Matayo 13:54 - Bibiliya mu Kirundi coroshe

⁵⁴ Ashitse mu gisagara yakuriyemwo, atangura kwigishiriza abantu mw’isinagogi yabo. Abamwumviriza bose baratangara, babazanya bati: “Mbega ubu bwenge n’ubu bushobozi bwo gukora ibitangaza yabikuye he?

Bibliya Yera 1951 1967 (Burundi)

⁵⁴ Aja mu ntāra y’i wabo, yigishiriza mw isinagogi yabo, bituma batangara, bat’ Ubu bgenge n’ivyo bitangaza mbeg’ uyu yabikūye hehe?

Matayo 13:54 ပူးပေါင်းရင်းမြစ်များ

Matayo 2:23

baca baja kuba mu gisagara citwa Nazareti. Uko ni ko ivyo abavugishwa n’Imana bavuze vyashitse ngo: “Azokwitwa Umunyenazareti.”

Matayo 4:23

Ico gihe Yesu agendagenda mu ntara yose ya Galilaya yigishiriza mu masinagogi yaho, avuga Ubutumwa Bwiza bw’Ubwami, akiza abantu ingwara zose n’ubumuga bwose.

Matayo 7:28

Yesu amaze kuvuga ivyo, abantu batangazwa n’inyigisho ziwe;

Luka 2:47

Abamwumva bose baratangazwa n’ubwenge bwiwe hamwe n’inyishu ziwe.

Yohana 1:11

Yaje mu biwe, ariko abiwe ntibamwakira.

Ivyakozwe 13:46

Pawulo na Baranaba baca barabishura ata bwoba bati: “Ni mwebwe mwari mukwiye kwumva ijambo ry’Imana ubwa mbere. Ariko ko muryanse, mukabona ko mutabereye ubugingo budashira, duhindukiriye Abanyamahanga.

Ivyakozwe 4:13

Babonye ubushizi bw’amanga bwari muri Petero na Yohana, bakamenya ko batize, ahubwo ko ari abantu batobato, baratangara cane, ariko bamenya ko bagendanye na Yesu.