1 Pedro 3:22 - Lalang Hu Dios

²² ha duminiyà en ta langit daw duun iman tagpinuu hu kawanan hu Dios, daw iyan haena tagbayà hu mga balinsuguen hu Dios daw hu alan ha amin din kagahem diyà ta kalangitan bisan sa mga ginsakupan hi Satanas.

1 Pedro 3:22 ပူးပေါင်းရင်းမြစ်များ

Mateo 22:44

‘Inikagiyan hu Dios sa Ginuu ku, “Dini ka pinuu ta kawanan ku hangtud ha madaeg ku sa mga kuntra nu.”’

Mateo 28:18

Dayun uminubay si Jesus diyà ta kandan daw minikagi “In-ila kanak sa kagahem hu pagharì diyà ta langit daw dini ta kalibutan.

Marcos 12:36

Ta si David su ulinan hu Balaan ha Ispiritu nakaikagi ha tagyanaen, ‘Inikagiyan hu Dios sa Ginuu ku, “Dini ka pinuu ta kawanan ku hangtud ha madaeg ku sa mga kuntra nu.”’

Marcos 16:19

Su maiwas haena ikagiya hi Jesus luminigtu diyà ta langit daw pinuu duun hu kawanan hu Dios.

Lucas 20:42

Ta si David migsulat duun hu mga Salmo ha tagyanaen, ‘Inikagiyan hu Dios sa Ginuu ku, “Dini ka pinuu ta kawanan ku

Juan 13:32

Ku pinaagi kanak madayè sa Dios ha Amay ku madayè a daan kandin hu harì en malugay.

Mga Buhat 1:11

daw minikagi, “Sinyu sa mga taga-Galilea, imbà kaw taghangadà diyà ta langit? Si Jesus ha luminigtu diyà ta langit aglikù dà asem dini ku malugay iling ha naahà nuy iman diyà tayà ha gabunan.”

Mga Buhat 3:21

Ba saena diyà pa iman ta langit taman ha bag-uwen hu Dios sa alan sumalà hu inikagi hu mga prupita.

Roma 8:34

Sin-u man sa makahukum pa kanuy hu silut? Hurà gayed ta si Cristo Jesus migpakamatay para kanuy ba nabanhaw dà daw duun en iman tagpinuu hu kawanan hu Dios ta iyan agpangatubang diyà ta kandin hu pag-ampù para kanuy.

Roma 8:38

Ta nasiguru ku ha hurà gayed makaelang hu pagpalanggà kanuy hu Dios pinaagi ki Cristo Jesus sa Ginuu taw bisan ku matay kuy daw ku bubuhay kuy ba, bisan pa sa mga balinsuguen hu Dios daw sa mga ginsakupan hi Satanas, bisan sa agkaula-ula iman daw sa maul-ulahan asem ku malugay, bisan sin-u ha amin din gahem diyà ta kalangitan daw diyà ta didalem ta bugtà daw bisan sa alan ha mga tinanghagà.

1 Corinto 15:24

Duun asem taena makauma sa katapusan ha panahun ha madaeg din sa alan ha tagharì daw sa amin din kagahem, dayun itugyan din duun hu Dios ha Amay din sa tagharian din.

Colosas 3:1

Tumenged ta nabanhaw kaw duma ki Cristo henhenaen nuy gayed sa mga langitnen ha butang ta diyà en si Cristo tagpinuu hu kawanan hu Dios pagharì.

Hebreo 1:13

Ba sa mga balinsuguen hu Dios hurà din ikagiyi, “Dini ka pinuu ta kawanan ku hangtud ha madaeg ku sa mga kuntra nu.”

Hebreo 1:3

Sa pagpangaluanlag hu Dios impadayag pinaagi hu Batà din ta iling dà gayed sidan, daw iyan sa Batà din tagbayà hu alan ha tinanghagà pinaagi hu gahem hu pag-ikagi din. Su mapalas din en sa mga salà hu kaet-etawan pinaagi hu kamatayen din, luminikù diyà ta langit daw duun mininuu hu kawanan hu Dios ha gamhanan.

Hebreo 1:6

Ba su ipadini hu Dios sa gamhanan ha Batà din ta kalibutan minikagi haena, “Sa alan ha mga balinsuguen ku sumimba gayed kandin.”

Hebreo 10:12

Ba si Cristo kasabuwa dà maghalad para hu alan ha mga salà hu kaet-etawan dayun mininuu duun hu kawanan hu Dios

Hebreo 12:2

Iyan taw dà gayed saligan si Jesus sa puunaan daw sa igkahimpit hu pagtuu taw, ta inantus din sa kalansanga kandin duun hu krus daw hurà gayed kagayhà taena tumenged hu kalipay din ku maiwas en haena. Iman duun tagpinuu hu kawanan hu Dios.

Hebreo 4:14

Pangesegan taw gayed sa pagtuu taw tumenged ta amin taw gamhanan daw tungkay labaw ha sinaligan duun hu atubangan hu Dios ha iyan si Jesus sa Batà din.

Hebreo 8:1

Sa kahulugan hu tag-ikagiyen day inyu iyan sa amin taw en iman tungkay labaw ha sinaligan hu paghalad ha duun tagpinuu hu kawanan hu Dios ha gamhanan diyà ta langit.

Hebreo 9:24

Aman sa inhalad hi Cristo iyan gayed sa lawa din daw saena ha Tabirnakulu ha sineledan din kenà dini dà ta kalibutan ha binuhat hu etaw ba iyan gayed sa laus ha Tabirnakulu diyà ta langit. Iman iyan haena agpangatubang duun hu Dios para kanuy.