Matayo 19:27 - Bibiliya mu Kirundi coroshe

²⁷ Petero aramwishura ati: “None ko twebwe twasize vyose tukagukurikira, tuzoronka iki?”

Bibliya Yera 1951 1967 (Burundi)

²⁷ Buno Petero aramubaza, ati Mbega twebge ko twaretse vyose tukagukurikira; none tuzohabga iki?

Matayo 19:27 ပူးပေါင်းရင်းမြစ်များ

Matayo 19:26

Yesu arabitegereza, hanyuma ababwira ati: “Ku bantu ntibishoboka. Ariko ku Mana vyose birashoboka.”

Matayo 19:28

Yesu arababwira ati: “Ndababwire ukuri, mu gihe c’isi nsha, aho Umwana w’Umuntu azokwicarira ku ntebe yiwe y’icubahiro, mwebwe mwankurikiye, muzoba mwicaye ku ntebe cumi na zibiri, mucira imanza imiryango cumi n’ibiri ya Isirayeli.

Matayo 9:9

Yesu avuye aho, abona umutozakori yitwa Matayo yicaye aho yatoreza ikori, amubwira ati: “Nkurikira.” Matayo aca ava hasi, aramukurikira.

Mariko 10:28

Maze Petero aramubwira ati: “Twebwe twasize vyose turagukurikira!”

Mariko 2:14

Ariko ararengana, abona Lewi mwene Alufayo yicaye aho yatoreza ikori, amubwira ati: “Nkurikira!” Lewi aca ava hasi, aramukurikira.

Luka 14:33

Nuko rero, umuntu wese muri mwebwe adaheba ivyiwe vyose, ntashobora kuba umwigishwa wanje.

Luka 15:29

ariko uwo muhungu aramwishura ati: ‘Data, raba iyi myaka yose maze ndagukorera, numvira amategeko yawe yose. Ariko ntiwigeze umpa n’impene ikiri nto kugira ngo nezeranwe n’abagenzi banje.

Luka 18:28

Maze Petero aramubarira ati: “Twebwe twasize ivyacu vyose turagukurikira!”

Luka 5:11

Baca bakwegera ubwato bwabo ku nkengera y’ikiyaga, basigaho vyose, baramukurikira.

1 Korinto 1:29

Ivyo yabikoze kugira ngo ntihagire n’umwe agira ico yirata imbere y’Imana.

1 Korinto 4:7

Mbega ni nde yababwiye ko muruta abandi? Hari ico mufise mutahawe? None nimba mwaragihawe, ni kuki mwishira hejuru nk’aho mutagihawe?

Filipi 3:8

Ikirenze kuri ivyo, ni uko ibintu vyose ndavyiyumvira nk’ibitagira ikimazi kubera kumenya ikibirengeye ari co Kristo Yesu, Umwami wanje. Ku bw’uwo, nahevye ibindi vyose, ndabihindura ubusa kugira ngo ndonke Kristo,