1 Pedro 2:8 - Lalang Hu Dios

⁸ Daw inikagi daan, “Iyan haini batu ha masipà hu mga etaw ta daw makakagpà sidan.” Makakagpà sidan ta harì sidan agtuu hu lalang din, ba iyan en daan haena katuyuan hu Dios.

1 Pedro 2:8 ပူးပေါင်းရင်းမြစ်များ

Lucas 2:34

Dayun inampuan sidan hi Simeon daw ikagiyi si Maria, “Saini ha batà nu pinilì hu Dios daw iyan haini hinengdan ha sa kaliwatan hi Israel amin duun maluwas daw sa duma masilutan daan. Amin mga timaan ha saini sinugù hu Dios ba tameyesen hu madakel ha mga etaw

Roma 9:22

Iling daan taena sa binuhat hu Dios su anay ta bisan su mapaukan din en sa mga makasasalà daw makapadayag din ngaay sa pagkagamhanan din ba migpailub pa haena bisan ku angayan en ngaay sidan ha agsilutan.

1 Corinto 1:23

Ba sa tigsangyaw day iyan si Cristo sa inlansang duun hu krus, saena agtambagan hu mga Judio daw ag-isipen daan haena hu kenà mga Judio ha bà dà binuang.

2 Corinto 2:16

Iyan tagpadayag duun hu bisan hindu ha silutan sa mga etaw ha harì agkabayà ha maluwas ba sa agtuu agkaluwas. Sin-u gid sa angayan hu pagpanunultul taini?

Galacia 5:11

Henhenaa nuy haini, mga suled, ha ku migtudlù a pa ngaay ha kinahanglan ha sirkunsidahan kuy gayed harì ad en ngaay pasipalahan kandan iman daw harì daan makapasamuk kandan sa pagtudlù ku mahitenged hu kamatayen hi Cristo duun hu krus.

1 Tesalonica 5:9

Ta hurà kuy itagana hu Dios hu silut ba pinilì kuy kandin ha maluwas pinaagi ki Cristo Jesus ha Ginuu taw

1 Pedro 2:6

Ta sa insulat ha lalang hu Dios tagyanaen, “Amin ku pinilì ha mapuslanen ha batu, saena in-ugsak ku ha iyan makapalig-en hu balay ku diyà ta Zion daw sa alan ha tumuu kandin harì gayed mapagagayhaan.”

1 Pedro 2:7

Sinyu sa tuminuu, mahal gayed haena inyu. Ba saena ha harì agtuu matuman gayed sa lalang hu Dios ha tagyanaen, “Sa batu ha bà dà inlambeg ta abi hu mga tagbalay ha hurà din pulus iyan man diay pakapalig-en hu balay.”

2 Pedro 2:3

Tumenged hu pagkaagapan dan hu salapì limbungan kaw kandan hu mga bidù ha katarengan. Ba sa Dios ha iyan maghukum kandan nalugay en sa kataganahi din kandan hu silut.

Judas 1:4

Sa hinengdan ha sinulatan ku inyu ta amin en nakaamul diyan ta inyu ha iglimud dan sa Dios. Tag-ikagi sidan ha mabaluy taw en buhata sa sumalà en ha malaw-ay tumenged ta sa Dios maluluy-en gayed aman pasayluwen kuy daan kandin, ba saini ha mga etaw insalikway dan gayed si Cristo Jesus ha iyan dà Ginuu. Sa igsilut kandan insulat en duun hu lalang hu Dios.