Matayo 7:7 - Bibiliya mu Kirundi coroshe

⁷ Musabe muzohabwa; murondere muzoronka; mudodore muzokwugururirwa.

Bibliya Yera 1951 1967 (Burundi)

⁷ Musabe, muzohabga; murondere, muzoronka; muramutse, muzokwugururirwa.

Matayo 7:7 ပူးပေါင်းရင်းမြစ်များ

Matayo 18:19

Kandi, ndababwira ukuri ko babiri muri mwebwe nibahuriza inama kw’isi gusaba ikintu ico ari co cose, Data wo mw’ijuru azokibakorera.

Matayo 21:22

Nimwizera, ico muzosaba cose mu gusenga muzogihabwa.”

Matayo 6:33

Ahubwo, nimubanze mwitwararike Ubwami bw’Imana no kugororoka kwayo, hanyuma ivyo na vyo izobibaha nk’inyongera.

Matayo 7:11

Nimba mwebwe mushobora guha ingabire nziza abana banyu kandi muri babi mu mitima, mbega So wo mw’ijuru ntazorushiriza guha ivyiza ababimusavye!

Matayo 7:8

Kuko uwusaba wese arahabwa, uwurondera araronka, n’uwudodora arugururirwa.

Mariko 11:24

Ni co gituma ndababwira ko ico muzosaba cose mu gusenga, mukwiye kwizera ko mwamaze kukironka, kandi Imana izokibaha.

Luka 13:25

Nyene inzu niyahaguruka akugara umuryango, muzohagarara inyuma mudodora, mutakamba muti: ‘Nyakwubahwa, twugururire.’ Na we azobishura ati: ‘Sindabazi kandi sinzi n’iyo muva.’

Luka 18:1

Yesu aca abacira umugani, kugira ngo abereke ko bakwiye kwama basenga, ntibadendebukirwe.

Yohana 15:16

Si mwebwe mwantoranije, ni jewe nabatoranije. Nabashizeho kugira ngo mugende mwame ivyamwa, kandi ivyamwa bihoraho, kugira ngo ico muzosaba Data cose mw’izina ryanje azokibahe.

Yohana 15:7

Nimwaguma muri jewe, amajambo yanje akaguma muri mwebwe, muze musabe ico mushaka cose, kandi muzogihabwa.

Yohana 4:10

Yesu aramwishura ati: “Iyo uba wari uzi ingabire y’Imana, akamenya n’uwugusavye amazi yo kunywa uwo ari we, wari kumusaba na we akaguha amazi y’ubugingo.”

Abaroma 2:7

Izoha ubugingo budashira abashishikara gukora ivyiza, bakagira umwete mu kurondera ubwiza, icubahiro no kudapfa bitangwa na yo.

Abaroma 3:11

nta n’umwe atahura, kandi nta n’umwe arondera Imana.

Abaheburayo 11:6

Kandi ata kwizera, ntibishoboka ko umuntu ahimbara Imana. Umuntu wese ashaka kwegera Imana, ategerezwa kwizera ko iriho kandi ko iha impera abayirondera.

Yakobo 5:15

Isengesho ririmwo ukwizera rizotuma uwo murwayi akira; Umwami azomuvyura. Niyaba yarakoze ivyaha azobiharirwa.

1 Yohana 3:22

Kandi ico tuyisavye cose irakiduha, kuko twitondera amabwirizwa yayo, tugakora ibiyihimbara.