1 Pedro 5:1 - Lalang Hu Dios

¹ Sinyu sa mga agalen hu mga tumutuu, tumenged ta sabuwa a daan ha agalen daw naahà ku gayed sa pag-antus hi Cristo daw makaambit a daan asem hu pagkagamhanan din, aghangyuen ku inyu ha

1 Pedro 5:1 ပူးပေါင်းရင်းမြစ်များ

Lucas 24:48

Iyan kaw iman mga tistigus taena ha katumanan hu mga tagnà.

Mga Buhat 1:8

Ba gaheman kaw hu Dios ku maulinan kaw en hu Balaan ha Ispiritu daw iyan kaw gayed makapanunultul mahitenged kanak dini ta Jerusalem daw duun hu alan ha banuwa diyà ta Judea daw ta Samaria daw dini ta tibuuk ha kalibutan.”

Mga Buhat 11:30

Binuhat dan haena daw sugua si Bernabe daw si Saulo hu pag-uwit taena duun hu mga agalen hu mga tumutuu.

Mga Buhat 14:23

Su mapilì dan en sa mga agalen duun hu mga punduk hu tagkaamul-amul ha mga tumutuu diyà suminalang sidan hu pagkaen ta daw harì maelangan sa pag-ampù dan. Dayun insalig dan sidan duun hu Dios ha iyan pigtuuwan dan.

Mga Buhat 15:4

Su makauma en sidan diyà ta Jerusalem dinawat sidan hu mga tumutuu daw hu mga apustulis daw hu mga agalen hu mga tumutuu. Dayun intultul dan sa alan ha binuhat hu Dios pinaagi kandan.

Mga Buhat 15:6

Mig-amul-amul sa mga apustulis daw sa mga agalen hu tumutuu hu pagsusi taena.

Mga Buhat 2:32

Su pigtagnà hi David iyan si Jesus sa pigbanhaw hu Dios daw alan kay makapanistigus ha laus gayed haini ta naahà day.

Mga Buhat 20:17

Su diyà en si Pablo ta Mileto pinaelegan din sa mga agalen hu tumutuu diyà ta Efeso.

Mga Buhat 20:28

Aman magbantay kaw gayed duun hu pagtuu nuy daw alimahi sa mga tumutuu ha insalig inyu hu Balaan ha Ispiritu ta naangken sidan hu Dios pinaagi hu langesa hu Batà din.

Mga Buhat 21:18

Su maisab ha aldaw migduma-duma kay ki Pablo hu pagpakig-ahà ki Santiago daw diyà daan naamul-amul sa alan ha agalen hu tumutuu.

Mga Buhat 3:15

Pinahimatayan nuy sa tag-ila hu kinabuhì ba binanhaw dà haena hu Dios daw naahà day.

2 Corinto 5:1

Natun-an taw ha ku matay en haini sa lawa taw amin taw bag-u ha lawa diyà ta langit ha ig-ila kanuy hu Dios ha harì en agkaledak.

2 Corinto 5:8

Iman madasigen kay gayed daw igpalabi day pa ha maawà kay duun taini ha kalibutan ta daw makaamul kay hu Ginuu.

Filipos 1:19

Iman agkabayà-bayà a daan ta natun-an ku ha pinaagi hu pag-ampù nuy daw pagbulig hu Balaan ha Ispiritu ha sinugù hi Cristo Jesus makaguwà a dà dini ta prisuhan.

1 Timoteo 5:1

Harì nu tagdasang-dasangi sa mga maama ha magulang en ba sambagi sidan duun hu manayù-nayù ha paagi isip amay nu. Sambagi nu daan sa mga batan-en pa ha maama di sikaw isip ha mga suled nu.

1 Timoteo 5:19

Harì nuy palilimanan sa madaet ha sumbung mahitenged hu agalen hu mga tumutuu ku hurà daruwa daw ku tatulu ba ha makapanistigus mahitenged kandin.

