1 Pedro 1:15 - Lalang Hu Dios

¹⁵ Ba magmahimpit kaw duun hu bisan inu ha tagbuhaten nuy iling ha mahimpit sa Dios ha mighimu inyu ha tumutuu,

1 Pedro 1:15 ပူးပေါင်းရင်းမြစ်များ

Mateo 5:48

Aman magmahimpit kaw iling hu Amay nuy diyà ta langit.

Roma 9:24

Saini iyan kuy en sa hinimu din ha tumutuu kenà iyan dà sa mga Judio ba lagkes en daan sa kenà Judio

2 Corinto 7:1

Pinalanggà ku ha mga suled, tumenged taini ha insaad kanuy hu Dios, limpyuwan taw sa kaugalingen taw daw bisan sa henà-henà taw ta daw mahimpit kuy gayed pinaagi hu pagtahud taw hu Dios.

Filipos 1:27

Ba kinahanglan ha sa pamatasan nuy angayan gayed hu Maayad ha Tultulanen mahitenged ki Cristo ta daw ku makadiyan a daw ku harì, mapaliman ku ha malig-en gayed sa pagtuu nuy ta nasabuwa kaw ha madasigen duun hu paglaban hu Maayad ha Tultulanen

Filipos 3:14

Tagpadayun a duun hu daeganan ta daw matimù ku sa bales hu Dios ha iyan in-umawa din kanak pagseled hu tagharian din pinaagi hu pagpakigsabuwa ku ki Cristo Jesus.

Filipos 3:20

Ba sa kanuy ha banuwa iyan sa langit ha duun agkapuun si Cristo Jesus ha Ginuu daw Manluluwas ha tagsalapen taw iman.

1 Tesalonica 2:12

pigdasig daw pigsambagan day ta daw sa batasan nuy mabayà-bayaan gayed hu Dios ha iyan mighimu inyu ha tumutuu ta daw maharian kaw kandin daw makaambit kaw daan asem hu pagkagamhanan din.

1 Timoteo 4:12

Bisan pa ku batan-en ka pa ba kinahanglan angayan ka gayed tahuran hu bisan sin-u. Mabuhat ka gayed ha sampitan hu mga tumutuu pinaagi hu pag-ikagi daw batasan ha maayad, duun hu pagpalanggà hu bisan sin-u, hu pagsalig ki Cristo Jesus daw hu pagkahimpit nu.

2 Timoteo 1:9

ta sa Dios iyan migluwas kanit daw pinilì ki daan kandin ha suluguen din kenà tumenged hu mga binuhat ta ha maayad ba tumenged hu kandin ha katuyuan daw grasya. Su hurà pa tanghagaa sa kalibutan daan din en nahenà-henà ha iila din kanit sa grasya pinaagi ki Cristo Jesus.

Tito 3:14

Tudlui nu sa mga etaw ha maniguru sidan magbuhat hu maayad ta daw mabuligan dan haena sa taglised. Ku buhaten dan haena mapuslanen gayed sidan.

Tito 3:8

Saini ha mga lalang kasaligan gayed. Agkabayaan ku ha ipanday nu gayed haini itudlù ta daw sa mga tumutuu hu Dios maniguru pagbuhat hu maayad ta saini hurà duun sayep daw mapuslanen hu bisan sin-u.

Hebreo 12:14

Buhata nuy sa mahimu nuy ta daw malinawen sa pagdapità nuy duun hu bisan sin-u daw mahimpit kaw, ta sa kenà mahimpit harì din gayed maahà sa Ginuu.

Hebreo 13:5

Andama nuy ha harì kaw mabuhat ha babayaen hu salapì, ba bisan inu ha didiyan ta inyu tumanan en haena ta inikagi hu Dios, “Harì ku gayed inyu ag-endaan daw igpatayà.”

Santiago 3:13

Amin ba diyan ta inyu matatau daw masinabuten gayed ha etaw? Kinahanglan ha ipaahà din haena pinaagi hu maayad ha batasan daw maayad ha mga buhat duma hu pagpaubus.

1 Pedro 2:12

Kinahanglan ha sa pamatasan nuy maayad gayed ta daw bisan ku butang-butangan kaw hu kenà mga tumutuu ba maahà dan sa maayad ha buhat nuy dayun madayè dan sa Dios asem ku aldaw hu pagbulus din duun hu kaet-etawan.

1 Pedro 2:9

Ba sinyu iyan kaw iman hinimu hu Dios ha tumutuu daw mga sinaligan ha tag-alagad hu Harì daw mga etaw kaw kandin ha mahimpit gayed ta daw madayè nuy sa Dios pinaagi hu pagpanunultul nuy taena ha belenganen ha binuhat din, ta iyan migpaguwà inyu duun hu kasukileman payanaen duun hu kapawaan diyà ta kandin.

1 Pedro 3:16

Buhaten nuy haena pinaagi hu pagpaubus daw pagkamatinahuren. Kinahanglan ha hurà gayed salà ha makasamuk hu henà-henà nuy ta daw saena ha tag-ikagi hu madaet mahitenged hu maayad ha pamatasan nuy tumenged hu pagsunud nuy ki Cristo, bà dà kagayhai tumenged hu pagpandaet dan hu dengeg nuy.

1 Pedro 5:10

Ku mapengahan sa mababà ha mga alantusen sa Dios maghimpit inyu daw makapalig-en hu pagtuu nuy ta daw harì kaw madaeg hu bisan inu, ta sa Dios tag-ila hu grasya daw iyan mighimu inyu ha tumutuu ta daw makaambit kaw duun hu hurà din katapusan ha pagkagamhanan hi Cristo.

1 Juan 3:3

Sa etaw ha tagsalap hu paglikù din taghimpit gayed hu kaugalingen din iling ha mahimpit si Jesus.

Impadayag 3:7

“Isulat haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Filadelfia, ‘Iyan a sa kasaligan ha pinilì hu Dios. In-ila kanak sa kagahem hu pagharì iling hu kagahem hi David su anay. Ku amin etaw ha ipaseled ku duun hu tagharian ku hurà bisan sin-u ha makabaldeng taena, daw sa sirahan ku harì daan mapuwaan hu bisan sin-u. Taini sa mga lalang ku inyu.

Impadayag 4:8

Saena ha haepat ha tinanghagà tighaenem sa mga pakpak dan ha nalekep daan hu mga mata. Aldaw daw ku daleman iyan dà buhat dan sa pagkanta hu harì agkapangkus ha tagyanaen, “Balaan gayed sa Dios ha gamhanan daw Magbabayà hu alan. Duduun en su hurà pa tanghagaa sa bisan inu daw duduun pa iman daw hangtud hu hurà din katapusan.”

Impadayag 6:10

Minikagi sidan hu madaging, “Dios ha gamhanan Magbabayà hu alan sa balaan daw agkasaligan, kan-u nu pa diay agsiluti su mga etaw ha mighimatay kanay?”