Yohana 7:15 - Bibiliya mu Kirundi coroshe

¹⁵ Abayuda bamwumvise baratangara, barabaza bati: “Uwo mugabo azi vyinshi cane kandi atize. Ivyo bishoboka gute?”

Bibliya Yera 1951 1967 (Burundi)

¹⁵ Abayuda baratangara, bati Mbeg’ uyu yakūye ubgenge hehe, atigishijwe?

Yohana 7:15 ပူးပေါင်းရင်းမြစ်များ

Matayo 13:54

Ashitse mu gisagara yakuriyemwo, atangura kwigishiriza abantu mw’isinagogi yabo. Abamwumviriza bose baratangara, babazanya bati: “Mbega ubu bwenge n’ubu bushobozi bwo gukora ibitangaza yabikuye he?

Matayo 22:22

Bumvise ivyo barajorerwa cane, baca bamusiga ngaho baragenda.

Matayo 22:33

Abantu bumvise ivyo baca batangazwa n’inyigisho ziwe.

Luka 2:47

Abamwumva bose baratangazwa n’ubwenge bwiwe hamwe n’inyishu ziwe.

Luka 4:22

Bose baramushima, batangazwa n’amajambo arimwo ubuntu bw’Imana yava mu kanwa kiwe, babazanya bati: “Mbega uwu si wa muhungu wa Yosefu?”

Yohana 1:19

Iyi ni yo ntahe Yohana yashinze igihe abakuru b’Abayuda b’i Yerusalemu bamutumako abaherezi n’Abalewi ngo bamubaze uwo ari we.

Yohana 7:11

Kuri uwo musi mukuru, abakuru b’Abayuda bariko bararondera Yesu, babaza bati: “Ari he?”

Yohana 7:13

Ariko nta n’umwe yubahuka kuvuga ivyiwe ku mugaragaro kuko batinya Abayuda.

Yohana 7:46

Ba barinzi barabishura bati: “Nta muntu yigeze kuvuga nk’uko uwu mugabo avuga!”

Ivyakozwe 26:24

Ageze aho, Fesito aca amuciramwo asemerera ati: “Erega Pawulo wasaze! Ivyigwa vyinshi wize vyaragusarishije.”

Ivyakozwe 4:13

Babonye ubushizi bw’amanga bwari muri Petero na Yohana, bakamenya ko batize, ahubwo ko ari abantu batobato, baratangara cane, ariko bamenya ko bagendanye na Yesu.