2 Timoteo 4:8

Aman intagana en sa bales ha ig-ila kanak hu Ginuu sa matareng ha Maghuhukum duun asem taena ha aldaw tumenged hu mga matareng ha binuhat ku. Daw kenà a iyan dà makadawat taena ta lagkes en daan sa alan ha tagsalap hu paglikù din.

Tito 1:5

Sa hinengdan ha intabun ku ikaw diyan ta Creta ta daw mabuhat nu sa hurà pa kapengahi ha buluhaten daw makapilì ka hu mga agalen hu mga tumutuu duun hu alan ha mga banuwa. Harì nu aglipati haena sa intudlù ku ikaw su anay ha

Filemon 1:9

Ba tumenged ta palanggà ku ikaw, bà ku dà ikaw aghangyua bisan pa ku laas ad en daw prisu a iman tumenged hu pagtuu ku ki Cristo Jesus.

Hebreo 12:1

Saini ha madakel ha mga etaw iling iman ha nakalibut sidan ha tag-ahà kanuy. Aman kinahanglan ha awaen taw sa bisan inu ha pakaelang kanuy daw sa salà ha iyan pakabakus kanuy, daw maniguru kuy mulalaguy taman ha makauma kuy duun hu daeganan.

1 Pedro 1:12

Impadayag hu Dios diyà ta kandan ha kenà pa haini para kandan ba para iman kanuy, ta sa intultul dan su anay iyan sa Maayad ha Tultulanen ha tigsangyaw daan iman inyu hu mga etaw ha ginaheman hu Balaan ha Ispiritu ha sinugù hu Dios. Saini ha kaluwasan agkabayaan ngaay hu mga balinsuguen hu Dios ha matun-an dan.

1 Pedro 1:7

Sa katuyuan taini ha mga pagsulay iyan sa pagsusi ku laus ba gayed sa pagtuu nuy. Iling hu bulawan ha agkadaetan dà ba saena limpyuwan gihapun pinaagi hu hapuy. Ba sa pagtuu nuy labaw pa dì hu bulawan. Ku makaantus kaw taena ha pagsulay dayeen kaw gayed daw tahuran kaw asem ku lumikù si Cristo Jesus.

1 Pedro 4:13

Ba magmalipayen kaw gayed ha makaambit kaw hu mga alantusen hi Cristo ta daw adagi gayed sa kalipay nuy asem ku ipadayag en sa pagkagamhanan din.

1 Pedro 5:4

Ku lumikù si Cristo Jesus sa labaw ha magbalantay balesan kaw kandin ta makaambit kaw hu harì en gayed agkahanaw ha pagkagamhanan din.

1 Juan 3:2

Minahal ku ha mga suled, iyan kuy gayed iman mga batà hu Dios. Inlilung pa iman kanuy ku inu gayed sa kadagway taw asem, ba natun-an taw en ha ku lumikù si Jesus mailing kuy kandin ta maahà taw en haena.

2 Juan 1:1

Iyan a sabuwa ha agalen hu mga tumutuu sa migsulat taini. Sinulatan ku ikaw sa bahi ha pinilì hu Dios daw sa mga batà nu ha mga pinalanggà ku. Sa alan ha nakatuu hu kamatuuran tagpalanggà daan inyu

3 Juan 1:1

Iyan a sabuwa ha agalen hu mga tumutuu sa migsulat taini. Sinulatan ku iman ikaw, Gayo sa pinalanggà ku ha suled duun hu pagtuu.

Impadayag 1:9

Iyan a si Juan ha suled nuy duun hu pagtuu daw iyan a daan duma nuy duun hu pagpailub hu mga malegen ha alantusen ta sabuwa kuy dà ha tagharian hi Jesus. Sinilutan a iman duun taini ha pulù ta Patmos tumenged hu pagsangyaw ku hu lalang hu Dios daw hu kamatuuran ha intudlù hi Jesus.