Matayo 9:26 - Bibiliya mu Kirundi coroshe

²⁶ Inkuru y’ico gitangaza ica ikwira hose muri iyo ntara.

Bibliya Yera 1951 1967 (Burundi)

²⁶ Iyo nkuru ikwira mur’ ico gihugu cose.

Matayo 9:26 ပူးပေါင်းရင်းမြစ်များ

Matayo 4:24

Nuko inkuru ziwe zikwiragira hose, gushika no muri Siriya. Bamuzanira abarwayi bose: abafise ububabare butandukanye, ababoshwe n’abadayimoni, abarwaye intandara, hamwe n’abatikakaza kubera bababara mu mubiri; bose arabakiza.

Matayo 9:31

Ariko bo, basohotse baca bakwiragiza inkuru ziwe muri iyo ntara yose.

Mariko 1:28

Ubwo nyene inkuru ziwe zica ziramamara mu ntara yose ya Galilaya.

Mariko 1:45

Aho guhora, wa muntu aca aragenda atangura kuvuga no gukwiragiza iyo nkuru. Ivyo vyatumye Yesu adasubira kuja mu gisagara ku mugaragaro ahubwo aca aguma hanze kure yaco ahantu hihishije. Ariko na ho nyene abantu barahamusanga bavuye mu mihingo myinshi.

Mariko 6:14

Muri iyo misi, Umwami Herode Antipa yumva inkuru za Yesu kuko yari yamaze kumenyekana cane. Bamwe bavuga bati: “Yohana Umubatizi yazutse, ni co gituma afise ubushobozi bwo gukora ibitangaza.”

Luka 4:14

Yesu aca asubira i Galilaya yuzuye ubushobozi bwa Mpwemu Yera, maze inkuru yiwe ikwira akarere kose kahegereye.

Luka 4:37

Nuko inkuru ziwe zikwira muri ako karere kose.

Luka 5:15

Yamara inkuru za Yesu zirushirizaho kumenyekana, abantu isinzi bakama baza aho ari kumwumviriza no kugira ngo abakize ingwara.

Luka 7:17

Nuko inkuru ya Yesu ikwira i Yudaya hose no mu micungararo yaho.

Ivyakozwe 26:26

Ibi umwami asanzwe abizi. Ibi ndiko ndabivuga nshize ubwoba kuko ndazi ko na we nyene abizi, kuko ntivyakorewe mu kinyegero.