1 Pedro 1:21 - Lalang Hu Dios

²¹ Pinaagi kandin nakatuu kaw duun hu Dios ha iyan migbanhaw ki Cristo daw inlikù diyà ta kandin sa pagkagamhanan din su anay. Aman sa pagsalig nuy daw sa taghinamen nuy iman iyan dà gayed sa Dios.

1 Pedro 1:21 ပူးပေါင်းရင်းမြစ်များ

Mateo 28:18

Dayun uminubay si Jesus diyà ta kandan daw minikagi “In-ila kanak sa kagahem hu pagharì diyà ta langit daw dini ta kalibutan.

Juan 12:44

Dayun minikagi si Jesus, “Sa agtuu kanak agtuu en daan hu Dios ha migsugù kanak.

Juan 14:1

“Harì kaw gayed masamuk ba salig kaw duun hu Dios daw salig kaw daan kanak.

Juan 14:6

Tuminubag si Jesus, “Iyan a dalan daw kamatuuran daw iyan a kinabuhì. Hurà makaduun hu Amay ku ku kenà pinaagi kanak.

Juan 17:1

Su makapenga mikagi si Jesus huminangad haena diyà ta langit daw mig-ampù ha tagyanaen, “Amay ku, iyan en haini su natugun ha panahun. Dayeen a sa Batà nu ta daw madayè ku daan ikaw

Juan 17:24

“Amay ku, sa mga etaw ha in-ila nu kanak agkabayaan ku daan ha makaamul sidan duun hu tagtimaan ku daw maahà dan sa himaya ha in-ila nu kanak tumenged ta pinalanggà a ikaw bisan su hurà pa tanghagaa sa kalibutan.

Juan 17:5

Iman, Amay ku himayaa a duma ikaw mailing hu himaya su diyan a pa ta ikaw su hurà pa daan tanghagaa sa kalibutan.

Juan 3:34

Ta saena ha sinugù hu Dios tag-ikagi hu lalang hu Dios ta agpaulinan gayed hu Balaan ha Ispiritu.

Mga Buhat 2:24

Ba binanhaw hu Dios ta harì gayed mabaluy ha madaeg haena hu kamatayen.

Mga Buhat 3:13

Sa Dios ha iyan tagsimbahen hi Abraham, hi Isaac daw hi Jacob sa mga gin-apuan taw migdayè ki Jesus ha sinugù din. Intugyan nuy si Jesus duun hu mga agalen daw pigtameyes nuy daan duun hu atubangan hi Pilato bisan su igpaawà en ngaay haena hi Pilato.

Mga Buhat 3:15

Pinahimatayan nuy sa tag-ila hu kinabuhì ba binanhaw dà haena hu Dios daw naahà day.

Mga Buhat 4:10

kinahanglan ha matun-an nuy daw hu alan ha kaliwat hi Israel ha pinaagi hu ngaran hi Cristo Jesus ha taga-Nazareth sa impalansang nuy duun hu krus ba pigbanhaw dà hu Dios iyan ingkaulii taini ha tag-ahaen nuy iman.

Roma 10:9

ku ikagiyen nuy ha si Jesus iyan Ginuu nuy daw tumuu kaw daan ha saena binanhaw hu Dios maluwas kaw gayed.

2 Corinto 6:15

Harì daan mabaluy ha mag-uyun si Cristo daw si Satanas. Iling daan ha harì mabaluy ha mag-iling sa henà-henà hu tumutuu daw hu kenà tumutuu.

Efeso 1:15

Tumenged taini sugud dà su mapaliman ku sa adagi ha pagsalig nuy diyà ki Jesus ha Ginuu daw sa pagpalanggà nuy hu alan ha mga tumutuu

Colosas 1:27

Sa katuyuan hu Dios iyan sa pagpadayag kanuy hu belenganen ha paagi din duun hu kenà mga Judio. Saena ha inlilung iyan sa dini en ta kanuy si Cristo daw pinaagi taini amin madagway ha tagsalapen taw diyà ta langit.

1 Timoteo 1:1

Iyan a si Pablo sa migsulat taini. Apustul a hi Cristo Jesus sinugù hu Dios ha Manluluwas taw daw hi Cristo Jesus sa tagsalapen taw iman.

1 Timoteo 3:16

Laus gayed ha labaw pa hu alan sa kamatuuran ha impadayag dini ta kanuy daw iyan tagtuuwan taw. Si Cristo Jesus migpakaetaw daw saini pigtistigusan hu Balaan ha Ispiritu ha matareng. Nakilala daan hu mga balinsuguen hu Dios daw luminigtu diyà ta langit hu pagharì. Intultul daan duun hu alan ha kaet-etawan daw tinuuwan dini ta tibuuk kalibutan.

Hebreo 2:9

Ba sa naahà taw en iman iyan si Jesus ha binuhat ha minus sa kahimtang din dì hu mga balinsuguen hu Dios duun hu mababà ha panahun ta daw tumenged hu grasya hu Dios magpakamatay para hu kaet-etawan. Ba iman impatangkaw daw dinayè tumenged hu mga pag-antus din hu kamatayen.

Hebreo 6:1

Aman harì en iyan dà henhenaen sa nauna ha katudluanan mahitenged ki Cristo ba ipaiseg sa natun-an taw ta daw kenà iyan dà matun-an sa pagtuu duun hu Dios pinaagi hu paghinulsul hu mga salà ha iyan ngaay tag-uwit kanuy duun hu kamatayen,

Hebreo 7:25

Aman pinaagi taena mabaluy ha maluwas din sa bisan sin-u ku umubay duun hu Dios pinaagi kandin, ta hurà katapusan hu kinabuhì din daw iyan daan sinaligan hu mga etaw ha mangatubang duun hu Dios hu pag-ampù para kandan.

1 Pedro 1:11

ta ginaheman sidan hu Balaan ha Ispiritu hu pagtagnà mahitenged hu mga malegen ha ag-antusen hi Cristo daw hu pagkagamhanan din ku maiwas sa mga alantusen din. Sinusi dan gayed daan haini ku kan-u agkahitabù daw inu sa maul-ulahan ku makauma en si Cristo.

1 Pedro 1:3

Dayeen sa Dios ha iyan Amay hi Cristo Jesus ha Ginuu taw. Tumenged hu adagi ha kahid-u din kanuy in-isab kuy imbatà pinaagi hu pagbanhawa din ki Cristo Jesus. Aman iman amin taw adagi ha hinam

1 Pedro 3:22

ha duminiyà en ta langit daw duun iman tagpinuu hu kawanan hu Dios, daw iyan haena tagbayà hu mga balinsuguen hu Dios daw hu alan ha amin din kagahem diyà ta kalangitan bisan sa mga ginsakupan hi Satanas.