1 Corinto 6:10 - Lalang Hu Dios

¹⁰ sa takaw daw sa agapan, sa beleng-beleng, sa tagpandaet hu dengeg daw sa mga limbungan harì gayed makaseled duun hu tagharian hu Dios.

1 Corinto 6:10 ပူးပေါင်းရင်းမြစ်များ

Mateo 21:19

Naahà din sa kayu ha igira aman duminuun taena ba hurà din naahà ha bunga. Dayun inikagiyan hi Jesus su kayu, “Harì kad en gayed mamunga.” Saena sagunà nagangu.

Mateo 23:13

“Kahid-u nuy gayed sinyu sa mga manunudlù hu Kasuguan daw mga Parisiyu ha bà dà tagpasibù-sibù. Harì kaw agkabayà ha maharian kaw hu Dios daw saena ha agkabayà ngaay agbaldengen nuy.

Mateo 23:33

“Iling kaw gayed hu mga bunsalagan. In-inuwen nuy gid ha harì kaw makaagbul diyà ta Impirnu?

Juan 12:6

Naikagi din haena kenà tumenged ta agkahid-uwan din sa mga makaluluuy ba tumenged ta takaw haena, ta si Judas iyan tag-ibit hu salapì dan daw agtakawen din sa duma duun.

Mga Buhat 20:32

“Iman igsalig ku inyu duun hu Dios ta iyan gayed haena magbulig inyu pinaagi hu grasya din ha intudlù ku daw iyan daan magpalig-en hu pagtuu nuy, daw panalanginan kaw daan kandin iling hu duma ha mga etaw din.

1 Corinto 15:50

Mga suled, ag-ikagiyen ku inyu ha saini ha lawa taw iman harì makaseled duun hu tagharian hu Dios ta agkaledak dà.

1 Corinto 5:11

Ba sinulatan ku inyu ha harì kaw maglabet-labet taena ha tag-ikagi ha tumutuu sidan ba tagbuhat hu malaw-ay daw agapan, tagsimba hu mga diyus-diyus daw agpandaet hu dengeg, beleng-beleng daw limbungan. Harì kaw ganì daan makigsalu kandan hu pagkaen.

Galacia 5:21

agkaayat daw tagpasibeleng, tagbuhat hu pinakagalugayhà daw hu duma pa ha mga madaet ha iling taena. Iman ag-isaben ku dà inyu ag-ikagiyen ha bisan sin-u sa tagbuhat hu iling taena harì gayed maharian hu Dios.

Efeso 4:28

Saena ha takaw kinahanglan ha umendà en hu pagpanakaw daw magtrabahu en hu maayad ta daw mabuligan din daan sa taglised.

Efeso 5:5

Siguru gayed ha sa tagbuhat hu mga malaw-ay daw mahugaw daw sa agapan hu mga butang dini ta kalibutan ha bà su agkabuhat en ha diyus dan, saena ha etaw hurà din gayed mapanunud duun hu gingharian hi Cristo daw hu Dios.

1 Tesalonica 4:6

Kinahanglan ha hurà inyu gumiek hu katenged hu suled nuy duun hu igbahi din ta inikagi day en inyu su anay ha sa tagbuhat taena silutan gayed hu Dios.

1 Pedro 4:15

Ku mag-antus kaw kenà gayed ngaay iyan hinengdan din ta nakapatay kaw daw ku nanakaw kaw ba daw pinaagi ba hu buhat nuy ha madaet daw hu paglabet-labet duun hu hurà nuy duun labet.