1 Corinto 1:28 - Lalang Hu Dios

²⁸ Pinilì hu Dios sa agkaamaniyan daw sa agtameyesen hu mga etaw daw pinilì din daan sa ag-isipen hu mga etaw ha hurà din pulus ta daw saena ha tag-isipen ha matangkaw iyan man diay hurà din pulus.

1 Corinto 1:28 ပူးပေါင်းရင်းမြစ်များ

Roma 4:17

ta sa insulat ha lalang hu Dios diyà ta kandin tagyanaen, “Binuhat ku ikaw ha amay hu mga kaet-etawan dini ta kalibutan.” Saini ha saad matuman gayed ta iyan en migsaad taini sa Dios ha tinuuwan hi Abraham daw iyan daan pakabanhaw hu minatay daw bisan haena sa hurà pa duun agkabaluy din ha matuman gayed.

1 Corinto 1:20

Inu man sa pulus taena ha mga matatau daw taena ha mga manunudlù daw ku mga matatau hu pagsawalà? Hurà ba diay ipadayag en kanuy hu Dios ha sa kaalam hu etaw binuang dà?

1 Corinto 2:6

Sa mga magulang ha tumutuu agtudluan day hu mga madalem en daan ha katudluanan ba saena hurà duun dà kapuun hu etaw daw hu mga agalen dini ta kalibutan, ta sa kandan ha gahem agkahanaw dà.

2 Corinto 12:11

Iling a iman hu buang-buang tumenged ta pineges a inyu hu pagpasigalbu. Iyan kaw ngaay magdayè kanak ta bisan ku iyan a pinakaminus ba labaw a pa dì taena ha tagpasibù-sibù ha mga apustulis.

2 Tesalonica 2:8

Duun asem taena humiwal haena hu mababà ha panahun ta ku lumikù si Jesus ha Ginuu, pinaagi hu pagkagamhanan din daegen din haena daw silutan gayed.

Hebreo 2:14

Tumenged ta sikuy sa mga batà hu Dios, etaw dà, si Jesus migpakaetaw daan ta daw mailing haena kanuy. Binuhat din haena ta daw mabaluy ha magpakamatay daw pinaagi taena madaeg din si Satanas sa iyan puunaan hu kamatayen,

Impadayag 18:17

Ba tigkan haena nabigsulan daw hurà en gayed nasamà hu alan ha mga butang duun.” Bisan sa mga kapitan hu barku daw sa taglulan duun, sa mga suluguen taena daw sa tagpanapì diyà ta dagat magpadiyù sidan duun taena.