Matayo 12:12 - Bibiliya mu Kirundi coroshe

¹² Namwe murazi neza ko umuntu afise agaciro karengeye ak’intama! Ni co gituma vyemewe gukora iciza ku musi w’Isabato.”

Bibliya Yera 1951 1967 (Burundi)

¹² Mbega non’ umuntu ntaruta intama cane? None rero birēmerwa gukora ivyiza kw isabato.

Matayo 12:12 ပူးပေါင်းရင်းမြစ်များ

Matayo 10:31

Mweho rero, ntimugire ubwoba; kuko musumvya agaciro utunyoni twinshi.

Matayo 6:26

Nimwitegereze inyoni zo mu kirere: ntizibiba, ntizimbura kandi nta co zegeraniriza mu bigega; ariko So wo mw’ijuru arazigaburira! None mwebwe ntimuziruta cane?

Mariko 3:4

Arababaza ati: “Mbega ni igiki cemewe gukorwa ku musi w’Isabato: Gukora iciza canke gukora ikibi? Gukiza umuntu canke kumwaka ubugingo?” Ntihagira uwumwishura.

Luka 12:24

Nimwitegereze ibikona: ntibibiba kandi ntivyimbura, ntibigira n’ububiko canke ibigega, ariko Imana irabigaburira. None mwebwe ntimuruta cane inyoni?

Luka 14:1

Umusi umwe, hari kw’Isabato, Yesu aja kuzimanwa mu nzu y’umwe mu bakuru b’Abafarisayo, kandi abari ngaho bose bari bamuhanze amaso, bamugenza.

Luka 6:9

Maze Yesu arababaza ati: “Mbega ni igiki cemewe gukorwa ku musi w’Isabato? Gukora iciza canke gukora ikibi? Gukiza ubuzima bw’umuntu, canke kubwica?”