1 Corinto 4:11 - Lalang Hu Dios

¹¹ Bisan iman ha panahun agkangauhul daw agkangalauwan kay, hurà day daan mga bisti daw agpasipalahan kay, bà kay dà tagkalaag hu tagtimaan day

1 Corinto 4:11 ပူးပေါင်းရင်းမြစ်များ

Mateo 8:20

Ba tuminubag si Jesus, “Sa laku amin din tagtimaan daw sa mga tagbis amin dan daan mga dalagpuay, ba siak sa Batà hu Etaw hurà ku himlayà.”

Mga Buhat 14:19

Amin daan mga Judio ha napuun ta Antiokia daw ta Iconio ha nakauma diyà ta kandan aman pighulhugan dan sa mga etaw ha paukan dan si Pablo. Dayun pigbatu dan si Pablo daw guyuda diyà ta guwà taena ha banuwa ta abi dan ha minatay en.

Mga Buhat 16:23

Su mapengahan en sidan pagbunalai impaprisu dan sidan daw inikagiyan su bantay ha siguruwan din sidan bantayan.

Mga Buhat 23:2

Dayun si Ananias ha iyan tungkay labaw ha sinaligan hu paghalad migsugù taena ha taghitindeg diyà ta ubay hi Pablo ha dapien din sa bàbà hi Pablo.

Roma 8:35

Aman hurà gayed makaelang hu pagpalanggà kanuy hi Cristo bisan pa sa mga kasamukan daw sa mga kalised, sa mga pasipala, sa kauhul daw sa pagkamakaluluuy, sa mga katalagman daw ku kamatayen ba.

1 Corinto 9:4

Pinaagi hu pagtudlù day ki Bernabe hurà day ba diay katenged hu pagpanayù hu pagkaen daw hu mainum?

2 Corinto 11:20

Tag-antusen nuy man ganì sa mga tagpaag-agalen daw sa taglupig inyu, sa tagpanlimbung daw sa tagpaamani inyu daw sa taglaparu pa gayed inyu.

2 Corinto 4:8

Madakel gayed sa mga kasamukan day ba harì kay daan agkadaeg. Usahay taglibeg kay ku in-inuwen day haena ba harì kay gayed daan agluyahan.

Filipos 4:12

Naanad ad en hu makaluluuy ha kagtima daw agkatun-an ku daan sa sapian kahimtang. Duun hu bisan inu ha kaula-ula natun-an kud sa pagkalipay duun, ku madakel sa pagkaen daw ku tigkauhul daan, sa pagkasapian daw sa pagkamakaluluuy.

2 Timoteo 3:11

Bisan pa ku pinasipalahan a daw malegen sa naula-ula ku diyà ta Antiokia, Iconio, daw ta Listra, ba naantus ku haena alan tumenged ta sa Dios iyan migbulig kanak.