1 Corinto 14:3 - Lalang Hu Dios

³ Ba sa etaw ha tagsaysay hu igpaikagi hu Dios iyan din ag-ikagiyan sa mga duma din ta daw malig-enan sa pagtuu dan daw madasig daan sidan daw bisan duun hu mga malegen malipayen sidan.

1 Corinto 14:3 ပူးပေါင်းရင်းမြစ်များ

Lucas 3:18

Amin daan duma ha mga paagi hu pagtudlù hi Juan hu Maayad ha Tultulanen duun hu kaet-etawan.

Mga Buhat 13:15

Su mapengahan sa pagbasa hu Kasuguan daw hu mga insulat hu prupita huminangyù sa mga agalen taena ha simbahan diyà kay Pablo. Kagi dan, “Mga suled, amin nuy ba maikagi ha salambagan duun hu mga etaw?”

Mga Buhat 14:22

Pigdasig dan sa mga tumutuu diyà ha harì umendà hu pagtuu ba maniguru gayed. Inikagiyan dan sidan, “Sikuy sa mga tumutuu madakel sa maagiyan taw ha alantusen daw human taw kauma sa tagharian hu Dios.”

Mga Buhat 15:32

Tumenged ta si Judas daw si Silas pakasaysay hu igpaikagi hu Dios migwali sidan hu pagpalig-en hu pagtuu hu mga etaw diyà.

Mga Buhat 4:36

Sa sabuwa kandan iyan sa kaliwat hi Levi ha taga-Cipro ha tagngaranan ki Jose ba pigdagnayan hu mga apustulis ki Bernabe ta sa kahulugan taena Tigdasig.

Mga Buhat 9:31

Duun taena ha panahun malinawen sa pagtimà hu mga tumutuu duun hu mga prubinsya ta Judea, ta Galilea daw ta Samaria. Miglig-en sa pagtuu dan daw pinaagi hu pagbulig kandan hu Balaan ha Ispiritu migdakel gayed sidan daw migmatinahuren daan sidan hu Dios.

Roma 12:8

Sa agpakahimu hu pagdasig hu duma din maniguru daan hu pagbuhat taena. Sa pakabulig pinaagi hu pag-ila kinahanglan ha magkalalagan. Saena ha agalen hu mga tumutuu kinahanglan ha maniguru gayed daan hu katengdanan din. Saena ha amin din kahid-u hu taglised kinahanglan ha mulig duun ha malipayen gayed.

Roma 14:19

Aman paniguruwan taw gayed sa malinawen ha pagdapità daw sa pagpalig-en hu pagtuu hu kada sabuwa.

Roma 15:2

ba iyan taw buhaten sa agkabayà-bayaan hu mga duma taw ta daw malig-enan sa pagtuu dan.

1 Corinto 10:23

Amin nuy napaliman, “Mabaluy taw buhata sa alan ha kenà madaet.” Saini laus gayed ba henhenaa nuy daan ha harì haini alan makapaayad kanuy. Mahimu taw buhata sa alan ba harì sa alan makapalig-en hu pagtuu taw.

1 Corinto 14:12

Iling daan haena inyu. Tumenged ta tungkay kaw agkabayà ha mailahan kaw taena ha ig-ila hu Balaan ha Ispiritu panayua nuy sa katatau ha makapalig-en hu pagtuu hu mga tumutuu ha tagkaamul-amul.

1 Corinto 14:17

Bisan pa ku maayad sa pag-ampù nuy ba harì makabulig hu duma ha mga tumutuu.

1 Corinto 14:26

Mga suled, ku mag-amul-amul kaw hu pagsimba iyan haini buhaten nuy. Sa sabuwa inyu magkanta hu pakadayè hu Dios, sa duma magtudlù daw sa duma magpadayag hu lalang hu Dios, sa duma mag-ikagi hu harì agkasabut ha inikagiyan daw sa sabuwa iyan maghubad taena. Bisan inu sa agbuhaten nuy kinahanglan ha saena makapalig-en hu pagtuu nuy.

1 Corinto 14:31

Mahimu ha alan kaw magsaysay hu igpaikagi hu Dios ba magsuhì kaw ta daw alan kaw matudluan daw madasig kaw daan.

1 Corinto 8:1

Iman mahitenged hu pagkaen ha inhalad duun hu mga diyus-diyus iyan haini igtudlù ku inyu. Natun-an taw en ha agpakatuen kuy. Ba bisan pa taini harì kuy magpagalbu hu natun-an taw ta kenà haini iyan makabulig hu pagtuu hu mga duma taw ba pinaagi dà gayed hu pagpalanggà taw kandan.

2 Corinto 1:4

Agbulig haena kanuy duun hu alan ha mga kasamukan taw ta daw mabuligan taw daan sa duma ha mga etaw hu bisan inu ha kasamukan dan, ta sa igdasig kanuy hu Dios iyan daan igdasig taw kandan.

2 Corinto 2:7

Kinahanglan iman ha pasayluwen nuy en haena daw dasiga ta daw harì makaendà hu pagtuu din tumenged hu subra en sa kaguul din.

Efeso 4:29

Harì kaw tag-ikagi hu mga malaw-ay ba kinahanglan ha sa mga lalang nuy iyan sa makabulig taena ha tagpaliliman inyu sumalà hu kinahanglanen dan daw iyan sa makapalig-en hu pagtuu dan.

