Yohana 14:15 - Bibiliya mu Kirundi coroshe

¹⁵ Nimwaba munkunda, nimushire mu ngiro amabwirizwa yanje.

Bibliya Yera 1951 1967 (Burundi)

¹⁵ Ni mwankunda, muzokwitondera ivyagezwe vyanje,

Yohana 14:15 ပူးပေါင်းရင်းမြစ်များ

Matayo 10:37

Umuntu wese akunda se canke nyina akabandutisha ntankwiriye; uwukunda umuhungu wiwe canke umukobwa wiwe akamundutisha uwo na we nyene ntankwiriye.

Yohana 8:42

Yesu arababwira ati: “Iyo Imana ija kuba ari yo So, mwari kunkunda, kuko naje hano ntumwe na yo. Sinaje nirungitse, ni Imana yantumye.

1 Korinto 16:22

Nimba hariho uwudakunda Umwami, uwo aravumwe. Kaze Mwami!

Galatiya 5:6

Kuko muri Kristo Yesu, ugukebwa canke ukudakebwa nta kimazi bifise. Igihambaye ni ukwizera gukorera mu rukundo.

Abanyefeso 6:24

Ubuntu bube ku bakunda Umwami wacu Yesu Kristo hamwe n’urukundo rudahera.

1 Petero 1:8

Uwo Yesu muramukunda naho mutigeze mumubona, kandi muramwizera naho mutamubona. Ni co gituma mwuzuye umunezero amajambo adashobora gusobanura,

2 Yohana 1:6

Uru rukundo mvuga rusigura kwitondera amabwirizwa y’Imana, kandi yadutegetse gukundana, nk’uko mwavyumvise kuva mu ntango.