubirnadur tumenged hu pagtuu nuy kanak.

Juan 16:2

Ta abugen kaw gayed kandan puun ta simbahan daw makauma daan sa panahun ha abi hu maghimatay inyu ha malipay sa Dios taena.

Juan 16:33

“Inikagi ku haena inyu ta daw malinawen sa henà-henà nuy pinaagi hu pagkasabuwa taw. Dini ta kalibutan madakel gayed sa kasamukan nuy ba pandayai sa gahinawa nuy ta nadaeg kud en sa alan ha amin din gahem dini ta kalibutan.”

Mga Buhat 14:22

Pigdasig dan sa mga tumutuu diyà ha harì umendà hu pagtuu ba maniguru gayed. Inikagiyan dan sidan, “Sikuy sa mga tumutuu madakel sa maagiyan taw ha alantusen daw human taw kauma sa tagharian hu Dios.”

Mga Buhat 2:25

Si David migtagnà daan su anay mahitenged kandin ha tagyanaen, ‘Sigi dà tagduma-duma kanak sa Dios daw harì a kandin ag-awaan aman malinawen a.

Mga Buhat 21:11

Dayun tinimù din sa bakes hi Pablo daw bakusa sa kaugalingen din ha alima daw paa daw uminikagi, “Impadayag kanak hu Balaan ha Ispiritu ha sa tag-iya taini ha bakes bakusen hu mga Judio diyà ta Jerusalem iling taini daw itugyan duun hu kenà mga Judio.”

Mga Buhat 21:13

Ba bà dà tuminubag si Pablo, “Harì kaw tag-agalaay ta agsakit sa gahinawa ku. Andam ad en ku prisuhen a daw bisan ku himatayan a pa diyà ta Jerusalem tumenged hu pagpanunultul ku mahitenged ki Jesus ha Ginuu.”

Mga Buhat 9:16

Igpaahà ku kandin ku inu gayed kaadagi sa mga alantusen din tumenged hu pagsunud din kanak.”

Roma 5:3

Daw kenà iyan dà haena ta ikalipay taw daan sa mga alantusen ta natun-an taw ha pinaagi taini mabuhat kuy ha mga mainantusen

1 Corinto 15:58

Aman pinalanggà ku ha mga suled, harì kaw gayed magduwa-duwa ba lig-eni sa pagtuu nuy. Sigi nuy paniguruwi sa buluhaten hu Ginuu ta natun-an nuy en ha amin gayed bunga duun.

1 Corinto 4:9

Ba sikay sa mga apustulis iman bà su tigpadayag hu Dios ha iyan kay kinahudiyanan hu alan ta iling kay taena ha mga etaw ha hinukuman daw aghimatayan en duun hu atubangan hu alan ha mga etaw dini ta kalibutan daw duun hu mga balinsuguen diyà ta langit.

Efeso 3:13

Aman aghangyuen ku inyu ha harì kaw magluya hu pagtuu nuy tumenged hu mga malegen ha tag-antusen ku iman ta saini makapaayad inyu.

Filipos 1:28

daw harì kaw gayed mahaldek hu agsupak inyu. Iyan haena timaan ha madaeg nuy sidan pinaagi hu Dios.

Colosas 1:23

Ba kinahanglan ha malig-en gayed sa pagtuu nuy daw harì kaw umendà duun hu taghinamen ha napaliman nuy en. Saini ha Maayad ha Tultulanen ha napaliman nuy insangyaw duun hu bisan hindu daw iyan a si Pablo sa sinaligan hu Dios hu pagpanunultul taini.

1 Tesalonica 5:9

Ta hurà kuy itagana hu Dios hu silut ba pinilì kuy kandin ha maluwas pinaagi ki Cristo Jesus ha Ginuu taw

2 Tesalonica 1:4

Aman tigpasigalbu day daan inyu duun hu mga tumutuu ki Cristo ha tag-amul-amul duun hu migkalain-lain ha banuwa tumenged hu pagtuu daw hu pagkamainantusen nuy duun hu mga pasipala inyu.

2 Timoteo 1:8

Aman harì ka agkagayhà pagpanunultul mahitenged hu Ginuu taw daw harì a daan ikaw ikagayhà sa naprisu tumenged kandin. Ba pinaagi hu bis-ay ha in-ila ikaw hu Dios dawaten nu daan sa mga alantusen tumenged hu pagsangyaw nu hu Maayad ha Tultulanen

1 Pedro 2:21

Iyan en haini agkaul-ulahan taena ha hinimu hu Dios ha tumutuu, ta si Cristo mig-antus para kanuy daw iyan sampitan ha tagsunuren taw iman.

Impadayag 2:10

Harì kaw gayed mahaldek hu malegen ha ipaantus inyu hu harì en malugay ta ipaprisu hi Satanas sa duma inyu ta daw masulayan sa pagtuu nuy, daw malegen gayed sa alantusen duun hu sampulù ha aldaw. Magmatinumanen kaw gayed kanak bisan duun hu kamatayen ta ag-ilahan ku inyu kinabuhì ha hurà din katapusan ha iyan bales inyu hu pagpakadaeg nuy.

Impadayag 2:13

Natun-an ku ha sa banuwa nuy tagharian en hi Satanas. Bisan pa taena migmatinumanen kaw kanak. Hurà kaw gayed endà hu pagtuu bisan su panahun ha hinimatayan diyan si Antipas sa matinumanen hu pagpanunultul taena ha mga lalang ku.