Matayo 18:31 - Bibiliya mu Kirundi coroshe

³¹ Abakozi bagenziwe babonye ibibaye, barababara baca baja kubwira shebuja ivyabaye vyose.

Bibliya Yera 1951 1967 (Burundi)

³¹ Bagenzi biwe babonye ibibaye, barababara cane, baragenda babgira shebuja ibibaye vyose.

Matayo 18:31 ပူးပေါင်းရင်းမြစ်များ

Matayo 14:9

Maze umwami Herode arababara cane kubera ivyo yavuze, ariko kubera indahiro yari yarahiriye imbere y’abatumire biwe, avuga ko uwo mukobwa bamuha ico asavye.

Matayo 18:28

Uwo mukozi agisohoka ahura na mugenziwe bakorana amuheraniye idenariyo ijana. Amufata mw’izosi atangura kumunigura ati: ‘Ndiha umwenda umfitiye ningoga!’

Matayo 18:30

Ariko aranka. Ahubwo aramujana bamushira mw’ibohero kugira ngo azoveyo arishe umwenda wiwe wose.

Matayo 18:32

Shebuja avyumvise ahamagara wa mukozi yahebera umwenda munini amubwira ati: ‘Wa mukozi mubi we! Warantakambiye ndaguhebera umwenda wawe wose,

Mariko 3:5

Nuko Yesu abitegereza ashavuye, kandi ababajwe cane n’uko imitima yabo ikomantaye. Nuko abwira wa muntu ati: “Gorora ukuboko kwawe.” Akugoroye guca kurakira.

Luka 14:21

Wa mukozi aragaruka abwira shebuja ingene vyagenze. Maze na we arashavura cane, aca amubwira ati: ‘Genda mu mabarabara no mu mayira yo mu gisagara, uzane abakene, abacumbagira, impumyi, hamwe n’ibimuga.’

Luka 19:41

Yegereye Yerusalemu, yitegereza igisagara, arakiririra,

Abaroma 12:15

Abanezerewe, munezeranwe na bo, abarira murirane na bo.

2 Korinto 11:21

Numva mfise isoni zo kubabwira ko umenga twagize intege nke muri mwebwe, kubona tutigenjeje gutyo! Ariko nimba hari uwufise ico yokwubahuka kwirata, nanje ndagifise (ndabivugishijwe n’ubupfu).

Abaheburayo 13:17

Mugamburukire abarongozi banyu kandi mukore ivyo babategeka, kuko barinda imitima yanyu, kandi bazobibazwa n’Imana. Muborohereze kugira ngo babikorane umunezero, ata mubabaro, kuko ivyo nta ciza vyobazanira.

Abaheburayo 13:3

Mwibuke abari mu mabohero, nk’aho mwoba muri kumwe na bo mw’ibohero. Mwibuke abababazwa nk’aho namwe mwumva ububabare bwabo mu mibiri yanyu.