1 Juan 2:1 - Lalang Hu Dios

¹ Pinalanggà ku ha mga batà, insulat ku haini diyan ta inyu ta daw harì kaw en makasalà. Ba ku amin inyu makasalà amin taghusay taena duun hu Dios ha Amay taw. Saena iyan si Cristo Jesus sa matareng gayed

1 Juan 2:1 ပူးပေါင်းရင်းမြစ်များ

Lucas 10:22

Minikagi si Jesus duun hu mga etaw, “Insalig en kanak hu Dios ha Amay ku sa alan. Iyan dà haena nakakilala kanak daw iyan a dà daan nakakilala kandin daw iyan dà daan sa mga etaw ha pilien ku ha makakilala kandin.”

Juan 10:15

iling ha nakilala a hu Dios ha Amay ku daw nakilala ku daan haena. Andam a daan bisan ku matay a tumenged hu mga karniru ku.

Juan 13:33

“Mga pinalanggà ku, harì en malugay sa pagduma-dumahà taw. Pan-ahaen a inyu ba ikagiyen ku inyu iman sa inikagi kud en duun hu agalen hu mga Judio ha harì kaw makaduun hu agpayanan-an ku.

Juan 14:16

Daw agpanayuen ku duun hu Amay ku ha ipadini din ta inyu sa igpasuhì kanak ha iyan Magbubulig ha harì en gayed sumuway inyu

Juan 14:6

Tuminubag si Jesus, “Iyan a dalan daw kamatuuran daw iyan a kinabuhì. Hurà makaduun hu Amay ku ku kenà pinaagi kanak.

Juan 21:5

Dayun ininsaan sidan hi Jesus, “Nakatimù kaw ba?” Tuminubag sidan, “Hurà kay gayed.”

Juan 5:14

Su malugay-lugay en naahà hi Jesus haena sa naulian duun hu Timplu, dayun inikagiyan din, “Naulian kad en iman aman endai nud sa mga buhat ha madaet ta daw harì kad en madaluwan hu ayuwà pa malegen.”

Juan 5:36

“Ba amin makapanistigus kanak ha labaw pa dì ki Juan ta sa tagbuhaten ku ha impabuhat kanak hu Dios ha Amay ku iyan en tistigus ha sinugù a gayed hu Dios.

Juan 6:27

Harì nuy agsiguruwi sa kalan-enen ha sagunà dà agkadaet ba maniguru kaw ta daw matimù nuy sa kalan-enen ha makaila hu kinabuhì ha hurà din katapusan. Siak sa Batà hu Etaw iyan a inilahan hu Dios ha Amay ku hu gahem ha makaila taena inyu.”

Juan 8:11

Tuminubag haena sa bahi, “Hurà en.” Dayun minikagi si Jesus, “Harì ku daan ikaw mahukuman hu silut. Aman umulì kad en daw harì kad isab magbuhat hu madaet.”

Mga Buhat 7:52

Amin ba prupita ha hurà pasipalahi hu mga gin-apuan nuy? Bisan sa migtagnà hu pagpakauma hi Jesus ha matareng gayed pighimatayan dan. Iman impadakep nuy daan haena daw pinahimatayan nuy.

Roma 5:10

Su anay kuntra kuy hu Dios ba iman pinaagi hu kamatayen hu Batà din nakalikù sa maayad ha pagdapità taw hu Dios, aman natun-an taw ha luwasen kuy gayed kandin pinaagi hu pagkabanhaw din.

Roma 6:15

Ku kenà en kinahanglan ha tumanen pa sa Kasuguan tumenged hu pagsalig taw hu grasya hu Dios, dayunen taw pa ba diay gihapun sa pagbuhat hu madaet? Harì gayed

Roma 8:34

Sin-u man sa makahukum pa kanuy hu silut? Hurà gayed ta si Cristo Jesus migpakamatay para kanuy ba nabanhaw dà daw duun en iman tagpinuu hu kawanan hu Dios ta iyan agpangatubang diyà ta kandin hu pag-ampù para kanuy.

