1 Pedro 3:4 - Lalang Hu Dios

⁴ ta sa laus ha ikadagway hu bahi iyan gayed sa pagkamaluluy-en daw sa pagkabuutan din, saini harì agkahanaw daw tungkay mahal duun hu Dios.

1 Pedro 3:4 ပူးပေါင်းရင်းမြစ်များ

Mateo 11:29

Buhaten nuy sa igsugù ku inyu daw magtuen kaw dini ta kanak ta daw makahimlay kaw, ta maluluy-en daw tagpaubus a.

Mateo 21:5

“Tultuli nuy sa mga taga-Jerusalem, ‘Sa Harì nuy pakauma en, saena maluluy-en daw taglulan duun hu nati hu asnu.’”

Mateo 23:26

Sinyu sa mga Parisiyu, bà kaw su buta. Kinahanglan ha unahen nuy henawan sa seled taena ha baung daw lampay dayun malimpyuwan daan sa guwà.

Mateo 5:5

“Malipayen gayed sa mga tagpaubus ta maangken dan sa panalangin ha insaad hu Dios.

Lucas 11:40

Mga buang-buang kaw gayed. Kenà iyan dà agkaahà hu Dios sa lawa nuy ta natun-an din daan sa henà-henà nuy.

Lucas 16:15

Ba inikagiyan sidan hi Jesus, “Tagpabantug kaw ngaay hu mga etaw ba natun-an hu Dios sa mga henà-henà nuy. Sa tagtuuwan hu mga etaw ha iyan mapuslanen dini ta kalibutan saena agtambagan hu Dios.

Roma 1:23

Harì en sidan tagsimba hu gamhanan daw bubuhay ha Dios ta inilisan dan en haena hu mga diyus-diyus ha agkailing hu weleng-weleng hu etaw, hu mga tagbis, mga mananap daw mga langgam ha tagpananap.

Roma 2:29

ta sa laus ha Judio iyan haena sa inulinan hu Balaan ha Ispiritu daw kenà pinaagi hu pagtuman hu Kasuguan. Sa etaw ha iling taena kenà etaw dà sa tagdayè kandin ba iyan daan sa Dios.

Roma 6:6

Natun-an taw en ha sa daan ha kinaiya taw nakalansang en daan duun hu krus duma ki Cristo ta daw maawà sa sigi taw dà pagpakasalà daw harì kuy en maulipen taena,

Roma 7:22

Duun hu henà-henà ku agkabayaan ku ngaay agtumana sa Kasuguan hu Dios

2 Corinto 10:1

Pinaagi hu pagkamaluluy-en hi Cristo amin ku ag-ikagiyen inyu ta amin tag-ikagi ha mabalaw a ku madiyù a ba gayhaan a ku diyan a ta inyu.

2 Corinto 4:16

Aman madasigen kay gayed iman. Bisan ku tagluya en sa lawa day ba aldaw-aldaw tag-iseg sa pagtuu day.

Galacia 5:23

maluluy-en daw tagpugung hu kaugalingen dan. Ku buhaten taw haena harì kuy makasupak hu Kasuguan.

Efeso 4:2

Magpaubus kaw daw magmaluluy-en gayed daw pinaagi hu pagpailub mag-inantusà kaw tumenged hu pagpinalanggaay nuy.

Colosas 3:12

Tumenged ta pinilì kaw hu Dios ha mga etaw daw mga pinalanggà din kinahanglan ha magmahid-uwen daw magpaubus kaw, magmaluluy-en daw magagawon, magpailub kaw.

Colosas 3:3

ta iling ha namamatay kaw en ba duun hu Dios, sa kinabuhì nuy nasabuwa en diyà ki Cristo.

1 Tesalonica 4:11

Paniguruwi iman sa pagtimà nuy ha malinawen. Harì kaw ag-amul duun hu hurà nuy labet daw magtrabahu kaw gayed ta daw kaw mauyag. Natun-an nuy en haini ta inikagi day en inyu su anay.

2 Tesalonica 3:12

Pinaagi ki Cristo Jesus ha Ginuu ikagiyan day haena sa mga pugulen ha magtrabahu gayed sidan ta daw mauyag daan sidan daw harì bà dà magsamuk-samuk duun hu duma.

1 Timoteo 2:2

I-ampu taw daan sa mga harì daw sa panggubirnuhan ta daw maangken taw sa kalinaw duun hu pagtimà daw harì maelangan sa pagsimba taw hu Dios daw sa pagbuhat hu matareng.

2 Timoteo 2:25

Kinahanglan agnayù-nayuan din sa mga agsupak kandin ta kan ku sa Dios magbulig kandan ha makahinulsul daw matun-an dan sa kamatuuran

Tito 3:2

Kinahanglan ha harì sidan mandaet hu dengeg daw harì makigsawalà, ba magmahid-uwen sidan daw magmatinahuren gayed hu bisan sin-u.

Santiago 1:21

Aman endai sa alan ha mahugaw daw sa mga madaet ha iyan tagpasulabi diyan ta inyu, daw pinaagi hu pagpaubus dawata nuy sa lalang hu Dios ha intudlù inyu ta iyan haena makaluwas inyu.

1 Pedro 1:23

ta in-isab kaw imbatà kenà pinaagi hu agpatay dà ha etaw ba pinaagi hu hurà din katapusan ha lalang hu Dios ha iyan tag-ila hu kinabuhì.

1 Pedro 3:15

ba tahuren nuy gayed si Cristo ha Ginuu nuy. Sigi kaw managana hu igtubag nuy ku amin manginginsà inyu mahitenged hu pagsalig nuy duun hu Dios.