Matayo 10:38 - Bibiliya mu Kirundi coroshe

³⁸ Umuntu wese atikorera umusaraba wiwe ngo ankurikire ntankwiriye.

Bibliya Yera 1951 1967 (Burundi)

³⁸ Kand’ ūtikoreye umusaraba wiwe ngw ankurikire, ntaba ankwiye.

Matayo 10:38 ပူးပေါင်းရင်းမြစ်များ

Matayo 16:24

Hanyuma Yesu aca abwira abigishwa biwe ati: “Umuntu wese agomba kuba umwigishwa wanje, ategerezwa kwiheba, akikorera umusaraba wiwe, akankurikira.

Matayo 27:32

Bariko barasohoka igisagara, bahura n’umuntu yitwa Simoni w’i Kurene; abo basoda bamutegeka gutwaza Yesu umusaraba.

Mariko 10:21

Yesu aramuraba yumva aramukunze. Aramubwira ati: “Hari ikintu kimwe ugihajije. Genda ugurishe ivyo utunze vyose, maze amahera ukuyemwo uyahe abakene; ni ho uzoronka ubutunzi mw’ijuru, hanyuma uze unkurikire.”

Mariko 8:34

Nuko Yesu ahamagara rya sinzi ry’abantu benshi bari hafi ngo begere abigishwa, arababwira ati: “Uwushaka kuba umwigishwa wanje wese, ategerezwa kwiheba, akikorera umusaraba akankurikira.

Luka 14:27

Kandi uwutikorera umusaraba wiwe ngo ankurikire, ntashobora kuba umwigishwa wanje.

Yohana 19:17

Yesu asohoka yikoreye umusaraba wiwe, ajanwa ahantu hitwa Nyagihanga (mu Giheburayo hitwa Gologota).