1 Pedro 2:24 - Lalang Hu Dios

²⁴ Inuwit en hi Cristo sa mga salà taw duun hu krus ta daw harì kuy en magbuhat hu salà daw sa pamatasan taw matareng gayed. Pinaagi hu pag-antus din nalibri kaw.

1 Pedro 2:24 ပူးပေါင်းရင်းမြစ်များ

Mateo 27:26

Dayun impaguwà hi Pilato si Barabas. Ba si Jesus pinalagkutan din daw itugyan duun hu mga etaw ta daw makalansang dan duun hu krus.

Mateo 5:20

Ikagiyen ku inyu ha sa Dios iyan din dà tagharian sa matareng gayed dì taena ha mga manunudlù hu Kasuguan daw mga Parisiyu.

Mateo 8:17

Nabuhat din haena ta daw matuman sa inikagi hi Isaias sa prupita ha tagyanaen, “Inawà din sa mga kaluyahen taw daw inuwit din sa mga dalu taw.”

Marcos 15:15

Tumenged ta agkabayaan hi Pilato ha mabayà-bayà su mga etaw impaguwà din si Barabas. Dayun pinalagkutan din si Jesus daw itugyan duun hu mga etaw ta daw makalansang dan duun hu krus.

Lucas 4:18

“Sa Balaan ha Ispiritu ha sinugù hu Dios uminulin dini ta kanak tumenged ta pinilì a kandin ha magsangyaw hu Maayad ha Tultulanen duun hu mga makaluluuy. Impadini a kandin ta daw matultulan ku sa mga prisu ha malibri sidan daw sa mga buta makaindan, mabuligan ku daan sa agdaeg-daegen

Juan 1:29

Su maisab ha aldaw naahà hi Juan si Jesus ha tagdiyà ta kandin. Dayun uminikagi si Juan, “Taini en sa Nati ha Karniru ha sinugù hu Dios ta daw makapalas hu salà hu kaet-etawan.

Juan 19:1

Insugù hi Pilato ha lagkutan si Jesus

Mga Buhat 10:35

ta bisan sin-u ha etaw dini ta kalibutan ku magmatinahuren hu Dios daw magbuhat hu matareng agdawaten din.

Mga Buhat 10:39

“Makapanistigus kay gayed taini ta naahà day sa alan ha binuhat din diyà ta Jerusalem daw hu mga banuwa diyà ta Judea. Hinimatayan dan haena pinaagi hu paglansanga kandin duun hu krus,

Mga Buhat 13:29

Su matuman dan en sa alan ha inikagi hu prupita mahitenged kandin inawà dan haena duun hu krus daw ilebeng.

Mga Buhat 5:30

Sa Dios ha tagsimbahen hu mga gin-apuan taw iyan migbanhaw ki Jesus sa hinimatayan nuy pinaagi hu kalansanga kandin duun hu krus.

Roma 6:11

Iling taena isipen nuy gayed ha minatay kaw en daan duun hu pagpakasalà ba pinaagi ki Cristo Jesus amin nuy kinabuhì ha bag-u ha iyan pakadayè hu Dios.

Roma 6:13

Harì nuy aggamita sa mga bahin hu lawa nuy hu pagbuhat hu salà ba itugyan sa kaugalingen nuy duun hu Dios isip ha minatay kaw en ba nabanhaw kaw dà, daw itugyan nuy daan sa alan ha bahin hu lawa nuy duun hu Dios ta daw magamit hu pagbuhat hu matareng.

Roma 6:16

ta hurà nuy ba diay katun-i ha bisan inu sa tagtumanen nuy ulipen kaw taena? Aman ku ulipen kaw hu salà sa mapayanan-an nuy iyan sa silutan kaw hu hurà din katapusan, ba ku magmatinumanen kaw hu Dios maisip kaw gayed ha matareng.

Roma 6:22

Ba iman tumenged ta hurà en gahem hu salà diyan ta inyu daw nabuhat kaw en ha ulipen hu Dios mahimpit kaw daw makaangken kaw hu kinabuhì ha hurà din katapusan.

Roma 6:7

ta sa etaw ha minatay en harì en pakabuhat hu salà.

