Yohana 6:66 - Bibiliya mu Kirundi coroshe

⁶⁶ Kuva ico gihe benshi mu bigishwa biwe baca baragenda ntibasubira kumukurikira.

Bibliya Yera 1951 1967 (Burundi)

⁶⁶ Kuva ico gihe benshi mu bigishwa biwe bamuva inyuma, ntibāba bakijana na we.

Yohana 6:66 ပူးပေါင်းရင်းမြစ်များ

Matayo 19:22

Uwo musore avyumvise, aca agenda ababaye, kuko yari afise ubutunzi bwinshi cane.

Luka 9:62

Yesu aramwishura ati: “Nta muntu araba inyuma ariko ararimisha inka aba abereye Ubwami bw’Imana.”

Yohana 2:2

Yesu n’abigishwa biwe na bo bari batumiwe muri ubwo bukwe.

Yohana 6:60

Benshi bo mu bigishwa biwe bavyumvise baravuga bati: “Izi nyigisho ziragumye. Ni nde yozemera?”

Yohana 6:64

Ariko bamwe muri mwebwe ntibizera.” Kuko kuva mu ntago, Yesu yari azi abatizera n’uwuzomugurisha.

Yohana 7:3

Nuko bene nyina ba Yesu baramubwira bati: “Va mu ntara ya Galilaya uje mu ntara ya Yudaya kugira ngo abigishwa bawe babayo babone ibikorwa ukora.

Yohana 8:31

Nuko Yesu abwira Abayuda bari bamwizeye ati: “Ikizokwerekana ko muri abigishwa banje vy’ukuri ni ugushira mu ngiro inyigisho zanje.

2 Timoteyo 1:15

Urazi ko abo muri Aziya bose bantaye, harimwo Figelusi na Heremogeni.

2 Timoteyo 4:10

kuko Dema yarantaye aja i Tesalonike, kuko yakunze ivy’iyi si. Kireseni yagiye i Galatiya, Tito na we yagiye i Dalumatiya.

Abaheburayo 10:38

Kandi, “Umugororotsi wanje azobeshwaho n’ukwizera. Ariko niyasubira inyuma, ntazohimbara umutima wanje.”

1 Yohana 2:19

Bavuye muri twebwe, ariko mu vy’ukuri ntibari abacu. Kuko iyo baba abacu, bari kugumana natwe. Ukugenda kwabo kwerekanye ko ata n’umwe muri bo yari uwacu.