1 Corinto 10:17 - Lalang Hu Dios

¹⁷ Tumenged ta sabuwa dà sa supas bisan pa ku madakel kuy ba nasabuwa kuy gayed ta alan kuy nakakaen duun taena ha sabuwa ha supas.

1 Corinto 10:17 ပူးပေါင်းရင်းမြစ်များ

Roma 12:5

Iling daan kanuy bisan ku madakel kuy ba sabuwa kuy dà ha lawa tumenged hu pagpakigsabuwa taw ki Cristo, aman amin taw labet duun hu kada sabuwa kanuy.

1 Corinto 10:21

Sinyu sa mga tumutuu, harì mabaluy ha kumaen kaw daw uminum kaw hu paghenà-henà hu kamatayen hu Ginuu dayun umamul kaw daan hu pagkaen taena ha inhalad dan duun hu mga busaw.

1 Corinto 12:12

Sa lawa sabuwa dà ba madakel ha bahin. Iling daan taena bisan ku madakel kuy ba sabuwa kuy dà ha lawa hi Cristo.

1 Corinto 12:27

Alan kaw en lawa hi Cristo daw sa kada sabuwa inyu iyan bahin hu lawa din.

Efeso 3:6

Iyan haini inlilung su anay ha sa kenà mga Judio pinaagi hu pagtuu dan hu Maayad ha Tultulanen amin dan bahin duun taena ha kabilin para hu mga kaliwatan hi Israel ha pinilì hu Dios ha mga etaw din, daw bahin daan sidan hu lawa hi Cristo Jesus daw makalagkes daan sidan hu pagdawat taena ha insaad hu Dios pinaagi ki Cristo.

Efeso 4:16

daw diyà ta kandin nakasumpay sa alan ha bahin hu lawa sumalà duun hu kandin ha naugsakan. Ku sa kada sabuwa taena magbuhat hu katengdanan din sa lawa umadagi. Iling daan taena ha mag-iseg gayed sa pagtuu taw ku magpinalanggaay kuy alan.

Efeso 4:25

Aman endai en sa pagbidù ta kinahanglan ha sa pag-ikagi nuy duun hu duma na laus gayed.

Efeso 4:4

Sikuy sa alan ha tumutuu, sabuwa kuy dà ha lawa daw sabuwa dà daan ha Balaan ha Ispiritu sa uminulin kanuy. Sabuwa dà daan sa taghinamen taw ha insaad kanuy hu Dios su himuwen kuy kandin ha tumutuu.

Colosas 2:19

Hurà dan labet ki Cristo ha iyan ulu daw sa alan ha mga tumutuu iyan lawa din ta diyà ta kandin agkapuun sa mga kinahanglanen ha iyan tagpatubù hu alan ha bahin hu lawa sumalà hu pagbayà hu Dios.

Colosas 3:11

Tumenged taini hurà gayed kalainan hu mga Judio daw hu kenà Judio, saena ha nasirkunsidahan daw sa hurà, sa langyaw daw sa hurà din kaalam, sa ulipen daw sa kenà, ta sa mahinengdanen gayed iyan si Cristo sa tagbayà hu alan daw duduun hu alan.

Colosas 3:15

Sa kalinaw ha in-ila hi Cristo iyan ipagharì duun hu mga henà-henà nuy ta hinimu kaw hu Dios ha tumutuu ta daw magmalinawen kaw tumenged hu pagkasabuwa nuy hu pagtuu. Sigi kaw daan magpasalamat diyà ta kandin.