1 Corinto 5:8 - Lalang Hu Dios

⁸ Aman magsaulug kuy iman kenà pinaagi hu daan ha supas ha amin duun igpatulin ha iyan sa pagkamakasasalà daw sa madaet ha henà-henà duun hu duma, ba pinaagi hu supas ha hurà din igpatulin ha iyan sa laus ha tuyù daw sa pagsunud hu kamatuuran.

1 Corinto 5:8 ပူးပေါင်းရင်းမြစ်များ

Mateo 16:12

Dayun human natun-i ku mga tinun-an hi Jesus ha kenà diay iyan bantayan dan sa igpatulin duun hu supas ba iyan sa mga katudluanan hu mga Parisiyu daw Saduceo.

Mateo 16:6

Inikagiyan sidan hi Jesus, “Magbantay kaw hu igpatulin taena ha mga Parisiyu daw Saduceo.”

Marcos 8:15

Inikagiyan sidan hi Jesus, “Magbantay kaw hu igpatulin taena ha mga Parisiyu daw hi Herodes.”

Lucas 12:1

Su maamul-amul sa libu-libuwen ha mga etaw ha pakaggik-ayà en sidan uminikagi si Jesus duun hu mga tinun-an din, “Bantayi nuy ha harì kaw malimbungan hu mga Parisiyu ha tagpasibù-sibù.

Juan 1:47

Su maahà hi Jesus si Natanael ha tagdiyà en ta kandin uminikagi dayun, “Iyan gayed hayana kaliwat hi Israel ta agkaahà ku ha hurà gayed limbung diyà ta kandin.”

1 Corinto 3:3

Iyan pa tagharì diyan ta inyu sa kalibutanen iling hu kasina daw pagsawalà ha iyan timaan ha agkangailing kaw pa hu kenà tumutuu ta iyan nuy pa gayed tagsunuren sa inyu dà ha agkabayaan.

1 Corinto 5:1

Amin tultul ha sa sabuwa inyu tagbuhat hu malaw-ay ta nakig-amulà hu asawa hu amay din. Ba henhenaen nuy ha bisan sa hurà pa makakilala hu Dios harì tagbuhat tayana.

1 Corinto 5:6

Imbà kaw man galbuwen? Hurà nuy ba diay katun-i ha sa atiyuay dà ha igpatulin pakalekep en duun hu madakel ha harina?

2 Corinto 1:12

Iyan haini tigpasigalbu day ta natun-an day ha maayad sa batasan day duun hu bisan sin-u ilabi en diyan ta inyu tumenged ta tagbuhaten day sa mahimpit daw laus daan sa tuyù day. Hurà day haena buhata pinaagi hu kalibutanen dà ha kaalam ba pinaagi gayed hu pagbulig kanay hu Dios.

2 Corinto 2:17

Harì kay agkailing hu duma ha sa pagtudlù dan hu lalang hu Dios bà dan dà igpanapì, ta sikay sa pinilì hu Dios laus sa tuyù day hu pagtudlù tumenged ta suluguen kay hi Cristo. Saini natun-an gayed hu Dios.

2 Corinto 8:8

Saini ha inikagi ku inyu kenà pagpameges, ba igpaahà ku inyu sa pagpaniguru hu duma ha mga tumutuu hu pagbulig ta daw maahà ku laus ba daan sa pagpalanggà nuy.

Efeso 6:24

Sinyu sa mga suled ha hurà gayed kabalhin sa pagpalanggà nuy ki Cristo Jesus ha Ginuu taw, panalanginan kaw alan hu Dios.

1 Pedro 4:2

Aman harì din en buhaten sa madaet ha babayaen duun taini ha nasamà iman ha panahun hu pagtimà din dini ta kalibutan, ba iyan din en gayed buhaten sa agkabayaan hu Dios.