1 Corinto 15:34

Magpanday kaw maghenà-henà daw endà kaw hu pagbuhat hu madaet ta laus gayed ha sa duma inyu hurà makakilala hu Dios. Ikagayhà nuy ngaay haini.

2 Corinto 5:21

Si Cristo sa hurà din salà iyan sinilutan hu Dios tumenged hu mga salà taw ta daw pinaagi hu pagpakigsabuwa taw kandin mabuhat kuy iman hu Dios ha matareng iling kandin.

Galacia 4:19

Pinalanggà ku ha mga batà duun hu pagtuu, tag-antus a iman iling hu bahi ha tagbatà taman ha mailingan nuy en sa kinaiya hi Cristo.

Efeso 2:18

Pinaagi kandin alan kuy pakaubay duun hu Dios ha Amay taw tumenged hu Balaan ha Ispiritu.

Efeso 4:26

Ku mapauk kaw andama nuy ha harì kaw makasalà tumenged taena. Harì en agpadalemani sa kapauk nuy

1 Timoteo 2:5

Sabuwa dà sa Dios daw sabuwa dà daan sa taghusay hu etaw duun hu Dios, saena iyan si Cristo Jesus sa migpakaetaw

1 Timoteo 3:14

Ima ku ha laus a dà makadiyan, ba insulat kud haini sa mga panugun ta daw

Hebreo 9:24

Aman sa inhalad hi Cristo iyan gayed sa lawa din daw saena ha Tabirnakulu ha sineledan din kenà dini dà ta kalibutan ha binuhat hu etaw ba iyan gayed sa laus ha Tabirnakulu diyà ta langit. Iman iyan haena agpangatubang duun hu Dios para kanuy.

Santiago 1:27

Sa etaw ha laus sa pagtuu din tagpadiyù duun hu mga madaet dini ta kalibutan daw tagbuhat haini hu maayad iling hu pagtanul taena ha mga ilu daw mga balu ha tagkalised-lised, ta iyan haini agkabayà-bayaan hu Dios ha Amay taw.

Santiago 3:9

Sa dilà agkagamit taw ku agdayeen taw sa Dios ha Amay taw, ba iyan daan agkagamit taw hu pagpanungayaw taena ha tinanghagà hu Dios ha iling hu dagway din.

1 Pedro 2:22

Saena hurà gayed makasalà daw hurà daan magbidù.

1 Pedro 3:18

Si Cristo kasabuwa dà magpakamatay daw iyan haena matareng ha migpakamatay para hu kenà matareng ta daw mabuhat kuy ha mga etaw hu Dios. Migpakamatay haena ba bubuhay pinaagi hu Balaan ha Ispiritu

1 Juan 3:18

Pinalanggà ku ha mga batà, kinahanglan ha sa pagpinalanggaay taw kenà duun dà hu lalang ba maahà gayed pinaagi hu buhat.

1 Juan 3:5

Ba natun-an nuy en ha migdini si Jesus ta kalibutan pagpalas hu mga salà taw ta hurà din gayed bul-ug salà.

1 Juan 3:7

Pinalanggà ha mga batà ku, mag-andam kaw gayed ta daw harì kaw malimbungan hu bisan sin-u. Saena ha tagbuhat hu matareng mailing gayed ki Jesus ha matareng.

1 Juan 4:4

Ba sinyu sa pinalanggà ku ha mga batà, iyan kaw iman etaw hu Dios daw nadaeg nuy en sa mga biduen ha manunudlù, ta sa Balaan ha Ispiritu ha uminulin diyan ta inyu mabis-ay gayed dì ki Satanas sa ag-tagu daan duun hu kenà mga tumutuu.

1 Juan 5:17

Sa alan ha mga buhat ha madaet, salà duun hu Dios ba amin salà ha agkapasaylu pa.

1 Juan 5:21

Pinalanggà ku ha mga batà, magpadiyù kaw duun hu mga diyus-diyus.

3 Juan 1:4

Iyan ku gayed adagi ha kalipay ku mapaliman ku ha duun tagsunud hu kamatuuran.