Efeso 6:22

Sinugù ku haini diyan ta inyu ta daw matun-an nuy sa agkaula-ula day iman daw madasig kaw daan kandin.

Colosas 4:8

Sinugù ku haini diyan ta inyu ta daw matun-an nuy sa tagkaula-ula day iman daw madasig kaw daan kandin.

1 Tesalonica 2:11

Natun-an nuy ha inisip day gayed inyu ha mga batà day ta kada sabuwa inyu

1 Tesalonica 2:3

Sa pagwali day hurà duun kapuun hu mga sayep daw madaet ha katuyuan kenà day daan iyan tuyù sa pagbidù hu bisan sin-u,

1 Tesalonica 3:2

Ba si Timoteo sa suled taw duun hu pagtuu daw suluguen hu Dios ha tagsangyaw daan hu Maayad ha Tultulanen mahitenged ki Cristo igpadiyan day gayed ta inyu ta daw malig-enan din sa pagtuu nuy en daw magdasig daan inyu

1 Tesalonica 4:1

Mga suled, tinudluan day en inyu hu batasan ha igkabayà-bayà hu Dios ha iyan en tagbuhaten nuy iman. Ba tumenged ta nakigsabuwa kuy en ki Jesus ha Ginuu taw hangyuen day inyu ha ipaiseg nuy pa gayed haena.

1 Tesalonica 4:18

Aman maglinipayà kaw pinaagi taini ha inikagi day.

2 Tesalonica 3:12

Pinaagi ki Cristo Jesus ha Ginuu ikagiyan day haena sa mga pugulen ha magtrabahu gayed sidan ta daw mauyag daan sidan daw harì bà dà magsamuk-samuk duun hu duma.

1 Timoteo 1:4

daw paendai nu daan kandan sa mga bidù ha tultulanen daw sa harì tag-iling ha malugayad ha pamatbat hu gin-apuan dan. Sa agkapayanan-an taena iyan dà sa pagsawalà daw harì daan haena pakatudlù hu paagi hu Dios ta iyan dà sa pagtuu ki Cristo Jesus.

1 Timoteo 4:13

Iman ha harì a pa makadiyan kinahanglan ha basahen nu sa lalang hu Dios duun hu tagkaamul-amul ha mga tumutuu dayun magwali daw magtudlù ka daan.

1 Timoteo 6:2

Ku tumutuu daan sa agalen dan kinahanglan harì dan awaen sa pagtahud dan tumenged ta migsuled dà sidan duun hu pagtuu. Ba ipalabaw dan pa gayed sa pagtrabahu ta sa agkabuligan dan iyan sa palangga dan duun hu pagtuu. Saini ha insulat ku diyan ta ikaw alan nu gayed itudlù.

2 Timoteo 4:2

isangyaw sa lalang hu Dios daw andam ka gayed pagbuhat taena bisan inu ha panahun. Sambagi haena sa agkasayep daw baldenga daan sa tagbuhat hu madaet. Dasiga sidan pinaagi hu pagpailub nu daw hu hustu ha pagtudlù.

Tito 1:9

Kinahanglan pangesegan din sa kamatuuran ha intudlù en ha kasaligan ta daw madasig din sa duma ha mga etaw pinaagi hu laus ha tinuuwan, daw saena ha agsupak hu kamatuuran agsaysayan din ta daw matun-an dan ha nasayep sidan.

Tito 2:15

Itudlù haini sa insulat ku diyan ta ikaw. Gamita sa katenged ha in-ila ikaw hu Dios hu pagdasig kandan daw sawaya sa buhat taena ha harì tagtuman. Kinahanglan harì ka maminusan hu bisan sin-u.

Tito 2:6

Tudlui daan sa mga batan-en pa ha maama ha magpugung sidan hu kaugalingen dan.

Tito 2:9

Tudlui sa mga suluguen ha magmatinumanen hu agalen dan duun hu bisan inu. Harì magsukul-sukul ba iyan gayed buhaten dan sa igkabayà-bayà hu agalen dan.

Hebreo 10:25

Harì kuy sumuway duun hu tagkaamul-amul ha mga tumutuu iling hu tagbuhaten en iman hu duma inyu, ba magdinasigà kuy gayed labi en iman ta natun-an taw ha ubay en sa paglikù hu Ginuu.

Hebreo 13:22

Mga suled, aghangyuen ku gayed inyu ha magpailub kaw taini ha salambagan ku ta saini ha sulat ku mababà dà.

Hebreo 3:13

Ba magpasambag-sambagà kaw aldaw-aldaw ta daw hurà inyu malimbungan hu salà ta iyan haena makapadesen hu henà-henà nuy.

1 Pedro 5:12

Si Silas sa kasaligan ha suled ku migbulig kanak hu pagsulat taini ta daw madasig ku inyu duun hu pagtuu daw matun-an nuy ha iyan haini laus ha grasya hu Dios. Aman paniguruwan nuy haini.

Judas 1:20

Ba sinyu sa pinalanggà ku ha mga suled, paniguruwi nuy sa pagbinuligà nuy ta daw malig-en sa pagtuu nuy daw mag-ampù kaw pinaagi hu Balaan ha Ispiritu.