1 Corinto 6:19 - Lalang Hu Dios

¹⁹ Hurà nuy ba diay katun-i ha sa lawa nuy iyan man timplu hu Balaan ha Ispiritu ha didiyan ta inyu ta in-ila en haini hu Dios? Sa lawa nuy kenà en inyu

1 Corinto 6:19 ပူးပေါင်းရင်းမြစ်များ

Juan 2:21

Ba sa timplu ha sinubay hi Jesus iyan sa lawa din.

Roma 8:9

Ba kenà kaw en iman ulipen hu makasasalà ha kinaiya nuy ta sa tagbayà inyu iyan en sa Balaan ha Ispiritu ha didiyan en ta inyu. Sa etaw ha hurà ulini hu Balaan ha Ispiritu ha sinugù hi Cristo kenà din sakup.

1 Corinto 3:16

Hurà nuy ba diay katun-i ha iyan kaw timplu hu Dios daw sa Balaan ha Ispiritu ha sinugù din didiyan ta inyu? Aman ku amin etaw ha magdaet taini ha balaan ha timplu silutan gayed haena.

1 Corinto 6:13

Laus gayed ha sa kalan-enen intagana para hu etaw daw sa etaw tinaganahan hu kalan-enen, ba saini alan agtapusen dà hu Dios. Sa lawa hurà itagana hu malaw-ay ha buhat ba intagana haena hu agkabayaan hu Ginuu, daw sa Ginuu iyan tag-alima hu etaw.

1 Corinto 6:3

Hurà nuy ba diay katun-i ha bisan asem sa mga balinsuguen aghukuman taw? Imbà nuy man harì agkahusay sa tagsabà ha dini dà ta kalibutan?

2 Corinto 5:15

Si Cristo minatay para hu kaet-etawan ta daw sikuy sa mga bubuhay harì taw iyan buhaten sa kanuy ha agkabayaan ba iyan taw buhaten sa igkabayà-bayà hi Cristo sa minatay daw nabanhaw para kanuy.

2 Corinto 6:16

Harì gayed daan mabaluy ha ipag-amulà sa timplu hu Dios daw sa mga diyus-diyus. Sikuy sa mga tumutuu iyan kuy timplu ha tagtimaan hu Dios ha bubuhay ta sa lalang hu Dios tagyanaen, “Magtimà a diyà ta kandan daw iyan a mabuhat ha Dios dan daw mabuhat daan sidan ha mga etaw ku.”

Tito 2:14

ha migpakamatay para kanuy ta daw malibri kuy duun hu pagkaulipen taw hu salà, daw aghimpiten kuy kandin ta daw mabuhat kuy ha mga etaw din ha madasigen pagbuhat hu maayad.

Santiago 4:5

Henà-henà nuy ba ha hurà pulus hu insulat ha lalang hu Dios ha tagyanaen, “Sa Balaan ha Ispiritu ha impatimà hu Dios dini ta kanuy agkabayà ha iyan taw dà gayed palanggaen sa Dios.”

1 Pedro 2:5

Iling kaw daan hu mga batu ha inilahan hu kinabuhì ha aggamiten hu Dios hu pagbuhat hu balay din ta daw iyan kaw himpit ha sinaligan din daw pinaagi ki Cristo Jesus taghalad kaw hu kaugalingen nuy duun hu Dios ha iyan agkabayà-bayaan din.