1 Corinto 13:5 - Lalang Hu Dios

⁵ daw kenà madaet sa batasan din, kenà daan matinumanen hu kaugalingen din daw harì laus agkapauk, harì daan tagdumut.

1 Corinto 13:5 ပူးပေါင်းရင်းမြစ်များ

Mateo 5:22

Ba ikagiyen ku inyu ha bisan sin-u sa bà din dà agkapauki sa duma din mahukuman en daan haena hu silut. Sa tagpaamaniyan din sa duma din makapanubag duun hu alan ha mga labaw ha agalen. Daw bisan sin-u sa mag-ikagi duun hu duma din, ‘Buang-buang ka’ saena ha tag-ikagi taghipanaw duun hu dalan payanaen ta Impirnu.

Mateo 9:4

Ba saena ha mga henà-henà dan natun-an hi Jesus aman inikagiyan din sidan, “Imbà kaw taghenà-henaay hu madaet iling tayan?

Marcos 3:5

Mighelaw-helaw diyà ta kandan si Jesus ha napauk, ba naguul daan tumenged ta madesen sa henà-henà dan. Dayun inikagiyan din su etaw ha nakimay, “Bunhata sa alima nu.” Aman binunhat din haena dayun sagunà naulian.

Lucas 7:39

Su maahà haena ku Parisiyu ha mig-imbita ki Jesus nakahenà-henà haena, “Ku laus pa haini ha prupita matun-an din en ngaay ha makasasalà gayed haini sa bahi ha mig-ibit kandin.”

1 Corinto 10:24

Harì taw ngaay iyan dà henhenaen sa makapaayad hu kaugalingen taw ba iyan daan sa makapaayad hu duma ha mga etaw.

1 Corinto 10:33

iling ha agsiguruwan ku iman ha mabayà-bayà sa alan ha mga etaw hu bisan inu ha agbuhaten ku. Ta kenà ku iyan taghenhenaen sa makapaayad hu kaugalingen ku ba iyan sa makapaayad hu duma ha mga etaw ta daw maluwas sidan.

1 Corinto 11:18

Una hu alan napaliman ku ha ku tag-amul-amul kaw bà kaw dà tagsawalà. Agkatuuwan ku haini ha laus.

1 Corinto 12:25

ta daw sa mga bahin hu lawa harì magsawalà ba magbinuligà gayed sidan.

1 Corinto 7:36

Ku amin amay ha harì din gayed igpaasawa sa magulang en ha laga din ha agkabayà en ngaay agpaasawa, kinahanglan ha tugutan din haena ta saini kenà salà.

2 Corinto 5:19

Pinaagi ki Cristo impalikù hu Dios sa maayad ha pagdapità din duun hu kaet-etawan daw linipatan din en sa mga salà dan. Iyan haini insalig din ha igtultul day inyu.

Galacia 5:13

Mga suled, hinimu kaw gayed hu Dios ha tumutuu ta daw malibri kaw duun hu pagkaulipen hu Kasuguan. Ba kinahanglan ha harì nuy buhaten sa kalibriyanan nuy ha balibaran hu pagtuman hu makasasalà ha kinaiya nuy, ba pinaagi hu pagpinalanggaay magbinuligà kaw gayed.

Filipos 2:21

ta sa duma ha mga etaw iyan dan dà taghenhenaen sa makapaayad kandan dì hu agkabayaan hi Cristo Jesus.

Filipos 4:8

Iman mga suled, ag-ikagiyen ku pa haini inyu ha kinahanglan ha henhenaen nuy sa alan ha mga maayad gayed daw sa angayan hu pagdayè iling hu alan ha mga laus daw saena ha agkatahuran, sa bisan inu ha matareng daw sa alan ha mahimpit, sa igkabayà-bayà daw sa tagdayeen hu etaw.

2 Tesalonica 3:7

Natun-an nuy en ku inu sa agbuhaten ta daw mailingan kay inyu. Ta su diyan kay pa ta inyu hurà kay magpapugul

2 Timoteo 2:10

Aman antusen ku sa alan ta daw sa mga pinilì hu Dios makaangken hu kaluwasan pinaagi ki Cristo Jesus daw makaambit daan sidan hu pagkagamhanan ha hurà din katapusan.

2 Timoteo 4:16

Su anay ha mangatubang a duun hu hukmanan hurà gayed luminaban ta alan en sidan uminawà dini ta kanak. Ba in-ampù ku duun hu Dios ha pasayluwen din sidan.

Santiago 1:19

Pinalanggà ku ha mga suled, henhenaa nuy haini ha sa kada sabuwa inyu kinahanglan ha magpanday magpaliliman daw harì maal en mag-ikagiyà daw harì daan madalì mapauk