1 Tesalonica 2:5 - Lalang Hu Dios

⁵ Natun-an nuy en ha hurà day inyu bà dà daliga pinaagi hu mga binulak-bulakan ha mga lalang ta daw dawaten kay inyu, daw sa pagtudlù day kenà bà dà pagpasibù-sibù ta daw matimù sa bisan inu ha agkabayaan day diyan ta inyu. Natun-an haena hu Dios ha laus gayed.

1 Tesalonica 2:5 ပူးပေါင်းရင်းမြစ်များ

Mateo 22:16

Aman sinugù dan diyà ki Jesus sa mga sakup dan daw sa mga sakup hi Herodes. Dayun saena sidan uminikagi diyà ki Jesus, “Manunudlù, natun-an day ha matareng ka gayed daw iyan nu dà tigtudlù sa kamatuuran mahitenged hu Dios. Harì ka agkauwit hu mga henà-henà hu mga etaw ta hurà nu kandan igpalabi.

Mateo 23:13

“Kahid-u nuy gayed sinyu sa mga manunudlù hu Kasuguan daw mga Parisiyu ha bà dà tagpasibù-sibù. Harì kaw agkabayà ha maharian kaw hu Dios daw saena ha agkabayà ngaay agbaldengen nuy.

Mga Buhat 20:33

Kenà ku iyan tuyù sa salapì daw bisti duun hu bisan sin-u.

Roma 1:9

Sa Dios ha iyan tag-alagaran ku pinaagi hu pagsangyaw hu Maayad ha Tultulanen mahitenged hu Batà din natun-an din en haini ha sigi ku gayed inyu taghenhenaen duun hu mga pag-ampù ku.

Roma 16:18

ta sa mga etaw ha iling kandan kenà mga suluguen hi Cristo ha Ginuu ta iyan dan tagsunuren sa kandan ha agkabayaan. Pinaagi hu mga binulak-bulakan ha mga lalang dan daw hu pagpadalig-dalig aglimbungan dan sa laus dà agkabiduan.

Roma 9:1

Tumenged hu pagpakigsabuwa ku ki Cristo saini ha tag-ikagiyen ku laus gayed. Sa henà-henà ku ha ginaheman hu Balaan ha Ispiritu tag-ikagi ha saini kenà gayed bidù

2 Corinto 12:17

Ku iyan diay haini pig-inu-inu ku sa pag-ilad inyu? Linimbungan kaw ba diay taena ha sinugù ku diyan ta inyu?

2 Corinto 2:17

Harì kay agkailing hu duma ha sa pagtudlù dan hu lalang hu Dios bà dan dà igpanapì, ta sikay sa pinilì hu Dios laus sa tuyù day hu pagtudlù tumenged ta suluguen kay hi Cristo. Saini natun-an gayed hu Dios.

2 Corinto 4:2

Hurà kay en iman gamit hu pinakagalugayhà daw limbung ha paagi daw hurà day en lamudi sa lalang hu Dios. Ba natun-an hu alan ha sa tigtudlù day iyan dà sa kamatuuran daw natun-an daan haini hu Dios.

2 Corinto 7:2

Palanggaa kay gayed inyu ta hurà kay magbuhat hu kenà maayad duun hu bisan sin-u daw hurà inyu nakasalà tumenged kanay daw hurà day daan limbungi sa bisan sin-u.

Galacia 1:20

Saini ha pigsulat ku diyan ta inyu natun-an hu Dios ha laus gayed.

1 Tesalonica 2:10

Su diyan kay pa ta inyu natun-an nuy daw natun-an daan hu Dios ha sa batasan day himpit daw matareng gayed ha hurà ikasaway taena.

1 Timoteo 3:3

kenà palainum hu binu, kenà mapasipalahen, kenà palasabà daw kenà din babayaen sa salapì. Ba kinahanglan ha maluluy-en

1 Timoteo 3:8

Iling daan sa mga diyakunu ha iyan magbubulig hu mga tumutuu kinahanglan angayan sidan tahuran daw matinud-anen, kenà palainum hu binu daw harì tag-agpas ha magsapian.

Tito 1:7

Tumenged ta saini sinaligan duun hu buluhaten hu Dios kinahanglan hurà ikasaway kandin. Harì tagpalabaw-labaw daw kenà madalì mapauk, kenà daan palainum hu binu, kenà mapasipalahen daw harì tag-agpas ha magsapian.

1 Pedro 5:2

alimahan nuy gayed sa mga tumutuu ha insalig inyu hu Dios iling hu magbalantay ha tag-alima hu mga karniru din. Sa pagtanul nuy kandan kenà pineges ba inyu ha pagbayà ha iyan agkabayà-bayaan hu Dios, kenà daan tumenged hu kabayà nuy hu suhul ba tumenged ta agkabayà kaw agbulig,

2 Pedro 2:18

ta tagpagalbuwà sidan daw pinaagi hu mga kalaw-ayan agpanulayen dan sa bag-u pa suminuway duun hu mga duma dan ha tagbuhat hu madaet.

2 Pedro 2:3

Tumenged hu pagkaagapan dan hu salapì limbungan kaw kandan hu mga bidù ha katarengan. Ba sa Dios ha iyan maghukum kandan nalugay en sa kataganahi din kandan hu silut.

Judas 1:11

Kahid-u dan gayed ta inilingan dan sa batasan hi Cain, daw iling daan sidan ki Balaam ha bisan ku natun-an din en ha kenà maayad sa igpabuhat kandin ba binuhat din gihapun haena tumenged ta babayaen din sa salapì. Iling daan ha sinilutan si Core ta sinupak din sa Dios. Aman silutan gayed daan sidan.