1 Corinto 14:1 - Lalang Hu Dios

¹ Paniguruwi nuy gayed sa laus ha pagpalanggà daw panayua daan sa katatau duun hu Dios pinaagi hu Balaan ha Ispiritu ilabi en sa pagsaysay hu igpaikagi hu Dios.

1 Corinto 14:1 ပူးပေါင်းရင်းမြစ်များ

Roma 12:6

Tumenged ta inilahan hu Dios hu hurà mag-iling ha katatau sa kada sabuwa kanuy kinahanglan ha gamiten taw haena. Ku amin taw katatau hu pagsaysay hu igpaikagi hu Dios kinahanglan ha buhaten taw haena sumalà hu impadayag kanuy hu Dios.

Roma 14:19

Aman paniguruwan taw gayed sa malinawen ha pagdapità daw sa pagpalig-en hu pagtuu hu kada sabuwa.

Roma 9:30

Saini tagpasabut ha bisan sa kenà mga Judio ha hurà maghenà-henà hu pagkamatareng ba pinaagi hu pagtuu dan ki Cristo Jesus inisip daan sidan ha matareng.

1 Corinto 12:1

Iman mga suled, mahitenged hu katatau ha in-ila kanuy hu Balaan ha Ispiritu iyan haini ag-ikagiyen ku inyu ta daw matun-an nuy gayed.

1 Corinto 12:31

Aman panayua gayed duun hu Dios ha iila inyu sa katatau ha tungkay mapuslanen. Ba amin ku pa igpadayag inyu ha tungkay labaw ha paagi.

1 Corinto 13:13

Iman amin tatulu ha harì gayed agkahanaw. Saena iyan sa pagtuu taw hu Dios, sa paghinam taw hu insaad din kanuy daw sa pagpalanggà taw hu mga duma taw. Ba sa labaw gayed duun taini iyan sa pagpalanggà taw hu mga duma taw.

1 Corinto 13:2

Ku matatau a hu pagsaysay hu igpaikagi hu Dios daw natun-an ku daan sa inlilung su anay daw sa alan ha katatau daw ku mabis-ay daan sa pagtuu ku ha bisan sa mga bubungan makahalin ba ku hurà ku pagpalanggà, saena hurà din gayed pulus.

1 Corinto 14:22

Aman sa pag-ikagi hu harì agkasabut ha inikagiyan iyan timaan duun hu kenà mga tumutuu, ba sa katatau hu pagsaysay hu igpaikagi hu Dios in-ila haena ta daw madasig sa mga tumutuu.

1 Corinto 14:37

Ku amin diyan ta inyu taghenà-henà ha makasaysay hu igpaikagi hu Dios daw ku amin din pa lain ha katatau ha in-ila hu Balaan ha Ispiritu kinahanglan ha kilalahen din gayed ha saini ha insulat ku insugù hu Ginuu.

1 Corinto 14:39

Aman mga suled, paniguruwi nuy gayed sa pagsaysay hu igpaikagi hu Dios daw harì nuy daan agbaldenga sa tag-ikagi hu harì nuy agkasabut ha inikagiyan.

1 Corinto 16:14

Bisan inu sa buhaten nuy sigi nuy ipaahà sa pagpalanggà nuy hu mga duma nuy.

Efeso 1:3

Dayeen gayed sa Dios ha iyan Amay hi Cristo Jesus ha Ginuu taw ta tumenged hu pagpakigsabuwa taw ki Cristo in-ila din kanuy sa bisan inu ha mga langitnen ha panalangin pinaagi hu pagkaulini taw hu Balaan ha Ispiritu.

1 Tesalonica 5:20

daw harì nuy daan agtameyesa sa impaikagi din

1 Timoteo 4:14

Harì nu agbaybayani sa katengdanan ha in-ila ikaw hu Dios su dampaen ka hu mga agalen hu mga tumutuu ha tag-ikagi iyan ka pinilì hu Dios ha suluguen din.

1 Timoteo 5:10

Nakilala en ha maayad sa mga buhat din ta inalimahan din gayed sa mga batà daw matanul daan hu mga langyaw, mapainubsanen pagbulig hu mga tumutuu daw agbuligan din daan sa taglised daw iyan din dà gayed tagbuhaten sa maayad.

1 Timoteo 6:11

Sikaw sa suluguen hu Dios, harì nu agbuhata sa iling taena. Paniguruwi gayed sa pagkamatareng daw sa pagtuman hu agkabayaan hu Dios, sa pagsalig nu kandin daw sa pagpalanggà nu hu mga duma nu. Magmainantusen ka hu bisan inu daw magmaluluy-en ka.

2 Timoteo 2:22

Aman magpadiyù ka duun hu madaet ha babayaen hu mga batan-en daw paniguruwi nu sa pagkamatareng daw sa pagsalig ki Cristo Jesus, sa pagpalanggà nu daan hu mga duma nu daw sa malinawen ha pagdapità, ta iyan haini buhat hu tagpabulig hu Dios pinaagi hu himpit ha henà-henà.

Hebreo 12:14

Buhata nuy sa mahimu nuy ta daw malinawen sa pagdapità nuy duun hu bisan sin-u daw mahimpit kaw, ta sa kenà mahimpit harì din gayed maahà sa Ginuu.

2 Pedro 1:7

sa pagkamaluluy-en isip ha migsusuled kaw daw sa pagpalanggà duun hu bisan sin-u.

3 Juan 1:11

Pinalanggà ku ha suled, harì nu gayed ag-ilingi sa madaet ba iyan nu sa maayad. Sa etaw ha tagbuhat hu maayad iyan batà hu Dios, ba saena ha tagbuhat hu madaet harì din agkakilala sa Dios.