1 Tesalonica 3:11 - Lalang Hu Dios

¹¹ Sa Dios ha Amay daw si Jesus ha Ginuu taw makaawà hu pakaelang kanay ta daw makag-ahaay kuy dà.

1 Tesalonica 3:11 ပူးပေါင်းရင်းမြစ်များ

Mateo 6:14

Ku mapasaylu nuy sa etaw ha nakasalà diyan ta inyu pasayluwen kaw daan gayed hu Amay nuy diyà ta langit.

Mateo 6:18

ta daw harì matun-an hu duma ha tagsalang kaw hu pagkaen ta iyan dà nakatuen taena sa Dios ha Amay nuy ha harì nuy agkaahà. Dayun sa Dios ha Amay nuy ha pakaahà hu alan iyan en magbales inyu.

Mateo 6:26

Henhenaa nuy sa mga tagbis ha taglayang. Harì sidan tagpamula daw hurà dan daan bugawan ba igpakaen sidan hu Amay nuy ha diyà ta langit. Kenà ba palanggà kaw pa dì hu mga tagbis?

Mateo 6:32

Ta iyan dà agkasamuk sa mga etaw ha hurà pa makakilala hu Dios. Sa Amay nuy diyà ta langit natun-an din ha agkinahanglanen nuy gayed haena.

Mateo 6:4

ta daw harì matun-an hu mga etaw. Dayun sa Dios ha Amay nuy ha pakaahà hu alan iyan en magbales inyu.

Mateo 6:6

Ku mag-ampù kaw dumuun kaw hu lugar ha hurà makaahà inyu daw mag-ampù kaw duun hu Dios ha Amay nuy ha harì nuy agkaahà. Dayun sa Dios ha pakaahà hu alan iyan en magbales inyu.

Marcos 1:3

Saena magkulahiay duun hu pinakabulung-bulung ha lugar ha magyanaen, ‘Andama sa ag-agiyan hu Ginuu daw tul-ida sa dalan.’”

Lucas 12:30

ta iyan dà agkasamuk sa mga etaw ha hurà pa makakilala hu Dios. Sa Amay nuy natun-an din ha agkinahanglanen nuy gayed haena.

Lucas 12:32

“Sinyu sa sumusunud ku, bisan ku atiyuay kaw dà ba harì kaw agkasamuk ta igkabayà-bayà haini hu Dios ha pagharian kaw kandin.

Juan 20:17

Ba si Maria inikagiyan hi Jesus, “Butawani a ikaw ta hurà a pa makaulì duun hu Amay ku. Elegi nu sa mga tinun-an ku daw ikagiyi sidan ha ag-ulì a duun hu Dios ha Amay ku ha iyan Amay daw Magbabayà nuy daan.”

Roma 1:3

Mahitenged haena hu Batà din ha iyan si Cristo Jesus sa Ginuu taw. Duun hu pagkaetaw din kaliwat hi David daw duun hu pagka-Dios din impadayag ha Batà hu Dios pinaagi hu gahem hu pagkabanhaw din.

2 Corinto 6:18

Mabuhat a ha Amay nuy daw mabuhat kaw daan ha mga batà ku. Iyan haini inikagi hu Dios ha gamhanan daw Magbabayà hu alan.”

Galacia 1:4

Inhalad hi Cristo Jesus sa kaugalingen din tumenged hu mga salà taw ta daw maluwas kuy duun hu madaet dini ta kalibutan iman sumalà hu agkabayaan hu Dios ha Amay taw.

Colosas 1:2

Sinulatan day inyu sa mga etaw hu Dios diyan ta Colosas ha mga matinumanen ha suled day tumenged hu pagpakigsabuwa taw ki Cristo. Sa Dios ha Amay taw mag-ila inyu hu grasya daw kalinaw.

1 Tesalonica 3:13

daw ipalig-en din daan sa pagtuu nuy ta daw mahimpit kaw daw hurà ikasaway inyu duun hu atubangan hu Dios ha Amay ku lumikù asem si Jesus ha Ginuu taw duma hu alan ha mga etaw din.

1 Tesalonica 4:16

Ta asem ku mulus sa Ginuu ha puun diyà ta langit mapaliman sa pangumaw daw sa lageng hu labaw ha balinsuguen daw sa daging taena ha trumpita hu Dios. Saena ha namamatay en ha tumutuu diyà ki Cristo mangabanhaw

1 Tesalonica 5:23

Sa Dios ha tag-ila hu kalinaw maghimpit inyu ta daw harì kaw gayed asem masaway ku lumikù si Cristo Jesus ha Ginuu taw.

2 Tesalonica 2:16

Si Cristo Jesus ha Ginuu daw sa Dios ha Amay taw maglipay daw magpalig-en inyu ta daw maayad gayed sa alan ha mabuhat daw maikagi nuy, ta pinalanggà kuy kandin daw pinaagi hu grasya din inilahan kuy en kandin hu hurà din katapusan ha kalipay daw hu adagi ha hinam.

2 Tesalonica 3:16

Sa Ginuu mag-ila inyu hu kalinaw duun hu bisan inu ha maul-ulahan nuy ta diyà ta kandin agkapuun sa kalinaw. Sa Ginuu magduma inyu alan.

2 Tesalonica 3:5

Matun-an nuy sa pagpalanggà inyu hu Dios daw magmainantusen kaw daan pinaagi hu pagbulig hi Cristo.

1 Juan 3:1

Adagi gayed tungkay sa pagpalanggà kanuy hu Dios ha Amay taw ta inisip kuy en kandin ha mga batà din daw laus gayed haena. Iyan haini hinengdan ha sa mga etaw dini ta kalibutan harì pakakilala kanuy ta hurà dan daan kakilala sa Dios.

Impadayag 21:3

Daw napaliman ku sa madaging ha lageng ha napuun duun hu trunu ha tagyanaen, “Iman sa Dios umamul hu kaet-etawan. Mabuhat en sidan ha mga etaw din daw iyan en daan Dios dan.