1 Pedro 5:12 - Lalang Hu Dios

¹² Si Silas sa kasaligan ha suled ku migbulig kanak hu pagsulat taini ta daw madasig ku inyu duun hu pagtuu daw matun-an nuy ha iyan haini laus ha grasya hu Dios. Aman paniguruwan nuy haini.

1 Pedro 5:12 ပူးပေါင်းရင်းမြစ်များ

Juan 21:21

Aman ininsaan hi Pedro si Jesus, “Ginuu, inu gid sa maul-ulahan tayana ku malugay?”

Mga Buhat 11:23

Su makauma haena diyà naahà din sa pagpanalangin hu Dios kandan aman nabayà-bayà gayed. Pigdasig din ha maniguru gayed sidan daw harì umendà hu pagtuu duun hu Ginuu.

Mga Buhat 15:22

Sa mga apustulis daw sa mga tumutuu duma hu mga agalen dan mig-uyun ha tagpilì sidan diyà ta kandan hu igpaduma ki Pablo daw ki Bernabe diyà ta Antiokia. Aman impadiyà dan si Judas ha tagngaranan daan ki Barsabas daw si Silas sa tinahud daan hu mga tumutuu.

Mga Buhat 20:24

Ba hurà ku isipa ha palanggà sa kinabuhì ku iman ta sa mahinengdanen kanak iyan sa mapengahan ku gayed sa insalig kanak hi Jesus ha Ginuu ha iyan sa pagsangyaw hu Maayad ha Tultulanen mahitenged hu grasya hu Dios.

Roma 5:2

Pinaagi hu pagtuu taw kandin in-ila kanuy hu Dios sa grasya din ha iyan iman tagsaligan taw. Aman adagi sa kalipay taw ta taghinamen taw ha makaambit kuy asem hu pagkagamhanan hu Dios.

1 Corinto 15:1

Iman mga suled, agkabayaan ku ha henhenaen nuy gayed sa Maayad ha Tultulanen ha insangyaw ku diyan ta inyu ha tinuuwan nuy daw iyan daan haena nakapalig-en hu pagtuu nuy.

2 Corinto 1:19

Ta si Cristo Jesus sa Batà hu Dios ha insangyaw day ki Silas daw ki Timoteo kasaligan gayed daw harì tagbidù

2 Corinto 1:24

Kenà day iyan tuyù sa pagpeges inyu duun hu pagtuu ta natun-an day ha malig-en kaw en duun hu pagtuu nuy, ba sa agkabayaan day iyan sa makabulig kay inyu ta daw mag-iseg sa kalipay nuy.

Efeso 3:3

ta impadayag din kanak sa inlilung din su anay ha nakasulat kud en daan.

Efeso 6:21

Si Tiquico sa palangga taw ha suled daw matinumanen ha suluguen hu Ginuu iyan en manunultul inyu mahitenged hu agkaula-ula ku dini ta daw matun-an nuy ku agkainu-inu ad iman.

Colosas 1:7

Saini intudlù inyu hi Epafras sa pinalanggà ha bulig day daw matinumanen ha suluguen hi Cristo pinaagi hu pagbulig din inyu.

Colosas 4:7

Si Tiquico sa palangga taw ha suled daw duma day ha matinumanen ha suluguen hu Ginuu iyan en magtultul inyu mahitenged hu tagkaula-ula ku dini.

Colosas 4:9

Sa duma hi Tiquico iyan si Onesimo sa kasaligan daw palangga taw ha suled ha tagadiyan ta inyu. Iyan en sidan manunultul hu alan ha agkaula-ula day dini.

1 Tesalonica 1:1

Iyan a si Pablo sa migsulat taini duma ki Silas daw ki Timoteo. Sinulatan day inyu sa tagkaamul-amul ha mga tumutuu diyan ta Tesalonica ha nasabuwa duun hu Dios ha Amay taw daw diyà ki Cristo Jesus ha Ginuu. Sa Dios mag-ila inyu hu grasya daw kalinaw.

2 Tesalonica 1:1

Iyan a si Pablo sa migsulat taini duma ki Silas daw ki Timoteo. Sinulatan day inyu sa tagkaamul-amul ha mga tumutuu diyan ta Tesalonica ha nasabuwa duun hu Dios ha Amay taw daw diyà ki Cristo Jesus ha Ginuu.

Hebreo 13:22

Mga suled, aghangyuen ku gayed inyu ha magpailub kaw taini ha salambagan ku ta saini ha sulat ku mababà dà.

1 Pedro 1:13

Iman andamen nuy sa henà-henà nuy duun hu bisan inu ha buluhaten, managentagen kaw daw hinamen nuy gayed sa mga panalangin ha ig-ila inyu hu Dios ku lumikù si Cristo Jesus.

1 Pedro 4:10

Bisan inu sa katatau nuy ha in-ila inyu hu Dios gamiten nuy ta daw makabulig kaw hu duma nuy ta sinaligan kaw taena ha grasya ha in-ila inyu.

2 Pedro 1:12

Aman agsublien ku dà sa pag-ikagi inyu bisan ku natun-an nuy en haini daw malig-en kaw en gayed duun hu kamatuuran.

2 Pedro 2:15

Suminuway sidan duun hu kamatuuran daw nangalaag sidan ta inilingan dan sa batasan hi Balaam sa batà hi Beor ha babayaen hu suhul bisan ku madaet sa igpabuhat kandin.

3 Juan 1:12

Si Demetrio tagdayeen hu alan ha mga etaw daw pinaagi hu buhat din agkatun-an taw ha duun gayed tagsunud hu kamatuuran. Bisan sikay agkadayè day daan haena daw natun-an nu ha laus gayed sa tag-ikagiyen ku.

Judas 1:3

Pinalanggà ku ha mga suled, agsulatan ku inyu mahitenged ngaay hu pagluwas kanuy hu Dios ba nahenhenaan ku ha iyan gayed isulat ku diyan ta inyu sa paghangyù ha sukulan nuy sa mga etaw ha ag-ilisan dan sa kamatuuran ha intudlù en duun hu alan ha mga etaw hu Dios, ta harì en gayed haena maisaban.