Roma 7:6

Ba iman ta iling kuy ha minatay en duun taena ha tagbayà kanuy su anay nalibri kuy en hu Kasuguan ta daw mabuhat taw sa agkabayaan hu Dios kenà en pinaagi hu pagtuman hu Kasuguan ba pinaagi en hu pagbulig kanuy hu Balaan ha Ispiritu.

1 Corinto 15:3

Sa intudlù ku inyu ha mahinengdanen gayed iyan sa intudlù daan kanak hu Dios ha si Cristo migpakamatay tumenged hu mga salà taw sumalà hu insulat ha lalang hu Dios

2 Corinto 6:17

Daw inikagi din daan, “Sumuway kaw duun hu kenà mga tumutuu daw harì kaw en tagbuhat hu madaet dayun dawaten ku gayed inyu.

Galacia 3:13

Ba natun-an taw en ha hurà gayed makatuman hu alan ha Kasuguan. Ba bisan ku masupak taw sa Kasuguan linibri kuy hi Cristo ta iyan en haena sinilutan para kanuy pinaagi hu kamatayen din duun hu krus, ta sa insulat ha lalang hu Dios tagyanaen, “Sa etaw ha aghimatayan daw igbitay duun hu kayu sinilutan hu Dios.”

Efeso 5:9

ta sa tagbuhaten hu etaw ha duun taghipanaw hu mapawà maayad daw matareng gayed sumalà hu kamatuuran.

Filipos 1:11

ta mamunga kaw gayed hu matareng ha buhat pinaagi ki Cristo Jesus daw madayè gayed sa Dios.

Colosas 2:14

ta su ilansang si Cristo duun hu krus inawà hu Dios sa gahem hu Kasuguan ha iyan tagsilut kanuy ku masupak taw haena.

Colosas 2:20

Tumenged ta minatay kaw en duma ki Cristo daw nakauhang kaw en duun hu kalibutanen ha henà-henà, imbà nuy tagtumana pa sa mga tulumanen

Colosas 3:3

ta iling ha namamatay kaw en ba duun hu Dios, sa kinabuhì nuy nasabuwa en diyà ki Cristo.

Hebreo 10:10

Tumenged ta natuman hi Cristo Jesus sa agkabayaan hu Dios nahimpit kuy pinaagi hu kasabuwa dà ha paghalad din hu kaugalingen din.

Hebreo 10:5

Aman tumenged taena su agdini en si Cristo ta kalibutan inikagiyan din sa Dios, “Kenà nu iyan agkabayaan sa mga mananap ha ighalad ba binuhatan a ikaw hu lawa ha iyan ighalad ku

Hebreo 12:13

Duun kaw maghipanaw hu kamatuuran ta daw saena ha maluya hu pagtuu makabis-ay.

Hebreo 7:26

Si Jesus iyan tungkay labaw ha sinaligan hu paghalad ha tagkinahanglanen taw gayed ta himpit daw hurà makasaway kandin tumenged ta kenà iling hu etaw ha makasasalà daw impatangkaw haini labaw hu alan.

Hebreo 9:28

Iling daan taena si Cristo kasabuwa dà magpakamatay hu pagpamalas hu salà hu kaet-etawan. Ku lumikù asem haena sa tuyù din kenà en iyan sa pag-uwit duun hu krus hu salà hu kaet-etawan ba iyan en sa katumanan hu kaluwasan taena ha tagsalap kandin.

Santiago 5:16

Aman magpasinugidà kaw hu mga salà nuy daw mag-inampuay kaw daan ta daw maulian kaw, ta sa pag-ampù hu etaw ha matareng amin gayed duun gahem.

1 Juan 2:29

Tumenged ta natun-an nuy en ha si Jesus matareng gayed natun-an nuy en daan ha sa alan ha tagbuhat hu matareng iyan mga batà din.

1 Juan 3:7

Pinalanggà ha mga batà ku, mag-andam kaw gayed ta daw harì kaw malimbungan hu bisan sin-u. Saena ha tagbuhat hu matareng mailing gayed ki Jesus ha matareng.

Impadayag 22:2

daw duun tagtugà hu taliwarà ku dalan taena ha banuwa. Duun hu masigkakilid taena ha wahig amin duun tuminubù ha kayu ha tag-ila hu kinabuhì daw agpamunga kada bulan. Sa dahun din bulung ha pakaulì hu kaet-etawan.