Yohana 3:26 - Bibiliya mu Kirundi coroshe

²⁶ Nuko baza aho Yohana ari bamubwira bati: “Rabi, wa muntu yari kumwe na we hakurya y’uruzi Yorodani, umwe washingira intahe, ariko arabatiza kandi abantu bose baja iyo ari.”

Bibliya Yera 1951 1967 (Burundi)

²⁶ Baza aho Yohana ari, baramubgira, bati Mwigisha, uwo mwari kumwe hakurya ya Yorodani, umwe washingira intahe, erega na we arikw arabatiza, kandi bose baza kuri we.

Yohana 3:26 ပူးပေါင်းရင်းမြစ်များ

Matayo 23:7

Bakunda kuramutswa mu cubahiro mu makoraniro y’abantu, bagakunda ko babita Rabi risobanurwa ngo Mwigisha.

Matayo 23:8

Ariko mwebwe, ntimukemere ko babita Rabi kuko mufise umwigisha umwe, namwe mukaba muvukana.

Yohana 1:15

(Yohana yamushingiye intahe aho yasemerera ati: “Uwu ni we navugako igihe navuga nti: ‘Uwuje inyuma yanje aranduta cane kuko yariho jewe ntarabaho.’ ”)

Yohana 1:7

aza gushingira intahe uwo muco kugira ngo bose bizere kubera intahe yiwe.

Yohana 1:9

Umuco w’ukuri wakira umuntu wese wariko uraza mw’isi.

Yohana 11:48

Nitwamureka akabandanya uku, abantu bose bazomwizera, maze Abaroma baze bigarurire urusengero rwacu n’igihugu cacu.”

Yohana 12:19

Nuko Abafarisayo baravugana bati: “Murabona ko ata co turiko turashikako. Isi yose iriko iramukurikira!”

Yohana 3:2

Umusi umwe aza kuraba Yesu mw’ijoro aramubwira ati: “Rabi, turazi ko uri umwigisha yavuye ku Mana, kuko nta muntu yoshobora gukora ibitangaza ukora, Imana itari kumwe na we.”

Yohana 4:1

Nuko Yesu yumva ko Abafarisayo bamenye ko aronka kandi akabatiza abigishwa benshi kurusha Yohana.

Yohana 4:2

Ariko Yesu ubwiwe si we yabatiza, ahubwo bari abigishwa biwe.

Yohana 4:31

Muri ico gihe, abigishwa bariko baramwinginga bati: “Rabi, gira ico ufunguye.”

Yohana 5:33

Mwatumye intumwa kuri Yohana, kandi intahe yanshingiye ni iy’ukuri.